San Juan 20:13 - Bible in Tzeltal de Oxchuc y Tenejapa

¹³ Te ch'ul abatetique la yalic: —Ants, ¿bistuc te yacat ta oq'uele? —xiic. La yal te antse: —¿Bi yu'un la yich'bonic bael sbaq'uetal te Cajwale? Ma jna' te banti la yac'bonic jilele —xi'.

Nuevo Testamento Tzeltal de Amatenango

¹³ Te chꞌul angeletike la yalik: —Ants, ¿tuꞌun te ya xꞌokate? —xchiik. Te antse la yalbe: —Yuꞌun la yichꞌbeyik bael stiꞌbalul te Kajwale, y ma jnaꞌ ba la yakꞌik —xchi.

Bible in Tzeltal Bachajón

¹³ Hich halbot yu'unic: Ants, ¿bin yu'un yacat ta oq'uel? xchihic. Yu'un la yich'bonic bahel sbaq'uetal te Cajwal, ma jna' banti c'oht yaq'uic hilel, xchi te María.

San Juan 20:13 ပူးပေါင်းရင်းမြစ်များ

Eclesiastés 3:4

Ay yorail oq'uel, soc ay yorail tse'ej. Ay yorail mel-o'tan, soc ay yorail pas-q'uin.

Jeremías 31:16

Ja'uc me to, ya yalbey te Cajwaltique: —Raquel, ma x'oc'at xan; ma xamalix loq'uel ya'lel te asite. Melel te mel-o'tanil awu'une, ya me awich'bey stojol; te awalataque ya sujt' loq'uel tel ta slumal te scontroe. Jo'on Ajwalilon, jich ya cal.

San Lucas 24:17

Soc jojc'obotic yu'un: —¿Bila a te yacalex ta yaanel ta beele? ¿Bi yu'un te ayex ta mel-o'tane? —xi'.

San Juan 19:26

Te c'alal Jesús la yil te sme'e, soc uuc te jnopojel te bayal c'ux sba ta yo'tan soque, la yalbey te sme'e: —Jme'tic, ilawil te awale —xi'.

San Juan 2:4

La yal te Jesuse: —Me'tic, ¿bistuc ya awalbon jich? Melel ma to sta yorail cu'un —la yut.

San Juan 20:15

Jich c'opoj te Jesuse: —Me'tic, ¿bistuc yacat ta oq'uel? ¿Mach'a ya ale? —xi'. Te María la scuy te ja' te jcanan-awalts'unubile. La yalbey: —Tatic, teme ja'at la aq'uech baele, albon caiy te banti la awac'bon jilele, yu'un ya xba jq'uech bael —xi'.

San Juan 20:2

Jich bajt' ta animal tey a ta ba ay te Simón Pedroe soc te yan jnopojel te bayal c'ux sba ta yo'tan soc te Jesuse. Jich c'o yalbey: —La yich'beyiquix loq'uel sbaq'uetal ta muquenal te Cajwaltique. Ma jna'tic te banti la yaq'uique —xi' c'oel.

Hechos 21:13

Ja'uc me to, la yal te Pabloe: —¿Bi yu'un ya x'oq'uex? ¿Bi yu'un ya awac'bonic jmel co'tan? Te jo'one, jun co'tan chican teme chuquel o milel ya xc'o quich' ta Jerusalén ta swenta te Cajwaltic Jesuse —xi'.

1 Samuel 1:8

Jich albot yu'un te Elcana, ja' te smamlale: —Ana, ¿bi yu'un te ya x'oc'ate? ¿Bi yu'un te yacat ta mel-o'tan soc te ma xwe'ate? ¿Yu'un bal ma c'axuc jichon ta atojol a te bit'il lajuntul alnich'anetique? —xi'.