San Juan 2:5 - Bible in Tzeltal de Oxchuc y Tenejapa

⁵ Ja'uc me to, te sme' te Jesuse ba yalbey yaiyic te abatetique: —Ya me apasic spisil te bi ya yalbeyexe —xi'.

Nuevo Testamento Tzeltal de Amatenango

⁵ Pero te smeꞌ te Jesuse la yaltalanbe te aj-aꞌteliletike: —Pasaik me spisil te tut ya yalbeyexe —xchi.

Bible in Tzeltal Bachajón

⁵ Te snan la yalbe te a'batetic: Pasahic spisil te bin ya yalbeyex, xchi.

San Juan 2:5 ပူးပေါင်းရင်းမြစ်များ

Génesis 41:55

C'alal jajch'ic ta wi'nal te mach'atic ayic ta sq'uinal Egipto, la sc'anbeyic faraón te yacuc x'ac'botic trigo. Te faraón la yalbey spisil te egipcioetique: —Baan, c'oponaic te José. Pasaic te bila ya yalbeyex stuquele —xi'.

Génesis 6:22

Jich la spas te Noé spisil bitic albot ta mandal yu'un te Diose.

Ezequiel 12:7

Jich nix la jpas a te bit'il la yac'bon jpas te Cajwaltique. La jchajban te jbiluque. Ta c'aaleltic la quich' loq'uel te jbiluque, jich yilel te bit'il ya xboonix ta scaj ac'botonix quijq'uitay te jlumale. Ta mal c'aal la jut loq'uel ta jc'ab te ts'ajq'ue. C'alal ijc'ub q'uinal, ta comonsitil ta spisilic la jtsac te jbiluque, la cac' ta jnejq'uel, loc'on bael.

San Mateo 12:46

Te Jesús yac to ta c'op ta stojol a te ants-winiquetique, tal te sme'e soc te yijts'inabe. Teq'uelic julel ta amac', ya sc'an sc'oponic te Jesuse. [

San Juan 15:14

Te jo'otique jun co'tan jbajtic teme ja' ya apasic te bila la calbeyex ta mandale.

Hechos 9:6

Te Saulo jajch' ta nijq'uel yu'un xiwel. Jich la yal: —Cajwal, ¿bila ya sc'an awo'tan te ya jpase? —xi'. La yal te Cajwaltique: —Jajch'an, ochan bael ta lum. Tey me ya xc'o awich' alel a te bila ya sc'an ya apase —la yut.

Hebreos 11:8

Ta swenta xch'uunjel yo'tan te Abrahame, la xch'uunbey smandal Dios te c'alal la yich' iq'uel yu'une. Jich loc' tel ta slumal, bajt' ta banti q'uinal te ya x'ac'bot yu'unin yu'un te Diose. Ja'uc me to, ma ba sna'oj stojol te banti ya xc'ot te c'alal jajch' loq'uel ta slumale.

Hebreos 5:9

Jich mero lequil Jcoltaywanej c'ot, te sbajt'el q'uinal ay jcoleltic yu'un te jayebotic ya jch'uunbeytic te smandale.

Jueces 13:14

Ma me stuuntes te bila ya xloc' ta ts'usub, soc ma me xyuch' vino ni yantic uch'balil te tulanique, ni ma me swe' we'elil te ma lecuc sc'oplale. Ja' me ac'a spas te mandal calojbeye —xi'.

Rut 3:6

Jich yu'un te Rut bajt' ta bay te swuyojibal spat cebada, jich nix la spas spisil te bit'il pasot ta mandal yu'un te yalib-me'ele.