San Juan 19:9 - Bible in Tzeltal de Oxchuc y Tenejapa

⁹ Cha'och bael ta Pretorio. Jich la yalbey te Jesús: —¿Banti talemat? —xi'. Te Jesús ma la sjac'.

Nuevo Testamento Tzeltal de Amatenango

⁹ Chaꞌoch xan bael te ba spalasioe. Jicha kꞌo sjojkꞌobe xan te Jesuse: —¿Ba talemat? —xyut. Pero te Jesuse ni jpꞌaluk a sjakꞌbe.

Bible in Tzeltal Bachajón

⁹ Cha'och xan bahel ta palacio, la sjoc'obe xan te Jesús: ¿Banti talemat? xchi. Pero ma ba la sjac' te Jesús.

San Juan 19:9 ပူးပေါင်းရင်းမြစ်များ

Isaías 53:7

C'ax swocol ta uts'inel, la sts'ic. Peq'uel la yac' sba ta jyalel, soc jc'axel ma'yuc loc' c'op ta ye. La yiq'uic bael jich bit'il alal chij ta miljibal; ma'yuc bay c'opoj, ni jtebuc, jich bit'il chij te c'alal ya yich' joxel te stsotsile.

San Mateo 26:63

Ja'uc me to, te Jesuse jp'al ma c'opoj. Jich yu'un te muc' sacerdote la yalbey xan: —Ya me awal ta melel ta stojol te cuxul Dios teme ja'at Cristoat te Snich'anat te Diose —la yut.

San Mateo 27:27

Jich te soldadoetic yu'un te Gobernador la yiq'uic ochel Jesús ta bay yutil cuartel. La yiq'uic tel stejc'anic ta stojolic ta stijq'uil te soldadoetique.

San Lucas 23:9

Bayal bila la sjojc'obey, ja'uc me to, te Jesús jp'al ma la sujt'es.

San Juan 18:28

La yiq'uic loq'uel ta sna Caifás te Jesuse soc la yiq'uic bael ta stojol ajwalil ta bay Pretorio. Yaquix sacubel tel a te q'uinale. Te judioetic ma ba ochic bael ta bay te Pretorioe. Ja' la sna'ic te ma lecuc sc'oplalic ya xc'ot teme ya x'ochique. Jich ma xju' sti'ic te chij swenta q'uin Pascua.

San Juan 18:33

Te Pilato sujt' ochel ta Pretorio. La yic' tel sc'opon te Jesuse. Jich la yalbey: —¿Ja'at bal Muc' Ajwalilat yu'un te judioetique? —xi'.

San Juan 18:34

La yal te Jesuse: —¿Ja'at nax bal ya awal atuquel, o yu'un bal ay yantic te yalojbat jc'oplale? —xi'.

San Juan 18:37

La yal te Pilatoe: —¿Melel bal jiche te muc' ajwalilate? —xi'. La sjac' te Jesuse: —Jichon te bit'il ya awale. Ja' swentail te ayinone soc te talon ta balumilale, yu'un tal cal ta jamal te smelelil c'ope. Ya yaiybonic stojol jc'op spisil te mach'atic yich'ojic ta muc' te bila melele —xi'.

San Juan 19:10

La yal te Pilatoe: —¿Bi yu'un te ma xajac'bon te jc'ope? ¿Yu'un bal ma x'ana' stojol te quich'oj cat'el te ya xju' ya cac'at ta lajel ta cruz soc te ya xju' ya jcoltayat baele? —xi'.

San Juan 19:8

C'alal la yaiy stojol te Pilatoe, bayal xiw yu'un.

San Juan 8:14

La yal te Jesuse: —Manchuc teme jo'on ya cal jc'oplal ta testigoe, ja'uc me to, smelelil te bila ya cale. Melel jna'oj te bay talemone soc jna'oj te bay ya xboone. Yan te ja'exe ma x'ana'ic te bay talemon soc te bay ya xboone.

Filipenses 1:28

Xujt' ma me x'axi'ic te mach'a ya scontrainexe. Ja' seña ya yilic te ch'ayel ya xbajt'ique; soc ja' seña ya awilic uuc te ja'ex te ya xcolex atuquelique, yu'un jich nix yaloj te Diose.

Jueces 13:6

Te ants ba yalbey te smamlal: —Ay jtul winic yu'un Dios tal ta jtojol. Bayal la yac'bon xiwuc co'tan, ja' nix yilel te ch'ul abat yu'un te Cajwaltique. Ma la jojc'obey mach'a a, soc ma la yalbon.