San Juan 19:6 - Bible in Tzeltal de Oxchuc y Tenejapa

⁶ C'alal ilot yu'un te jwolwanej-sacerdoteetic soc te policiaetique, jajch'ic ta aw, jich la yalic: —¡Mila ta cruz! ¡Mila ta cruz! —xiic ta aw. La yal te Pilatoe: —Ic'aic bael jiche. Baan, milaic ta cruz atuquelic. Melel te jo'one ma'yuc smul la jtabey —xi'.

Nuevo Testamento Tzeltal de Amatenango

⁶ Kꞌalal la yilik te stataletik yuꞌun te saserdoteetike sok te polisiaetike, lijk yawutayik: —¡Mila ta krus! ¡Mila ta krus! —xchiik. Te jPilatoe la yaltalanbe: —Ikꞌaik bal abi, ban milaik ta krus atukelik. Porke te joꞌone ni maꞌyuk a jtabe smul —xchi.

Bible in Tzeltal Bachajón

⁶ C'alal la yilic te Jesús te principal sacerdotehetic soc te policiahetic, hahchic ta aw: ¡Mila ta cruz! ¡Mila ta cruz! xchihic. La yal te Pilato: Ic'ahic bahel, milahic ta cruz te ha'exe, como mayuc smul la jtahbe te ho'one, xchi.

San Juan 19:6 ပူးပေါင်းရင်းမြစ်များ

San Mateo 26:58

Jich te Pedroe nam ts'ajc' la yil bael ta sts'aclinel, ja' to c'alal ta bay yamac'ul sna te muc' sacerdotee. Tey och bael uuc a, soc la sjoin ta naclej te policiaetic yu'un te temploe, yu'un ya yil te bit'il ya xc'ot ta loq'uel te Jesuse.

San Mateo 27:22

La yal xan te Pilatoe: —¿Bi ya jpasbey jiche te Jesús te Cristo xi' sc'oplale? —xi'. Spisilic la sjaq'uic: —¡Mila ta cruz! —xiic ta aw.

San Mateo 27:24

Te bit'il ma'yuc bi ya xju' yu'un la yil te Pilatoe, soc te bit'il bayal yac ta toyel yawic te lume, jich la sc'an tel ja' spoc sc'ab ta stojolic. Jich la yal ta spoquel te sc'abe: —Ma xju' ya jmulinbey smalel xch'ich'el in winic te toje. Ja'ex me ya amulinic atuquelic —xi'.

San Lucas 23:4

Te Pilato jich la yalbey te jwolwanej-sacerdoteetic soc spisil te ants-winiquetique: —Ma'yuc smul la jtabey in winic to —xi'.

San Juan 18:3

Jich te Judas tal soc te jtijc' soldadoetique soc uuc te policiaetic yu'un te templo te ticunbilic tel yu'un te jwolwanej-sacerdoteetic soc te fariseoetique. Chapalic tel soc slámparaic soc sc'ajq'uic soc yat'ejibic.

San Juan 18:31

La yal te Pilatoe: —Ic'aic bael te ja'exe. Baan, chajbanaic ta swenta te mandalil awu'unique —la yut. La yalic te judioetique: —Te jo'otique ma'yuc ta jwentatic te ay mach'a ya cac'tic ta lajele —xiic.

San Juan 18:38

La yal te Pilatoe: —¿Bila a te melele? —xi'. C'alal laj yo'tan ta yalel in to te Pilatoe, loc' bael ta sc'oponel xan te judioetique. Jich la yalbey yaiyic: —Xujt' ma'yuc smul la jtabey te winique.

San Juan 19:15

Cajic ta aw: —¡Bajt'uc ta milel! ¡Bajt'uc ta milel! ¡Mila ta cruz! —xiic ta aw. La yal te Pilatoe: —¿Ya bal stac' ya cac' ta milel ta cruz te muc' ajwalil awu'unique? —xi'. Te jwolwanej-sacerdoteetic la yalic: —Ma'yuc yan muc' ajwalil cu'untic, ja' nax stuquel te Césare —xiic.

San Juan 19:4

Te Pilato loc' xan tel. Jich la yal: —Ilawilic, ya me quic'beyex loq'uel awilic te winique. Tey me ya ana'ic stojol a te xujt' ma'yuc smul la jtabeye —xi'.

Hechos 2:23

Ja'uc me to, ta xjajch'ibal to tel ay ta yo'tan Dios te bit'il jich snopoj stuquele, la yac'beyex ta ac'abic te Jesús te la awac'beyic smilic ta cruz te mach'atic ma sna'beyic sba te Diose.

Hechos 7:52

¿Ay bal jtuluc j'alwanej yu'un Dios te ma la scontroinique? La smilic te mach'atic la yalbeyic sc'oplal te ya xtal te Mach'a toj yo'tane. Ja'uc me to, te c'alal tale, ja'ex la awaq'uic ta c'abal soc la amilic.