San Juan 18:8 - Bible in Tzeltal de Oxchuc y Tenejapa

⁸ La yal te Jesuse: —La calix te jo'one. Teme ja' ya aleonique, ac'a bajt'uc in to te mach'atic joineje —xi'.

Nuevo Testamento Tzeltal de Amatenango

⁸ Te Jesuse la yaltalanbe xan: —La kalbeyexix te joꞌone. Teme joꞌon ya aleikone, a me bajtikuk te machꞌatik joyineje —xchi.

Bible in Tzeltal Bachajón

⁸ La sjac' te Jesús: La jcalbeyexix te ho'on abi. Teme ho'on te yac alehbelonic, ac'a bahtuc te yantique, xchi.

San Juan 18:8 ပူးပေါင်းရင်းမြစ်များ

Isaías 53:6

Jpisiltic jowejemotic, jich bit'il ya spas chijetic, juju-jtul la jle jbetic jtuqueltic. Ja'uc me to, te Cajwaltic la yac' scuchbotic jmultic ta jpisiltic.

San Mateo 26:56

Ja'uc me to, ja' ya xc'otix ta pasel spisil te bila ts'ibubil jilel yu'un te j'alwanejetic yu'un te Diose —xi' te Jesuse. Spisil te jnopojeletic yu'un te Jesuse la yijq'uitayic jilel. Bajt'ic ta anel.

San Juan 10:28

Jo'on ya cac'bey xcuxlejal sbajt'el q'uinal, soc xujt' ma xch'ayic sbajt'el q'uinal. Ma'yuc mach'a ya spojbon loq'uel ta jc'ab.

San Juan 13:1

Nopol ya sta yorail te q'uin Pascuae. Te Jesús sna'oj te c'otix yorail te ya yijq'uitay jilel in balumilal to soc te ya xbajt'ix ta stojol te State. Spisil ora c'ux la yaiy ta yo'tan te mach'atic ay yu'un ta balumilale, soc la yac'bey xan yilic te c'uxbajem ta yo'tan c'alal ta slajibal.

San Juan 13:36

Te Simón Pedro la sjojc'obey te Jesuse: —Cajwal, ¿banti ya xbaat? —xi'. La yal te Jesuse: —Te bay ya xboon ta ora to, ma xju' ya ats'aclinon bael tey a, ja'uc me to, ya me ats'aclinon bael ta patil —xi'.

San Juan 16:32

Ya calbeyex te ya staix yorail soc ja' yorailix in to te ya xpujq'uex bael ta anel ta anaic juju-jtule, soc ya awijq'uitayonic jilel jtuquel. Ja'uc me to, ma jtuqueluc ya xjilon, melel sjoinejon te Jtate.

San Juan 18:7

La xcha'jojc'obey xan te Jesuse: —¿Mach'a ya aleic? —xi'. La yalic: —Ja' te Jesús te Nazarete —xiic.

San Juan 18:9

Jich c'ot ta pasel te bila la yal te Jesuse: “Te mach'atic la awac'bon ta jwentae, jtul ma ch'ay cu'un”, te xie.

1 Corintios 10:13

Te yiljibal awo'tanic te ya xtal ta atojolique, pajal ay ta atojolic soc te yantic ta bayuc. Ja'uc me to, jun yo'tan ta jtojoltic te Diose. Jich ma xyac' jelawuc xan yip ta atojolic te yiljibal awo'tanique, ma xyac' jelawuc a te bit'il ya xcujch' awu'unique. Yu'un te c'alal ya xtal te yiljibal awo'tanique, ya me slebeyex uuc te bit'il ya xju' ya xcolex loq'uele, swenta yu'un jich me ya xcujch' awu'unic.

2 Corintios 12:9

Ja'uc me to, jich la yalbon: “Tic'at a te yutsil co'tan awu'une. Melel te cu'ele ja' ya xchicnaj ta lec a te c'alal ma'yuc awipe”, la yuton. Jich yu'un, bin nax co'tan yu'un te bit'il ma'yuc quipe, swenta yu'un jich ya me xchicnaj ta jwenta te yu'el te Cristoe.

Efesios 5:25

Winiquetic, te nujbinemexe, c'ux me x'awaiy ta awo'tanic te awinamique; jich bit'il te Cristoe, c'ux la yaiy ta yo'tan te jch'uunjeletique. Melel la yac' sba ta lajel yu'unic.

1 Pedro 5:7

Ac'beya swentainbeyex spisil amel-o'tan te Diose, te melel ja' ya scanantayex spisil ora stuquel.