San Juan 19:30 - Bible in Tzeltal de Oxchuc y Tenejapa

³⁰ Te c'alal la sts'ub te vinagre te Jesuse, jich la yal: —Ju'ix cu'un —xi'. La stinan sjol soc loc' xch'ulel.

Nuevo Testamento Tzeltal de Amatenango

³⁰ Te Jesuse la spas prewa te chꞌaal binoe, y la yal: —Spisil a juꞌix ta pasel —xchi. Te nax a la stsꞌinan ta koel te sjole y lokꞌ xchꞌulel.

Bible in Tzeltal Bachajón

³⁰ C'alal laj sts'u'ts'uybel a te vinagre te Jesús, hich la yal: Hu'ix, xchi. Hich la sts'ohyan sjol, la yac' loc'uc sch'uhlel.

San Juan 19:30 ပူးပေါင်းရင်းမြစ်များ

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

Salmos 22:15

Taquinix que jich bit'il te taquin xejt'el oxom; slap'ojix sba cac' ta yutil que. La awac'on coel ta muquel ta yawil te lajele.

Isaías 53:10

Te Cajwaltic la sc'an yo'tan te ya sten ta uts'inel soc ta woclajel. Te bit'il la yac' sba ta milbil majt'anil ta swenta te mulile, ya me xnajt'ub xcuxlejal bayal c'aal, soc ya me xc'o yil te sts'umbale. Ja' me ta swenta te lec ya xc'ot te bitic chajbanbil yu'un te Cajwaltique.

Isaías 53:12

Jich yu'un te Dios ya yac'bey yawil ta yolilic te mach'a ich'bilic ta muq'ue; soc ya sjoin ta yaiyel tsalaw te mach'atic ay yipique. Melel la yac' sba ta lajel stuquel, soc la sjoin ta ajtayel te mach'atic amenique. Ta smelelil, la scuchbey smulic tsobol ta jtul, soc c'opoj yu'un te jmulawiletique.

Daniel 9:24

“Ya me xc'ax lajuneb xchanwinic (70) semana ta stojol te alumal soc te ch'ul lum awu'une, ja' to me ya sta yorail ya xlaj a te toybail soc te mulile, ja' to me ya sta yorail te perdón yu'un te bila amen yich'oj pasele. Sbajt'el me q'uinal ja' ya yich'ix pasel a te bila stojile, soc swenta yu'un jich ya xc'otix ta pasel a te bila chicnajem ta aiyele, soc nix te bila albil ta alwanej-c'ope, soc te ya yich' ch'ultesel xan te Mero Ch'ul Awilale.

Daniel 9:26

C'alal ya xc'ax te cheb xchanwinic (62) semana, ya me smilic te ch'ul jwentainwaneje. Te Jerusalén ya me yich' lajinel soc ya me yich' lajinel uuc te templo, ja' me ya slajin te swinictac te muc' ajwalil ya xtale. Te slajibale ora me ya xc'ot ta pasel, jich me ya xtal te bit'il snojel ja'; ja' to me c'alal slajibal te guerra soc te jinele, ja' te chapal nix sc'oplal ae.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

San Mateo 20:28

Jich bit'il te Nich'anile ma ja'uc talem yu'un te ay mach'a ya yabatine. Ja' talem yu'un te ya yac' sba ta abatinel, soc te ya yac' sba ta lajel swenta stojol scolel tsobol ta jtul —xi' te Jesuse.

San Mateo 27:50

Tulan awun xan te Jesuse. Loc' xch'ulel.

San Mateo 3:15

La yal te Jesuse: —Ac'a yich' pasel, melel ya sc'an ya jc'otestic ta pasel spisil te bila ya sc'an yo'tan te Diose —xi'. Jich la yac'bey yich' ja' te Juane.

San Marcos 15:37

Te Jesuse tulan awun. Loc' xch'ulel.

San Lucas 22:37

Ya calbeyex te puersa ya xc'ot ta pasel te bila ts'ibubil jilel ta bay Sjun te Diose: “La sjoin ta ajtayel te jmulawiletique”, te xie. Ya me xc'ot ta pasel spisil te bit'il ts'ibubil jilel jc'oplale —xi' te Jesuse.

San Lucas 23:46

Tulan awun te Jesuse, jich la yal: —Jtat, ya cac'bat ta ac'ab te jch'ulele —xi' ta aw. Te c'alal jich la yale, loc' xch'ulel.

San Juan 10:11

Jo'on te lequil jcanan-chijon. Te lequil jcanan-chije, ya yac' sba ta lajel yu'un te chijetique.

San Juan 10:18

Ma'yuc mach'a ya spojbon jcuxlejal. Jo'on ya cac' jba ta spasemal co'tan. Ya xju' cu'un ya cac' jcuxlejal, soc ya xju' cu'un ya jcha'quich' xan jcuxlejal. Jich spasojon ta mandal te Jtate —xi' te Jesuse.

San Juan 17:4

“La caq'uix ta ilel awutsilal ta balumilal. Ju'ix ta pasel cu'un te bila la awac'bon jpase.

San Juan 19:28

Te Jesús sna'oj stojol te spisil ju'ix yu'une. Soc jich la yal swenta yu'un ya xc'ot ta pasel te bila ts'ibubil ta Sjun te Diose: —Taquin co'tan —xi'.

San Juan 4:34

Te Jesús jich la yal: —Te jwe'ele ja' te ya jpasbey sc'anjel yo'tan te mach'a la sticunon tele, ja' to chican ya ju'tes.

Romanos 10:4

Melel te Cristoe, ja' tal slajinbey sc'oplal te mandalile, swenta yu'un toj ya x'ilot yu'un Dios spisil te mach'atic ya xch'uunique.

Romanos 3:25

Dios la yac' te ja' la jelolintic ta stojel jmultic te Cristo Jesuse, teme ya jch'uuntic te la smal xch'ich'el cu'untique. Jich chicnaj te stojil chajbanel yu'un te Diose, manchuc me ma la sna'bey smulic te ants-winiquetique soc la sts'icbey te smulic ta neelal toe.

1 Corintios 5:7

Loq'uesaic me te pocol levadurae, swenta yu'un jich me yach'il wots'bil harina ya xc'oex, te ma ba yich'oj levadurae. Melel te Pascua cu'untique, ja'ix te Cristo te la yich' milel ta jwentatique.

Filipenses 2:8

In te bit'il pajal c'ot soc te ants-winiquetique, c'ax peq'uel la yac' sba. Jun yo'tan la xch'uun te ya xbajt' ta lajele, soc la xch'uun milel ta cruz.

Hebreos 12:2

Ja' me ya jtojlintic ta ilel te Jesuse te la yac'botiquix quiltic te bit'il ya sc'an ya cac' xch'uunjel co'tantic ta stojol te Diose, soc te ya yac' ju'uc cu'untique. Melel te Jesuse soc sbujts' yo'tan la sts'ic swocol ta milel ta cruz, soc ma'yuc sc'oplal ta yo'tan te sq'uexlal te lajel ta cruz. Yu'un sna'oj stojol teme c'ax swocole, ya me sta bayal sbujts' yo'tan yu'un ta patil, soc la snajc'anix sba ta swa'el smuc'ul nactijib te Diose.

Hebreos 9:22

Yu'un ya yal te mandalile te ya yich' utstesel ta ch'ich' col spisiluc te bitic aye, melel ma'yuc ta ch'ayel mulil te manchuc ayuc ch'ich' ya yich' malele.