San Juan 18:11 - Bible in Tzeltal de Oxchuc y Tenejapa

¹¹ Te Jesús jich la yalbey te Pedroe: —Ac'a ochel ta sna te apuñale. ¿Yu'un bal ma puersauc ya xwoclajon te bit'il jich ya sc'an te Jtat te ya xc'ot ta jwentae? —la yut.

Nuevo Testamento Tzeltal de Amatenango

¹¹ Te Jesuse la yalbe te jPedroe: —Sujtesa ochel ta sna te a puñale. ¿Me yuꞌun wan ma puersauk ya xkꞌax jwokol jich te tutꞌil ya skꞌan te jTate te ya yakꞌ kꞌotuk ta jkuenta? —xyut.

Bible in Tzeltal Bachajón

¹¹ Jesús la yalbe te Pedro: Otsesa ta sna te espada awu'un. Te copa te la ya'bon cuch' te Tatil, ¿ma bal yacuc cuch'? xchi.

San Juan 18:11 ပူးပေါင်းရင်းမြစ်များ

2 Samuel 16:10

Pero la sjac' te muc' ajwalil: —Ma awentauc ja'ex, yalatac Sarvia. Teme ya yixtac'optayone, yu'un ja' nix te Cajwaltic te ticunbil yu'une. Teme jiche, ¿mach'a ya xju' ya sjojc'obey bi yu'un jich ya spas? —xi' te David.

Salmos 75:8

Te Cajwaltic yich'oj ta sc'ab te svasoil te yilimba, jich c'oem te bit'il capbil vino te pajubene. Te bi ora ya sp'is stuquel te vino, spisilic te mach'atic amen yo'tanic ta lumq'uinal ya me slajinic yuch'el, ma'yuc jxujt'uc ya xjil yu'unic.

Ezequiel 23:31

Ja' nix la at'unbey sbe te awixe. Ja' yu'un ja' nix ya cac'bat awuch' c'oem te bila la cac'bey yuch' te awixe.

San Mateo 20:22

Te Jesús la yalbey: —Ma x'ana'bey swentail te bila ya ac'ane. ¿Ya bal xju' awu'unic uuc te woclajel ya x'ac'botone? ¿Soc ya bal xju' awu'unic uuc te uts'inel ya quich' te jo'one? —xi'. La yalic: —Yac, ya xju' cu'untic uuc —xiic.

San Mateo 26:39

Been xan bael jtebuc te Jesuse. Tey la stinan sba coel c'alal ta lum ta sc'oponel te Diose. Jich la yal: —Jtat, te yacuc xju' te ma xc'ot ta jwenta in woclajel to, ja'uc me to, ma me ja'uc ya jpas te sc'anjel co'tane. Ja' ac'a pasuc te bila ya sc'an awo'tan atuquele —xi'.

San Mateo 26:42

Jich bajt' ta xchebal buelta ta sc'oponel te Diose: —Jtat, teme puersa ya xc'ax jwocole, ac'a pasuc te bila ya sc'an awo'tane —xi'.

San Lucas 12:30

Melel ja' nax baem yo'tanic ta sleel stuquel te ants-winiquetic ta balumilale. Yan te ja'exe ay Atatic te sna'oj spisil te bila ya xtuun awu'unique.

San Lucas 22:42

Jich la yal: —Jtat, teme ya sc'an awo'tane, ya xju' ya aq'uejbon bael in woclajel to, ja'uc me to, ma me ja'uc ya jpas te sc'anjel co'tane. Ja' me ya jpas te sc'anjel awo'tane —xi'. [

San Juan 15:10

Teme ya ach'uunic te mandaliletic cu'une, jich me ya x'ainex tey a ta bay te xc'uxul co'tane. Jich bit'il jo'on te jch'uunejbey te mandaliletic yu'un te Jtate, jich jc'axel ainemon tey a ta bay te xc'uxul yo'tane.

San Juan 17:24

“Jtat, te mach'atic awac'ojbone ya jc'an join ta bay ya x'ainon, swenta yu'un ya me yilbon te cutsilal awac'ojbon te bit'il c'uxon ta awo'tan te c'alal ma to xchicnaj a te balumilale.

San Juan 18:36

La yal te Jesuse: —Te bit'il ajwalilone, ma ja'uc ta swenta in balumilal to. Te yu'unuc ja'uque, ya me spasic guerra te abatetic cu'un te jichuque, swenta yu'un ma ba ac'oton ta sc'ab te judioetic te jichuque. Melel ma ja'uc ta swenta in balumilal to te bit'il ajwalilone —xi'.

San Juan 20:17

La yal te Jesuse: —Ma me xapicon yu'un ma to moemucon bael ta bay te Jtate. Baan albeya te yantic quermanotaque ya me xmoon bael ta bay te Jtate te Atatic uuc te ja'exe, te Dios cu'une soc te Dios awu'unic uuc te ja'exe —xi'.

2 Corintios 10:4

Yu'un te cat'ejibtic ta guerra ma swentauc ch'ich'-baq'uet. Te cat'ejibtic te jo'otique, ja' te yip yu'el te Diose te ya xju' ya jwuytic a te tulan ts'ajq'ue.

2 Corintios 6:7

soc smelelil te bila ya caltique, soc quich'ojbeytic yu'el te Diose. Ja' cat'ejibtic te bit'il toj ayotic ta q'uinale, ja' ya caiytic tsalaw a soc ja' jmajq'uiltic, ta wa'el ta q'uexen.

Hebreos 12:2

Ja' me ya jtojlintic ta ilel te Jesuse te la yac'botiquix quiltic te bit'il ya sc'an ya cac' xch'uunjel co'tantic ta stojol te Diose, soc te ya yac' ju'uc cu'untique. Melel te Jesuse soc sbujts' yo'tan la sts'ic swocol ta milel ta cruz, soc ma'yuc sc'oplal ta yo'tan te sq'uexlal te lajel ta cruz. Yu'un sna'oj stojol teme c'ax swocole, ya me sta bayal sbujts' yo'tan yu'un ta patil, soc la snajc'anix sba ta swa'el smuc'ul nactijib te Diose.