San Juan 20:20 - Bible in Tzeltal de Oxchuc y Tenejapa

²⁰ Soc la yac' ta ilel te sc'abe soc te smoche. Te jnopojeletique bujts'naj yo'tanic yu'un te la yilic te Cajwaltique.

Nuevo Testamento Tzeltal de Amatenango

²⁰ Te kꞌalal jich a yaltalanbeye, la yakꞌtalanbe yil te skꞌabe sok te skostiyae. Te jnopojeletike junub yoꞌtanik yuꞌun te la yilik te Kajwaltike.

Bible in Tzeltal Bachajón

²⁰ Laj yalbel a, la ya'be yilic te sc'ab soc te smochbaquel. Tse'el yo'tanic yu'un te jnopojeletic te c'alal la yilic te Cajwaltique.

San Juan 20:20 ပူးပေါင်းရင်းမြစ်များ

San Mateo 28:8

Jich te antsetique la yijq'uitayic te muquenale. Bajt'ic ta ora. Ayic ta xiwel soc ay bayal sbujts' yo'tanic yu'un te bila la yaiyiquix stojole. Animajic bael yu'un ba yalbey yaiyic te jnopojeletique.

San Juan 16:20

Jamal ya calbeyex, ya me x'oq'uex cu'un soc bayal me ya amel awo'tanic. Yan te mach'atic te ayic ta swenta te balumilale, ya xbujts'naj yo'tanic yu'un, ja'uc me to, te mel-o'tan ya awaiyique, ya me xc'atp'uj ta sbujts' awo'tanic.

San Juan 16:22

Ja' nanix jich te ja'exe, ayex ta mel-o'tan ta ora to. Ja'uc me to, ya me quilbeyex xan asitic soc ya me xbujts'naj ta lec awo'tanic yu'un. Te sbujts' awo'tanique ma xju' ta pojel.

San Juan 19:34

Ja'uc me to, ay jtul soldado la slowbey ta lanza te smoche. Ora nax a loc' tel ch'ich' soc ja'.

San Juan 20:25

Te yantic jnopojeletique, jich caj yalbeyic: —La quiltiquix te Cajwaltique —xiic. La yal te Tomase: —Ja' to ya xch'uun co'tan teme ya quilbey señail ta sc'ab te bay och te lawuxe, soc ja' to teme ya cac' ochel sbic'tal jc'ab tey a, soc ja' to teme ya cac' ochel jc'ab ta banti smoch —xi'.

San Juan 20:27

Soc la yalbey te Tomase: —La' me, ac'a tel te sbic'tal ac'abe. Ilbon awil te jc'abe. Soc ac'a tel ac'ab, ac'a ochel ta bay jmoch. Ma me chebuc awo'tan. Ch'uuna me —xi'.

1 Juan 1:1

Ya calbeyex sc'oplal te mach'a stalel ay ta xjajch'ibale. La caiybeytic stojol te sc'ope soc la quiltic ta jsitique, melel la jna'beytic sba te bi yilele soc la jpictic ta jc'abtic te C'opil te ay cuxinel ta swentae.