San Juan 2:11 - Bible in Tzeltal de Oxchuc y Tenejapa

¹¹ Ja' in to, ja' sbabial yu'un spisil te señailetic te la yac' ta ilel yutsilal a te Jesuse. Tey c'ot ta pasel ta lum Caná te ay ta sq'uinal Galilea. Te bit'il la yilbeyic seña yu'el Jesús te jnopojeletique, jich la xch'uun yo'tanic te mach'a a.

Nuevo Testamento Tzeltal de Amatenango

¹¹ Jaꞌ to jaꞌ primero seña smilagro te la spas te Jesuse te la yakꞌ ta ilel slekilal, te baꞌ jtejklum Cana te ay ta estado yuꞌun Galileae. Y te jnopojeletik yuꞌune la xchꞌuunik te jaꞌ mismo Cristo a te Jesuse.

Bible in Tzeltal Bachajón

¹¹ Ha shahchibal te señahiletic te la spas Jesús ta Caná te ay ta sq'uinal Galilea, hich la yac' ta ilel te yutsilal; soc hich ch'uhunot yu'un te jnopojeletic yu'une.

San Juan 2:11 ပူးပေါင်းရင်းမြစ်များ

1 Reyes 17:24

Te ants jich la yal: —Yo'tic la jna'ix te mero melel te swinicat Dios, soc te bila ya awal, ja' smelelil sc'op te Cajwaltique —xi'.

Salmos 72:19

Bayal me yutsil te Dios te ay yip yu'el xojobil sbajt'el q'uinal te sbiile. Ac'a nojuc ta yip yu'el xojobil spamal te lumq'uinale. Jich ac'a c'otuc ta pasel.

Salmos 96:3

Albeya sc'oplal yutsilal soc te jchajp nax bitic spasoje; albeyaic sc'oplal ta stojol spisil ta jchajp te lumetique.

Éxodo 14:31

C'alal la yil israeletic te smuc'ul yu'el Cajwaltic, te bila la spasbey te egipcioetic, la xi'ic te Cajwaltic, jajch' xch'uunic soc la yich'ic ta muc' te yabate, ja' te Moisese.

Éxodo 4:9

Yan teme ma xch'uunique, soc teme ma xyich'ic ta muc' ta xchebal te señailetic, lupa loq'uel tel ja', mala ta lum. Teme ya amal ta lum, ya me xc'atp'uj ta ch'ich' —xi'.

Eclesiastés 9:7

Ja' yu'un ya calbat, binuc nax me awo'tan ya xwe'at, soc binuc nax me awo'tan ya awuch' te vino awu'une, melel buen lec yo'tan Dios yu'un te awat'ele.

Isaías 40:5

Jich yu'un te Cajwaltic ya me yac' ta ilel te jelawen yutsilal, spisil ants-winiquetic pajal me ya yilic. Te Cajwaltic ja' nix la yal —xi' me ta yalel.

Malaquías 2:2

Ja'ex ay ta awentaic te ya ach'uunbonic te jc'ope; soc ja' ya sc'an te ayuc sc'oplal ta awo'tanic te ya awich'onic ta muq'ue. Teme ma xapasic, ya me jch'ayex ta co'tan. Teme ma'yuc jc'oplal ta awo'tanic te ya awich'onic ta muq'ue, ya me jch'aybeyex te bila ya ataic ta awat'elic ta sacerdoteile —xi' te Cajwaltic te Spisil ya xju' yu'une.

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

San Juan 1:17

Melel ta swenta Moisés ac'bototic te mandalile. Yan te yutsil-o'tanile soc te bila melele, ja' chicnaj ta swenta stuquel te Jesucristoe.

San Juan 1:43

Ta yan xan c'aal la snop te Jesús te ya xbajt' ta sq'uinal Galilea. La sta sba soc te Felipe, jich la yalbey: —La', ts'aclinawon bael —la yut.

San Juan 1:50

La yal te Jesuse: —¿Ja' bal la ach'uunon yu'un te la calbat te la quilat ta yanil higo-te', te xoone? C'ax to xan muc' ya awil bael ta patil a in bit'il to —xi'.

San Juan 10:41

Tsobol tal yilic. Jich la yalic: —Manchuc teme ma'yuc señail la spas te Juane, ja'uc me to, smelelil te bila la yalbey sc'oplal in winic to —xiic.

San Juan 11:15

ja'uc me to, ay sbujts' co'tan yu'un te ma'yucon tey a, yu'un jich me ya ach'uunonic a te ja'exe. Ya xba quiltic —xi'.

San Juan 11:47

Jich yu'un te fariseoetique soc te jwolwanej-sacerdoteetique la stsob sbaic ta Muc'ul Tsoblej yu'unic. Jich la yalic: —¿Bi me ya jpastic yu'un? Melel te winique bayal señailetic yac ta spasel.

San Juan 12:18

Ja' swentail te loc' staic Jesús te ants-winiquetique, yu'un yaiyojiquix stojol te jchajp at'elil la spase.

San Juan 12:37

Manchuc teme bayal ta jchajp te señailetic la spas ta stojolic te Jesuse, ma ba c'ot ta yo'tanic te mach'a a,

San Juan 12:41

Jich la yal te Isaiase, yu'un yilojbey yutsilal te Jesuse, soc ja' nix te la xcholbey sc'oplale.

