San Juan 2:4 - Bible in Tzeltal de Oxchuc y Tenejapa

⁴ La yal te Jesuse: —Me'tic, ¿bistuc ya awalbon jich? Melel ma to sta yorail cu'un —la yut.

Nuevo Testamento Tzeltal de Amatenango

⁴ Te Jesuse la sjakꞌbe: —Jmeꞌ, ¿tuꞌun te jicha tal awalbone? Yuꞌun ma to sta stiempoal kuꞌun —xchi.

Bible in Tzeltal Bachajón

⁴ ¿Bin cocheltic a, ants? Ma to ba stahoj yorahil cu'un, xchi te Jesús.

San Juan 2:4 ပူးပေါင်းရင်းမြစ်များ

2 Samuel 16:10

Pero la sjac' te muc' ajwalil: —Ma awentauc ja'ex, yalatac Sarvia. Teme ya yixtac'optayone, yu'un ja' nix te Cajwaltic te ticunbil yu'une. Teme jiche, ¿mach'a ya xju' ya sjojc'obey bi yu'un jich ya spas? —xi' te David.

2 Samuel 19:22

La sjac' te David: —Ma awentauc, yalatac Sarvia. ¿Bi yu'un ya atoy abaic ta jtojol? Yo'tic ya jna' ta lec te jo'on te muc' ajwalilon yu'un te Israele. Ja' yu'un ma'yuc mach'a ya xju' ya xlaj ta Israel ja' in c'aal to —xi'.

1 Reyes 17:18

Te me'ba ants jich la yalbey te Elías: —Swinic Dios, ¿bi awentaon? ¿Tal bal awac'bon xan jna' te jmule, soc tal bal awac' lajuc te cale? —la yut.

Eclesiastés 3:1

Ta balumilal spisil ay yorail ta pasel. Ay yorail ta jujun te bila ya xc'ot ta pasele:

San Mateo 15:28

Te Jesús la yalbey: —Me'tic, bayal xch'uunjel awo'tan. Jich me ya xc'ot ta pasel te bila ya sc'an awo'tane —xi'. Jich col ta ora te yantsil-ale.

San Mateo 8:29

Tulan jajch'ic ta aw te winiquetique. Jich la yalic: —Jesús ¿bistuc tal awochintayotic, ja'at te Snich'anat te Diose? ¿Yu'un bal tal awuts'inotic te ma to sta yoraile? —xiic ta aw.

San Lucas 2:49

La yal te Jesuse: —¿Bistuc te yacalex ta leawe? ¿Yu'un bal ma x'ana'ic te ya sc'an ya cat'elin te bila ay yu'un te Jtate? —xi' te Jesuse.

San Juan 12:23

Te Jesús la yalbey yaiyic: —C'otix yorail te ya x'ac'ot ta ilel yutsilal te Nich'anile.

San Juan 13:1

Nopol ya sta yorail te q'uin Pascuae. Te Jesús sna'oj te c'otix yorail te ya yijq'uitay jilel in balumilal to soc te ya xbajt'ix ta stojol te State. Spisil ora c'ux la yaiy ta yo'tan te mach'atic ay yu'un ta balumilale, soc la yac'bey xan yilic te c'uxbajem ta yo'tan c'alal ta slajibal.

San Juan 2:3

Ja'uc me to, laj yu'unic te vinoe. Jich tal ta stojol Jesús te sme'e, soc la yal: —Ma'yuquix vino yu'unic —xi'.

San Juan 20:13

Te ch'ul abatetique la yalic: —Ants, ¿bistuc te yacat ta oq'uele? —xiic. La yal te antse: —¿Bi yu'un la yich'bonic bael sbaq'uetal te Cajwale? Ma jna' te banti la yac'bonic jilele —xi'.

San Juan 20:15

Jich c'opoj te Jesuse: —Me'tic, ¿bistuc yacat ta oq'uel? ¿Mach'a ya ale? —xi'. Te María la scuy te ja' te jcanan-awalts'unubile. La yalbey: —Tatic, teme ja'at la aq'uech baele, albon caiy te banti la awac'bon jilele, yu'un ya xba jq'uech bael —xi'.

San Juan 7:30

Yo'tan c'an stsaquic ta ora, ja'uc me to, ma'yuc mach'a yal sc'ab, yu'un ma to xc'ot te yoraile.

San Juan 7:6

Te Jesús jich la yalbey yaiyic: —Ma to sta yorail cu'un. Yan te ja'exe biluc ora ya stac' xbaex atuquelic.

San Juan 7:8

Baanic ta yilel q'uin te ja'exe. Yan te jo'one, ma ba ya xboon, yu'un ma to sta yorail cu'un —xi'.

San Juan 8:20

Jich la yal ta p'ijubteswanej te Jesús ta bay nopol yawil smajt'an Dios ta templo. Ja'uc me to, jtul ma'yuc mach'a yal sc'ab ta tsaquel, yu'un ma to sta te yoraile.

2 Corintios 5:16

Jich yu'un, te jo'otique ma jichuc jnopojtic te bit'il ay te yantique, jich te bit'il ya yalic te mach'atic ayic ta balumilale. Manchuc teme jich jnopojbeytic sc'oplal Cristo jich te bit'il ya yalique, ta ora to ma jichuc c'oemix ta co'tantic te bit'il ya yalique.

Deuteronomio 33:9

Ja' te jich la yalbey sc'oplal te sme'-statique: “Jc'axel ma'yuc xquil”, xi', soc la yalbey sc'oplal te yermanotaque: “Ma xquil mach'a a”, xi', soc la yalbey sc'oplal te yal-snich'nabique: “Ma jna'bey sbaic”, xi'. Ja'ic ya xch'uunic spasel te bila ya yal te ac'ope, jc'axel yac'oj ta yo'tanic te trato chapal awu'une, ts'acal yac'oj ta yo'tanic.