San Juan 20:30 - Bible in Tzeltal de Oxchuc y Tenejapa

³⁰ Ay to bayal xan señaetic la spas te Jesús ta stojol te jnopojeletic yu'un te ma ba och ta ts'ibuyel li'to.

Nuevo Testamento Tzeltal de Amatenango

³⁰ Te Jesuse ay to xan bayal seña smilagroetik la spas ta sit te jnopojeletik yuꞌune te ma ochemuk ta tsꞌibayel liꞌ ba jun to.

Bible in Tzeltal Bachajón

³⁰ Te Jesús ay to tsobol xan señahiletic la spasticlan ta stojol te jnopojeletic yu'un te ma ba ts'ihbabil li' ta hun ini.

San Juan 20:30 ပူးပေါင်းရင်းမြစ်များ

San Juan 2:11

Ja' in to, ja' sbabial yu'un spisil te señailetic te la yac' ta ilel yutsilal a te Jesuse. Tey c'ot ta pasel ta lum Caná te ay ta sq'uinal Galilea. Te bit'il la yilbeyic seña yu'el Jesús te jnopojeletique, jich la xch'uun yo'tanic te mach'a a.

San Juan 21:25

Ja'uc me to, ay to bayal xan te bila la spas te Jesuse. Te spisiluc ya yich' ts'ibuyele, te ya cal te jo'one, ma tic'uc ya x'och ta balumilal te jayebuc junetic te jichuque. Jichuc.

San Juan 6:2

Bayal ants-winiquetic la sts'aclinic bael te Jesuse, yu'un la yilic te señailetic la spasbey ta stojol te jchameletique.

Romanos 15:4

Spisil te bila la yal te Sjun Diose, ja' la yich' ts'ibuyel yu'un te ya sp'ijubtesotique. Swenta yu'un ya xchicnaj ta ilel te ayix smuc'ul q'uinal ya caiytic ta swenta, jich jun co'tantic ya jmaliytic.

1 Corintios 10:11

Spisil in to, jich c'ot ta pasel ta stojolic, swenta yu'un ja' ejemplo ta jtojoltic, te ts'ibubil jilel ta swenta jcomeltic jo'otic te slajibal c'aal ayotiquixe.

1 Juan 5:13

La jts'ibubeyex in to, ja'ex te ach'uunejic te sbiil te Snich'an Diose, swenta yu'un jich me ya ana'ic stojol te ay acuxlejalic sbajt'el q'uinal.