San Juan 20:22 - Bible in Tzeltal de Oxchuc y Tenejapa

²² Patil la sjujch'iy soc la yalbey: —Ic'aic te Ch'ul Espiritue.

Nuevo Testamento Tzeltal de Amatenango

²² La xujchꞌilan, y la yaltalanbe: —Ikꞌaik te Chꞌul Espiritue.

Bible in Tzeltal Bachajón

²² Laj yalbel a, la shuhxiy, hich la yal: Ich'ahic te Ch'ul Espíritu.

San Juan 20:22 ပူးပေါင်းရင်းမြစ်များ

Génesis 2:7

Jich te Dios la spas ta ts'ubil lum jtul winic, la sjujch'ibey sni', jich cuxul c'ot. Jich caj ta cuxinel ta q'uinal te winique.

Job 33:4

Te Dios te Spisil ya xju' yu'un, la spason, la yac'bon jch'ulel soc la yac'bon quich' ic'.

Salmos 33:6

Te ch'ulchan soc spisil te bitic ay yu'une, ja' la spas te Cajwaltic ta swenta sc'op soc ta swenta ic' te loc' ta yee.

Ezequiel 37:9

Te Cajwaltic jich la yalbon xan: —C'opona ta jwenta jo'on te ic' ya yac' cuxlejale, jich xawalbey: “Jich ya yal te Cajwaltique: ‘Ic' te ya awac' cuxlejale, la' ta xchanxujc'ul q'uinal, la', ac'beya xcuxlejal te mach'atic lajemique’, xi' me”, uta me —xi' te Cajwaltique.

San Juan 14:16

Ya me jc'anbey te Jtate te ya sticunbeyex tel yan Joinwanej te ya sjoinex spisil ora stuquele,

San Juan 15:26

“C'alal ya xtal te Jmuc'tesej-q'uinal awu'unic te ya jticunbeyex tel ta swenta te Jtate, ja' me ya yalbon jc'oplal stuquel. Ja' te Espíritu yu'un te bila melele te talem ta stojol te Jtate.

San Juan 16:7

Ja'uc me to, ya me calbeyex ta melel te ja' lec te ya xboone, yu'un teme ma xboone, ma xtal ta atojolic te Jmuc'tesej-q'uinal awu'unique. Yan teme ya xboone, ya me jticunbeyex tel.

San Juan 20:21

Jesús la yal xan: —Muc'ubenuc me q'uinal ya awaiyic. Jich te bit'il la sticunon tel te Jtate, ja' nanix jich ta jticunex uuc te ja'exe —xi'.

San Juan 20:23

Te mach'a ya awac' ch'ayuc te smule, jc'axel ch'ayemix abi. Yan te mach'a ma xawac' ch'ayuc te smule, jich ma xch'ay te smule —xi' te Jesuse.

San Juan 7:39

Te bit'il jich la yale, ja' la yalbey sc'oplal te Ch'ul Espíritu te ya x'ac'botic te mach'atic ya xch'uunic te Jesuse. Melel ma to xtal a te Ch'ul Espiritue, yu'un ma to x'ac'ot ta ilel yutsilal te Jesuse.

Hechos 10:47

Te Pedro jich la yal: —¿Mach'a c'an scom teme ya x'ac'bot yich'ic ja' in yipalic to? Melel ac'botix yiq'uic te Ch'ul Espíritu jich nix te bit'il te jo'otique —xi'.

Hechos 19:2

Jich la sjojc'obey yaiy: —¿La bal awiq'uic te Ch'ul Espíritu te c'alal la ach'uunic te Jesuse? —xi'. La yalic: —Ni ayuc caiyotic stojol teme ay te Ch'ul Espiritue —xiic.

Hechos 2:38

La yal te Pedroe: —Sujt'esa awo'tanic ta stojol Dios, soc ac'a abaic ta ich'ja' juju-jtulex ta swenta sbiil te Jesucristoe. Jich me ya spasbeyex perdón yu'un te amulique, soc jich me ya yac'beyex te Ch'ul Espiritue.

Hechos 2:4

Ta spisilic noj ta yo'tanic te Ch'ul Espiritue. Jich jajch'ic ta c'op ta yantic c'opiletic chican bit'il ac'bot yalic yu'un te Espiritue.

Hechos 4:8

Jich yu'un te Pedroe, noj ta yo'tan te Ch'ul Espiritue. Jich la yal: —Lec ay, ja'ex te jwolwanejexe, te principalex yu'un te Israele,

Hechos 8:15

Te c'alal c'otic tey a, la sc'oponbeyic Dios swenta yu'un ya me x'ac'bot yiq'uic ta yo'tanic te Ch'ul Espiritue.

Gálatas 3:2

Ya me awalbonic caiy jiche: ¿Ja' bal la awiq'uic te Espíritu yu'un ta swenta xch'uunel te mandalil yu'un te Moisese, o ja' bal yu'un te la ach'uunic te sc'op Dios te la awaiyic stojole?