San Juan 2:18 - Bible in Tzeltal de Oxchuc y Tenejapa

¹⁸ Te jwolwanej-judioetique tal sjojc'obeyic te Jesuse: —¿Bi seña ya apasbotic quiltic yu'un te bila yacat ta spasele? —xiic.

Nuevo Testamento Tzeltal de Amatenango

¹⁸ Te juriyoetike la sjojkꞌobeyik te Jesuse: —¿Tut seña ya awaꞌbotik kiltik te ay awaꞌtel ta spasel to? —xchiik kꞌoel.

Bible in Tzeltal Bachajón

¹⁸ La sjaq'uic te judíohetic: ¿Bin seña yac awac' quilcotic te ay awa'tel ta spasel ini? la yutic.

San Juan 2:18 ပူးပေါင်းရင်းမြစ်များ

1 Reyes 13:3

Ja' nix sc'aalelal a te j'alwanej la spasbey seña yu'el Dios. Jich la yal: —Ja' seña yu'el Dios yaloj in to: Te scajtijib ta chiq'uel majt'anile ts'ubiltic me ya xbajt', soc te tan ay ta sba ya me xpujc' bael —xi'.

Éxodo 7:9

—Teme ya sc'anbat jchajp señail te faraón, albeya te Aarón ac'a xch'oj coel ta lum te sbastón ta stojol te faraón, ya me xc'atp'uj ta chan —xi' te Diose.

San Mateo 21:23

C'alal tal ta templo te Jesuse. Jajch'emix ta p'ijubteswanej a te tal ta c'oponel yu'un te jwolwanej-sacerdoteetique soc te principaletic yu'un te lume. La sjojc'obeyic: —¿Banti la awich' awat'el ta spasel spisil in to? ¿Mach'a la yac'bat awat'el? —xiic.

San Marcos 8:11

Ay talic fariseoetic yu'un ya stsalic ta c'op te Jesuse. Jich la sc'anbeyic te ya yac' ta ilel seña yu'el ta ch'ulchan, yu'un c'an yilbeyic yo'tan.

San Lucas 11:29

Bayal mach'a la stsob tel sbaic ta stojol te Jesuse. Jich jajch' yalbey yaiyic: —Te ants-winiquetic te cuxulic ta q'uinal ta ora to, amen te yo'tanique. Ya sc'an seña yilic, ja'uc me to, ma x'ac'botic. Ja' seña ta stojolic c'oem te Jonás te namey q'uinal j'alwanej yu'un te Diose.

San Juan 1:19

Ay talic sacerdoteetic soc levitaetic ta stojol te Juane, ticunbilic tel yu'un te jwolwanej-judioetic ta Jerusalén. Jich jul sjojc'oyic: —¿Te ja'ate, mach'aat? —xiic.

San Juan 1:25

jich la sjojc'obeyic: —¿Bistuc ya awac' ich'ja' teme ma ja'ucat Cristoat, o Eliasat, soc teme ma ja'ucat te j'alwanejate? —xiic.

San Juan 6:30

La yalic: —¿Bi señailuc ya apas quiltic swenta yu'un jich me ya jch'uunticat? ¿Bila at'elil ya apas jiche?

Hechos 4:7

La sticunic ta iq'uel loq'uel tel ta chucjibal te Pedro te Juane. La stec'anic ta olilal, soc jajch' yich'beyic sc'opic: —¿Mach'a la yac'bat tulan awat'el ta spasel in to? ¿Mach'a ta swenta sbiil te jich ya apasique? —xiic.

Hechos 5:28

—¿Ma bal tulanuc mandal la caltic ta atojolic te ma x'awaiyiquix p'ijubteswanej ta swenta sbiil te Jesuse? Ja'uc me to, amen te bila la apasique, melel ta spamal Jerusalén, la apuquiquix te nopjibal awu'unique, soc ya ac'an awac'botic jcuchtic te bit'il laj ta milel te winique —xi'.