San Juan 18:3 - Bible in Tzeltal de Oxchuc y Tenejapa

³ Jich te Judas tal soc te jtijc' soldadoetique soc uuc te policiaetic yu'un te templo te ticunbilic tel yu'un te jwolwanej-sacerdoteetic soc te fariseoetique. Chapalic tel soc slámparaic soc sc'ajq'uic soc yat'ejibic.

Nuevo Testamento Tzeltal de Amatenango

³ Jich te Judase tal sok jtijk soltaroetik sok euk te polisiaetik yuꞌun te temploe te tikonlanbil tal yuꞌun te stataletik yuꞌun te saserdoteetike sok te fariseoetike. Chapalik tal sok stujkꞌik sok slampara y xtuchojlan tal skꞌajkꞌik.

Bible in Tzeltal Bachajón

³ Ha yu'un te Judas la yic' bahel soldadohetic soc policiahetic yu'un te principal sacerdotehetic soc yu'un te fariseohetic, tey bahtic soc a, stuchticlanejic sc'ahq'uic soc chapalic ta a'tejibaletic.

San Juan 18:3 ပူးပေါင်းရင်းမြစ်များ

Salmos 22:12

Te jcontrotac sjoytayejonic jichuc toroetic, c'ajc'al toroetic yu'un Basán yilel;

San Mateo 25:1

Soc la yal xan te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te ay lajuntul tec'tojom ach'ixetic te la yich'ic bael sc'ajq'uic te ba staic tel te winic ya xnujbine.

San Juan 13:2

Och pucuj ta yo'tan te Judas te snich'an Simón Iscariote, albot ta yo'tan te bit'il ya yac' ta c'abal te Jesuse. Te Jesús ay ta yo'tan te talem ta stojol Dios, soc te ya sujt' bael ta stojol Dios, soc te bit'il spisil ac'bilix ta sc'ab yu'un te State. Jich yu'un te c'alal yac ta we'el ta mesa, la stejc'an sba jajch'el. La sloq'ues sc'u', soc la xchuc toalla ta xch'ujt'.

San Juan 18:12

Ta stijq'uilic te soldadoetique soc te coronel yu'unique soc te policiaetic yu'un te judioetique, la sjumtayic ta tsaquel te Jesuse. Chucul la yiq'uic bael.

San Juan 18:18

Te bit'il ay bayal te sique, te abatetique soc te policiaetique teq'uelic ta sc'atinel te c'ajq'ue. Tey teq'uel ta sc'atinel c'ajc' uuc te Pedroe.

San Juan 18:22

C'alal la yal jich te Jesuse, te jtul policia yu'un templo te teq'uel tey a la spac'bey ta majel yelaw te Jesuse. Soc la yalbey: —¿Jich bal ya asujt'esbey sc'op te muc' sacerdote? —la yut.

San Juan 19:6

C'alal ilot yu'un te jwolwanej-sacerdoteetic soc te policiaetique, jajch'ic ta aw, jich la yalic: —¡Mila ta cruz! ¡Mila ta cruz! —xiic ta aw. La yal te Pilatoe: —Ic'aic bael jiche. Baan, milaic ta cruz atuquelic. Melel te jo'one ma'yuc smul la jtabey —xi'.

San Juan 7:32

Te fariseoetique la yaiyic stojol te jich yacalic ta smuquen-ayanel Jesús te lume. Jich te jwolwanej-sacerdoteetic soc te fariseoetic la sticunic policiaetic ta tsaquel te Jesuse.

Hechos 1:16

—Quermanotac, puersa c'ot ta pasel te bila ts'ibubil jilele, ja' bi ja' te bila yaloj te Ch'ul Espíritu ta swenta sti' David, te la yalbey sc'oplal te Judas te la yic' tel te mach'atic la stsaquic te Jesuse.

Hechos 10:1

Ay jtul winic ta lum Cesarea te Cornelio sbiil te centurión yu'un jchajp soldadoetic te Italiano sbiile.