San Juan 2:16 - Bible in Tzeltal de Oxchuc y Tenejapa

¹⁶ La yalbey te jchon-palomaetique: —Loq'uesaic bael spisil in to. Ma me xac'atp'unic ta ch'iwich te sna te Jtate —xi'.

Nuevo Testamento Tzeltal de Amatenango

¹⁶ La yaltalanbe te machꞌatik yipalik ta chon-palomae: —¡Lokꞌesaik bael te apalomaik liye! ¡Maꞌ kꞌajtatesik ta merkado te sna te Jtate! —xchi.

Bible in Tzeltal Bachajón

¹⁶ La yalbe te jchon-stsuhmutetic: Loq'uesahic ini, ma me xac'atp'unic ta mercado te Sna te Jtate, la yut.

San Juan 2:16 ပူးပေါင်းရင်းမြစ်များ

Jeremías 7:11

¿Yu'un bal jich c'oem awu'unic te xch'en j'eleq'uetic te templo ac'bilon ta jwentae? Jo'on quilojix spisil. Jo'on Ajwalilon te jich ya cale.

San Mateo 21:12

Te Jesús och bael ta templo. La sten loq'uel spisil te mach'atic yacalic ta chonbajel, manbajel tey a. La sbot'q'uinbey smesaic te jel-taq'uinetique, soc snactijib te mach'atic yacalic ta xchonel te stsumute.

San Mateo 21:13

Jich la yalbey: —Jich ts'ibubil jilel ta Sjun te Diose: “Te jnae snail sc'oponel Dios sbiil”, te xie. Ja'uc me to, te ja'exe la ac'atp'uniquix ta xch'en j'eleq'uetic —la yut.

San Mateo 22:5

“Te mach'atic ic'bilique ma'yuc sc'oplal c'ot ta yo'tanic te iq'uele. Te jtule bajt' ta at'el ta bay te sq'uinale. Te yane ba yaiy chonbajel.

San Marcos 11:17

Jich la yal ta p'ijubteswanej te Jesuse: —Jich ts'ibubil jilel ta Sjun te Diose: “Te jnae snail sc'oponel Dios sbiil yu'un spisil te nacionetique”, te xie. Ja'uc me to, te ja'exe la ac'atp'uniquix ta xch'en j'eleq'uetic —xi' te Jesuse.

San Lucas 2:49

La yal te Jesuse: —¿Bistuc te yacalex ta leawe? ¿Yu'un bal ma x'ana'ic te ya sc'an ya cat'elin te bila ay yu'un te Jtate? —xi' te Jesuse.

San Juan 10:29

Melel ja' yac'ojbon ta jwenta te Jtate te cajal yu'el stuquele. Ma'yuc mach'a ya xju' ya spojbey loq'uel ta sc'ab te Jtate.

San Juan 2:15

Te Jesús la spas ta chicote te ch'ajane. La sten loq'uel ta templo spisil te chijetique soc te wacaxetique, soc la sbusq'uinbey staq'uinic te jel-taq'uinetique, soc la scotp'inbey bael te smesaique.

San Juan 20:17

La yal te Jesuse: —Ma me xapicon yu'un ma to moemucon bael ta bay te Jtate. Baan albeya te yantic quermanotaque ya me xmoon bael ta bay te Jtate te Atatic uuc te ja'exe, te Dios cu'une soc te Dios awu'unic uuc te ja'exe —xi'.

San Juan 5:17

Ja'uc me to, te Jesús la yal ta jamal: —Te Jtate yac ta at'el. Jich uuc te jo'one yacon ta at'el uuc —xi'.

San Juan 8:49

La yal te Jesuse: —Ma'yuc te pucuj ta co'tane. Ja' nax ya cac' ta ich'el ta muc' te Jtate. Yan te ja'exe, ma'yuc jc'oplal ta awo'tanic.

1 Timoteo 6:5

Soc ya yut sbaic yu'un te bit'il boloben yo'tanique, yu'un ch'ayix ta yo'tanic te smelelil c'ope. Ja' nax ya sc'an ya sta sc'ulejalic a te bila xch'uunejique. Ma me xajoin aba soc te mach'atic jich yo'tanique.

2 Pedro 2:3

Scaj sbic'tal yo'tanic yu'un taq'uin te ya slo'layex ta swenta slotil-c'opic te ya yaq'uic ta nopele. Ja'uc me to, namey chapal sc'oplalic te ya yich'ic castigo yu'un. Ma xju' ya scoltay sbaic te ya xbajt'ic ta lajel.