San Juan 18:12 - Bible in Tzeltal de Oxchuc y Tenejapa

¹² Ta stijq'uilic te soldadoetique soc te coronel yu'unique soc te policiaetic yu'un te judioetique, la sjumtayic ta tsaquel te Jesuse. Chucul la yiq'uic bael.

Nuevo Testamento Tzeltal de Amatenango

¹² Te soltaroetike sok te statal yuꞌunike sok te polisiaetik yuꞌun te statal juriyoetik la skomon-chukonik bael te Jesuse.

Bible in Tzeltal Bachajón

¹² Te soldadohetic soc te comandante yu'unic soc te policiahetic yu'un te judíohetic la stsaquic te Jesús, la sc'olic bahel.

San Juan 18:12 ပူးပေါင်းရင်းမြစ်များ

Génesis 22:9

C'alal c'otic ta bay q'uinal albot yu'un te Diose, jich yu'un te Abraham la spasbey scajtijib ta chiq'uel smajt'an Dios. La xchajbanbey si'il te c'ajq'ue, la sc'ol ta chuquel te Isaac, la sjawan ta sba si' ta scajtijib te smajt'an Dios te la spase.

Génesis 40:3

Jich la sticun ta chuquel, la yac'bey xchuc te jcanan-chucjibale. Ochic ta chucjibal ta bay chucul te José.

Salmos 118:27

Te Cajwaltic ja' Dios stuquel, ja' ya sacub q'uinal ta jtojolic yu'un. Jajch'uc meix te q'uin, ich'aic bael sc'ab te'etic ja' to c'alal ta xulubil scajtijib smajt'an te Diose.

San Mateo 26:57

Te mach'atic xc'otuc stsaquic tel te Jesuse, la yiq'uic bael ta stojol te muc' sacerdote Caifase. Tey stsoboj sbaic a te jts'ibojometic soc te principaletique.

San Mateo 27:2

Jich la xchuquic bael. C'o yac'beyic ta sc'ab te Gobernador Poncio Pilato.

San Mateo 27:27

Jich te soldadoetic yu'un te Gobernador la yiq'uic ochel Jesús ta bay yutil cuartel. La yiq'uic tel stejc'anic ta stojolic ta stijq'uil te soldadoetique.

San Marcos 14:53

Te jtsacwanejetic la yiq'uic bael te Jesuse. Ba stejc'anic ta stojol te muc' sacerdotee. La stsob sbaic tel spisil te jwolwanej-sacerdoteetic soc te principaletique, soc te jts'ibojometique.

San Marcos 15:1

Te c'alal sacubix a te q'uinale, te jwolwanej-sacerdoteetic, te principaletic, te jts'ibojometic, soc ta spisil te Muc'ul Tsoblej yu'unique, la stsob sbaic ta xchapel sc'opic. Jich la xchuquic bael te Jesuse. Ba yac'beyic ta sc'ab te Pilatoe.

San Lucas 22:54

Jich la stsaquic te Jesuse, soc la yiq'uic bael ta bay sna te muc' sacerdotee. Te Pedro nam ts'ajc' la yil bael.

San Juan 18:3

Jich te Judas tal soc te jtijc' soldadoetique soc uuc te policiaetic yu'un te templo te ticunbilic tel yu'un te jwolwanej-sacerdoteetic soc te fariseoetique. Chapalic tel soc slámparaic soc sc'ajq'uic soc yat'ejibic.

Hechos 10:1

Ay jtul winic ta lum Cesarea te Cornelio sbiil te centurión yu'un jchajp soldadoetic te Italiano sbiile.

Hechos 21:31

Te bit'il ya sc'an smiliquixe, c'ot aiyej ta stojol te coronel yu'un te soldadoetic te bit'il jajch'emix bayal c'op ta lum Jerusalén.

Hechos 21:37

Te c'alal yacalic ta yochesel ta scuartelic te Pabloe, jich la sc'opon ta ora te coronele: —¿Ya bal xju' ya jc'oponat? —xi'. Te coronel jich la yal: —¿Ya bal ana' griego-c'op jiche?

Hechos 23:10

Te bit'il c'ax bulan te c'ope, jich jajch' ta xiwel te coronele. Ja' la sna' teme ya xlaj ta sesanel ta milel yu'unic te Pabloe. Jich la sticun coel soldadoetic te ya xba sloq'uesic tel ta yolil tsoblej te Pabloe, soc te ya yiq'uic ochel yan buelta ta bay te cuartele.

Jueces 16:21

Jich yu'un te filisteoetic la stsaquic soc la sloq'uesbeyic te site, la yiq'uic bael ta Gaza. Tey la sc'olic ta cadena te pasbil ta bronce, la yaq'uic ta at'el ta muc'ul molino ta yutil cárcel.