San Juan 19:18 - Bible in Tzeltal de Oxchuc y Tenejapa

¹⁸ Tey la sjijp'anic ta cruz a. Soc ay cheb winiquetic la sjijp'anic ta cruz soc, jtul ta juju-jmejch', ta olilal ay te Jesuse.

Nuevo Testamento Tzeltal de Amatenango

¹⁸ Teꞌ sjojkꞌanik ta krus a. Sok ay chaꞌtul te jojkꞌanot ta krus soke, juju-tul ta juju-jejch.

Bible in Tzeltal Bachajón

¹⁸ Tey c'oht sjihpanic ta cruz soc cha'tuhl winiquetic, jujutuhl ta jujujehch, ta ohlil ay te Jesús.

San Juan 19:18 ပူးပေါင်းရင်းမြစ်များ

Salmos 22:16

Jich bit'il ts'i'etic te jtsojp yac'oj sbaic, jc'axel sjoytayejonic ta jyalel te mach'atic amen yo'tanique; la yejch'entesbonic jc'ab soc cacan.

Isaías 53:12

Jich yu'un te Dios ya yac'bey yawil ta yolilic te mach'a ich'bilic ta muq'ue; soc ya sjoin ta yaiyel tsalaw te mach'atic ay yipique. Melel la yac' sba ta lajel stuquel, soc la sjoin ta ajtayel te mach'atic amenique. Ta smelelil, la scuchbey smulic tsobol ta jtul, soc c'opoj yu'un te jmulawiletique.

San Mateo 27:44

Soc la slabanic uuc te j'eleq'uetic te pajal jipilic ta cruz soque.

San Juan 18:32

Jich c'ot sc'op te Jesús te bit'il la yal te bila lajel ya yaiye.

San Juan 19:32

Jich bajt' te soldadoetique. La sc'asbey yacan te sbabiale soc te yane te pajal la yich'ic jijp'anel ta cruz soc te Jesuse.

Hechos 2:23

Ja'uc me to, ta xjajch'ibal to tel ay ta yo'tan Dios te bit'il jich snopoj stuquele, la yac'beyex ta ac'abic te Jesús te la awac'beyic smilic ta cruz te mach'atic ma sna'beyic sba te Diose.

Gálatas 3:13

Ja'uc me to, te Cristoe la yac'otic ta libre te bit'il ayotic ta ch'ayel yu'un te mandalile. Ja' la jelolintic ta ch'ayel. Melel jich ts'ibubil ta Sjun te Diose: “Ch'ayel bajt'ix te mach'a a te ya yich' jojc'anel ta te'”, te xie.

Hebreos 12:2

Ja' me ya jtojlintic ta ilel te Jesuse te la yac'botiquix quiltic te bit'il ya sc'an ya cac' xch'uunjel co'tantic ta stojol te Diose, soc te ya yac' ju'uc cu'untique. Melel te Jesuse soc sbujts' yo'tan la sts'ic swocol ta milel ta cruz, soc ma'yuc sc'oplal ta yo'tan te sq'uexlal te lajel ta cruz. Yu'un sna'oj stojol teme c'ax swocole, ya me sta bayal sbujts' yo'tan yu'un ta patil, soc la snajc'anix sba ta swa'el smuc'ul nactijib te Diose.