San Juan 2:22 - Bible in Tzeltal de Oxchuc y Tenejapa

²² Jich yu'un te c'alal cha'cux tel ta bay animaetic te Jesuse, jich jul ta yo'tanic te jnopojeletic yu'un te bit'il jich yaloje. Jich la xch'uunic te bila ts'ibubil ta Sjun te Diose soc te bila la yal te Jesuse.

Nuevo Testamento Tzeltal de Amatenango

²² Jaꞌ yuꞌun te kꞌalal chaꞌkux tal te ba animaetike, te jnopojeletik yuꞌune la snaꞌik te jich yaloje. Jich a xchꞌuunik te tut tsꞌibabil ta Sjun te Diose sok te tuti yal te Jesuse.

Bible in Tzeltal Bachajón

²² Ha yu'un te c'alal cha'cuxaj tal ta yohlil te mach'atic chamenic, la sna' te jnopojeletic yu'un te hich nix yaloj, hich la sch'uhunic te Shun Dios soc te bin la yal te Jesuse.

San Juan 2:22 ပူးပေါင်းရင်းမြစ်များ

Salmos 16:10

melel ma ba ya awijq'uitayon jilel ta muquenal, ma ba ya apijt'es jilel ta ch'en te mach'a jun yo'tan ta atojole.

San Lucas 24:26

¿Ma bal jichuc la sc'an te puersa ya xc'ax swocol neeluc te Cristo te ma to x'och ta bay te utsilale? —xi'.

San Lucas 24:44

La yalbey yaiyic ts'iin: —Te bila c'ot ta pasel ta jwentae, ja' te la calbeyex awaiyic te c'alal joinejex to a. Puersa jich c'ot ta pasel spisil te bila ts'ibubil jilel jc'oplal ta mandalile yu'un te Moisés soc ta sjun te namey q'uinal j'alwanejetic yu'un te Diose soc ta salmoetic —xi'.

San Juan 12:16

Ta xjajch'ibal te jnopojeletique ma ba la sna'beyic swentail te bila la yilic te c'ot ta pasele. Ja'uc me to, te c'alal ac'otix ta ilel yutsilal te Jesuse, jul ta yo'tanic te jich nix ts'ibubil jilel sc'oplale soc te jich nix c'ot ta pasel ta stojole.

San Juan 14:26

Te Jmuc'tesej-q'uinal awu'unique, ja' te Ch'ul Espíritu te ya sticunbeyex tel ta jwenta te Jtate. Ja' me ya yac'beyex anopic spisil stuquel, soc ja' me ya yac'beyex ana'ic stojol ta spisil te bi la calixe.

San Juan 16:4

La me calbeyex awaiyic in to, swenta yu'un te c'alal ya xc'ot yorail, jich me ya ana'ic te jich nix la calbeyex awaiyique. “Ta neelal to ma la calbeyex spisil in to yu'un joinejex to a.

San Juan 2:11

Ja' in to, ja' sbabial yu'un spisil te señailetic te la yac' ta ilel yutsilal a te Jesuse. Tey c'ot ta pasel ta lum Caná te ay ta sq'uinal Galilea. Te bit'il la yilbeyic seña yu'el Jesús te jnopojeletique, jich la xch'uun yo'tanic te mach'a a.

San Juan 2:17

Te jnopojeletique jul ta yo'tanic te bit'il jich ts'ibubil jilele: “Mero ya xlajon ya caiy yu'un te bayal sc'oplal ta co'tan te anae”, te xie.

San Juan 2:2

soc ic'otic tel ta yilel nujbinel uuc te Jesús soc te jnopojeletic yu'une.

Hechos 11:16

Tey la jna' a te bila la yal te Cajwaltic te c'alal jich la yale: “Te Juane la yac' ich'ja' ta swenta nax ja'. Yan te ja'exe, ya me x'ac'botex awiq'uic te Ch'ul Espiritue” te xie.

Hechos 13:33

Melel Dios la yac' c'otuquix ta pasel ta jtojoltic, jo'otic te patil alnich'anotique, te c'alal la xcha'cuxes tel ta bay animaetic te Jesuse, jich bit'il ts'ibubil jilel ta bay salmo número dos: “Te ja'at jnich'anat. Nax to nax ayinat cu'un”, te xie.