San Juan 14:13

Spisil te bila ya ac'anbeyic te Tatil ta jwenta, ya me jpasbeyex. Jich me ya x'ac'ot ta ilel yutsilal te Tatile ta swenta te Snich'ane.

San Juan 16:27

melel te Jtate c'ux ya yaiyex ta yo'tan. Ja' c'ux ya yaiyex ta yo'tan yu'un te bit'il c'uxon ta awo'tanique soc te bit'il xch'uunej awo'tanic te talemon ta stojol te Diose.

San Juan 16:30

Ta ora to la jna'tiquix te spisil ay ta awo'tan. Jich ma puersauquix te ay mach'a ya sjojc'obat xane. C'otix ta co'tantic te talemat ta stojol te Diose —xiic.

San Juan 2:1

Yoxebalix c'aal ta patil a te la spasic q'uin nujbinel ta banti lum Caná te ay ta sq'uinal Galilea. Tey ay uuc a te sme' te Jesuse,

San Juan 2:23

Te bit'il ay ta Jerusalén ta yorail q'uin Pascua te Jesuse, bayal mach'a la xch'uun yo'tanic ta swenta yu'un la yilic te señaetic te yac ta spasele.

San Juan 3:2

Tal sc'opon ta ajc'ubal te Jesuse. Jich jajch' yalbey: —Maestro, jna'oj stojol te bit'il ticunbilat tel ta p'ijubteswanej yu'un te Diose, melel ma'yuc mach'a ya xju' yu'un spasel te jchajp at'eliletic te yacat ta spasel te manchuc sjoinejucat te Diose —xi'.

San Juan 4:3

Te Jesús loc' bael ta bay sq'uinal Judea, cha'bajt' xan ta sq'uinal Galilea.

San Juan 4:46

Jich cha'tal xan Jesús ta lum Caná te ay ta sq'uinal Galilea ta bay la sc'atp'un ta vino te ja'e. Ay jtul winic julem tey a te yich'oj yat'el yu'un te ajwalile te ay ta chamel snich'an ta bay lum Capernaúm.

San Juan 4:54

In to ja' xchebal señailetic la yac' ta ilel Jesús, te la spas te c'alal sujt' tel ta sq'uinal Judea te ayix ta sq'uinal Galilea.

San Juan 5:23

swenta yu'un ya me yich'ic ta muc' te Nich'anile, jich nix te bit'il ay ta ich'el ta muc' te Tatile. Te mach'a ma xyich' ta muc' te Nich'anile, ja' ma xyich' ta muc' uuc te Tatil te ticunwan tele.

San Juan 6:14

Te c'alal la yilic te ants-winiquetic te seña yu'el Jesús te la spase, jich la yalic yu'un: —Ja'ix ta melel te j'alwanej yu'un Dios te caiyojtic stojol te ya xtal ta balumilale —xiic.

San Juan 6:2

Bayal ants-winiquetic la sts'aclinic bael te Jesuse, yu'un la yilic te señailetic la spasbey ta stojol te jchameletique.

San Juan 6:26

Te Jesús la yalbey: —Jamal ya calbeyex, ja' nax ya aleonic yu'un te bit'il noj ach'ujt'ic yu'un te waj la awe'ique. Ma ja'uc ya aleonic yu'un te la awilic te jayeb señail cu'el la jpase.

San Juan 6:30

La yalic: —¿Bi señailuc ya apas quiltic swenta yu'un jich me ya jch'uunticat? ¿Bila at'elil ya apas jiche?

San Juan 7:31

Ja'uc me to, ay tsobol mach'atic la xch'uunic soc la yalic: —Te c'alal ya xtal te Cristoe ¿c'ax to bal jich yipal señailetic ya yac' ta ilel te bit'il in winic to? —xiic yu'un.

San Juan 9:16

Ay cha'oxtul te fariseoetic la yalique: —Ma ba talem ta stojol Dios me to, melel ma scanantay te bi c'aalil swenta cux-o'tan —xiic. Soc ay la yalic: —¿Ya bal c'an ju'uc yu'un spasel jtul jmulawil in señailetic to? —xiic. Jich ma junuc yo'tan sbaic yu'un.

2 Corintios 3:18

Jich yu'un te jo'otique, lemen xojobil yutsilal Cajwaltic ta jsit quelawtic, jich te bit'il espejo, yu'un ma ba macalix jsitic ta pac'. Jich yanyanotic ta c'atp'ujel ta swenta te pajal quileltic ya xc'ootic soc te yutsilale. Ja' yat'el te Espíritu yu'un te Cajwaltic te ya x'at'ej ta co'tantic.

2 Corintios 4:17

Melel te bila ya xc'ax jwocoltic yu'un li'to ta q'uinale, c'axel nax ay soc ma'yuc lec sc'oplal stuquel. Ja' ya jtatic bayal cutsilaltic ta c'axem to xan a ta swenta sbajt'el q'uinal.

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

Deuteronomio 5:24

jich la awalbonic: “Ta mero melel te Cajwaltic te Dios cu'untic la yaq'uix quiltic te yu'el soc te yutsilale. La caiybeytiquix te sc'op te loc' tel ta yolil c'ajc'. Yo'tic la jch'uuntiquix ta lec te ma ba ya xlajotic yu'un te ya sc'oponotic te Diose.

1 Juan 5:13

La jts'ibubeyex in to, ja'ex te ach'uunejic te sbiil te Snich'an Diose, swenta yu'un jich me ya ana'ic stojol te ay acuxlejalic sbajt'el q'uinal.