San Juan 2:24 - Bible in Tzeltal de Oxchuc y Tenejapa

²⁴ Te Jesús ma la yac' sba ta na'el ta stojolic, yu'un sna'ojbey te bi yilel yo'tanic spisil te ants-winiquetique.

Nuevo Testamento Tzeltal de Amatenango

²⁴ Pero te Jesuse maꞌ yipin yoꞌtan yuꞌun, porke snaꞌojlanbe yoꞌtan spisil te genteetike.

Bible in Tzeltal Bachajón

²⁴ Pero te Jesús ma ba la smuc'ulin yo'tan, como sna'beyej yo'tan spisilic;

San Juan 2:24 ပူးပေါင်းရင်းမြစ်များ

1 Crónicas 28:9

Te ja'at Salomón, te jnich'anate, ma me xch'ay ta awo'tan te Dios yu'un te atate. Ac'a aba ta abatinel ta stojol ta spisil awo'tan. Junuc me awo'tan ta stojol, melel te Cajwaltic ya sna'botic ta lec te co'tantique, ya sna'botic bitic ya snop co'tantic soc bitic ay ta co'tantic. Jich yu'un teme jun awo'tan ya ale, jich me ya yac'bat te ya ata ta leele. Yan teme ya ach'ay ta awo'tane, ya me sloq'uesat ta jc'axel ta sbajt'el q'uinal.

1 Crónicas 29:17

Dios cu'un, ya jna' te ya atsajtaybotic te co'tantique, te ja' ya amulan te toj ya cac' jbajtique. Ja' swentail te toj co'tan jnopoj te tal cac' ta atojol spisil. Ta ora yo'tic to bin nax co'tan yu'un te lum awu'un te stsoboj sbaique, c'ax to xan la yaq'uic te majt'anil yu'unic ta atojole.

Jeremías 17:9

“Bayal ya xlo'laywan te o'tanile. Nojel ta mulil ta jyalel, ma'yuc yan bila pajal soc. Ma'yuc mach'a ay sp'ijil yu'un sna'el.

San Mateo 9:4

Te Jesús la sna' stojol te bila ay ta yo'tanique. Jich la yalbey: —¿Bi yu'un te amen te bila la yaan awo'tanique?

San Marcos 2:8

Te Jesús la sna' stojol te jich yacalic ta yalel ta yo'tanique. Jich la yalbey: —¿Bi yu'un te jich ya awal ta awo'tanique?

San Juan 1:42

Jich la yic' bael tey a ta ba ay te Jesuse. Jesús la yil te Simone. Jich la yalbey: —Ja'at Simonat snich'anat Jonás, ja'uc me to, Cefas abiil ya xc'oat —la yut. Te Cefas te xie, Pedro, xi' c'oem.

San Juan 16:30

Ta ora to la jna'tiquix te spisil ay ta awo'tan. Jich ma puersauquix te ay mach'a ya sjojc'obat xane. C'otix ta co'tantic te talemat ta stojol te Diose —xiic.

San Juan 21:17

Ta yoxebal buelta la yalbey xan: —Simón te snich'anat Jonase, ¿c'uxon bal ta awo'tan? —xi'. Te Pedro la smel yo'tan yu'un te yoxebalix buelta te albot te “C'uxon bal ta awo'tan?”, te xie. Jich la yal: —Cajwal, ay ta awo'tan spisil. Ana'oj stojol te c'uxat ta co'tane —xi'. Jesús la yalbey xan: —Mac'linbon jiche te chijetic cu'une.

San Juan 4:16

Te Jesús jich la yalbey: —Baan, ic'a tel te amamlale. La' soc li'to —la yut.

San Juan 5:42

Ya jna' te bit'il ay te awo'tanique te ma c'uxuc ya awaiyic ta awo'tanic te Diose.

San Juan 6:15

Te bit'il la sna' stojol Jesús te puersa ya yotsesic ta muc' ajwalil ta sc'opique, jich cha'bajt' xan ta wits stuquel.

San Juan 6:64

Ja'uc me to, ay cha'oxtulex ma x'ac'anic te ya ach'uunique —xi'. Yu'un ta xjajch'ibal to sna'oj te Jesuse te mach'atic ma xch'uunot yu'une soc te mach'a ya x'ac'ot ta c'abal yu'une.

Hechos 1:24

Jich la sc'oponic Dios yu'un: —Cajwaltic, ja'at awilojbey yo'tanic spisil te ants-winiquetique, jich yu'un ac'botic jna'tic stojol te mach'a tsabil awu'un jtuluc in chebic to,

Hechos 15:8

Te Diose, te sna'oj stuquel te o'tanile, ja' testigo yu'un te bit'il la yac'bey yiq'uic ta yo'tanic uuc te Ch'ul Espíritu, jich bit'il te jo'otique.

Deuteronomio 31:21

Yan te c'alal ya xtal bayal te bitic ma lecuc soc bitic ya x'ac'bot bayal swocolic yu'une, ja' me yorail ya xtuun ta swenta testigo ta stojolic a te c'ayoje, melel te patil alnich'anetic yu'unique, ya me sna'ic soc ya me sc'ajintayic. Melel yo'tic te ma to ba cac'oj ochel tey a ta bay lumq'uinal la calbey te ya cac'beye, pero jna'ojix ta lec te banti c'alal ya xbajt' te snopjibal yu'unique —xi' te Cajwaltique.

Hebreos 4:13

Melel te Diose, ma'yuc bila pasbil yu'un te ma chicanuc ta ilel ya yile. Spisil jamal ta ilel ya yil. Xujt' ma'yuc bila macal ta sit te Mach'a ya yich'botic ta wenta te cat'eltique.

Apocalipsis 2:23

Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.

1 Samuel 16:7

Pero albot yu'un te Cajwaltic: —Ma me ja'uc xbajt' ta awo'tan te bi yilele; te bi yilel snajt'il soc te bi yilel st'ujbilale, te jo'one ma ja'uc ay sc'oplal cu'un. Ma ja'uc ay ta wenta cu'un te bi ya yich' ta wenta te ants-winiquetique. Ja' ya xbajt' ta yo'tanic te bi yilel stec'lejal, yan te jo'one ja' ya quilbey te bi yilel te yo'tane —xi'.