San Juan 18:1 - Bible in Tzeltal de Oxchuc y Tenejapa

¹ C'alal laj yo'tan ta yalel in to te Jesuse, loc' bael soc te jnopojeletic yu'une. Bajt'ic ta bay jejch' beja' Cedrón ta bay te awal-ts'unubiltique. Tey och bael a te Jesuse soc te jnopojeletic yu'une.

Nuevo Testamento Tzeltal de Amatenango

¹ Kꞌalal laj yoꞌtan ta yalel to, te Jesuse lokꞌ bael sok te jnopojeletik yuꞌune. Bajtik ta jejch ukꞌum Cedron te ba ay jun chꞌin huertae. Teꞌ och bael a te Jesuse sok te jnopojeletik yuꞌune.

Bible in Tzeltal Bachajón

¹ Te Jesús, c'alal laj yo'tan ta yalel a ini, loc' bahel soc te jnopojeletic yu'un, bahtic ta jehch uc'um Cedrón ta banti ay awal-ts'unubil, tey och soc a te jnopojeletic yu'une.

San Juan 18:1 ပူးပေါင်းရင်းမြစ်များ

Génesis 2:15

Te Cajwaltic Dios la yac' ainuc te winic ta yolil awalts'unubil te Edén sbiile, swenta yu'un ya me x'at'ej ta lumq'uinal, soc ya me scanantay.

Génesis 3:23

Jich yu'un te Cajwaltic la sticun loq'uel ta awalts'unubil, te Edén sbiile, swenta yu'un ya x'at'ej ta lumq'uinal te ja' nix pastajem ae.

2 Samuel 15:23

Spisilic yacalic ta buen oq'uel. C'axic bael spisil swinictac te David ta uc'um Cedrón. Ta spatic c'ax bael te muc' ajwalile. Spisil te swinictaque ja' neelajic bael ta sbelal jochol taquin q'uinal.

1 Reyes 15:13

Soc la sloq'uesbey yat'el te antsil-ajwalil, ja' te Maaca, yu'un la yac' ta pasel sloc'omba Asera. Te Asa la sjin te loc'omba soc la xchic' ta beja' yu'un Cedrón.

1 Reyes 2:37

melel te bi c'aalil ya xloc'at baele, teme c'axat ta jejch' beja' Cedrón, na'a me te c'axel ya xlajate. Pero ja'at nix ta amul —xi'.

2 Reyes 23:12

Soc la sjin te yantic scajtijib ta chiq'uel majt'anil te la spas te muc' ajwaliletic ta Judá ta banti stoyolil stsalul na yu'un Acaz. Soc la sjin te cajtajibaletic ta chiq'uel majt'anil te la spas Manasés ta amaq'uiletic ta templo yu'un Cajwaltic, la swuy soc la xch'oj ochel ta beja' yu'un Cedrón te sts'ubile.

2 Reyes 23:4

Te muc' ajwalil la spas ta mandal te Hilcías te muc' sacerdote, soc te xchebal sacerdote, soc te jcanan-ti'nailetic te ya sloq'uesic ta templo yu'un Cajwaltic spisil te bitic swenta yich'jibal ta muc' Baal, te Asera, soc spisil te bitic swenta yich'jibal ta muc' spisil te eq'uetic ta ch'ulchane. La xchic' ta ti'lum Jerusalén, ta spamlej Cedrón. Te stanule ora la yich'ic bael ta Betel.

2 Reyes 23:6

La sloq'ues ta Jerusalén te sloc'omba Asera ay ta templo yu'un te Cajwaltique. La xchic' ta spamlej Cedrón, asta mero tanub ta c'ajc' yu'un. Patil la slilin ta muquenaletic.

2 Crónicas 15:16

Te muc' ajwalil Asa la sloq'uesbey yajcanan te yinam smam, ja' te Maaca, yu'un te Maaca la yac' ta pasel sloc'omba Asera. Te Asa la sjinbey te yajcanan, la swuybey ta jc'axel, soc ba xchic'bey ta beja' Cedrón.

2 Crónicas 29:16

Te sacerdoteetic ochic bael ta mero yutil templo ta xchajbanel ta stojol Dios. La sloq'uesic bael spisil te bitic ma xtuun c'alal ta yamac'ul templo. Te levitaetic la yich'ic bael ta beja' Cedrón.

2 Crónicas 30:14

Jajch'ic ta sloq'uesel spisil te scajtijibic ta chiq'uel majt'anil soc yawilic ta chiq'uel pom yu'un lotil dios te ay ta Jerusalén, la xch'ojic bael ta beja' Cedrón.

Nehemías 2:15

Ijc' to a moon bael ta xch'ixil te beja'e. Patil c'alal la coclin beel te sjoyob ts'ajc'ul te lume, sujt'on tel, cha'ochon xan ta bay yochibal lum Stenlej Xatal Q'uinal.

Jeremías 31:40

Spisil te xatlejal te bay ya yich' muquel te animaetic soc te bay ya yich' ch'ojel bael te c'ajc'al tane, soc spisil te q'uinal ay ta sba beja' yu'un te Cedrón, ja' to ta bay la spas tel buelta, ta Yochibal Caballoetic, ta stojol sloq'uib c'aal, ac'bilon cu'unin. Soc spisil ma ba ya yich' xan tijel, ni jinel —xi' te Cajwaltique.

Levítico 2:6

Ya me axet' ta tsail nax, soc ya me atsijts'an ta aceite, melel ja' majt'anil harina.

San Mateo 26:30

Te c'alal laj yo'tanic ta sc'ajintayel te salmoe, bajt'ic ta Wits Olivailtic.

San Mateo 26:36

Te Jesús soc te jnopojeletic yu'une c'otic ta bay ch'in q'uinal Getsemaní sbiil, soc la yalbey yaiyic: —Naclanic li'to. Ya xba jc'opon Dios lum to —xi'.

San Marcos 14:26

Te c'alal laj yo'tanic ta sc'ajintayel te salmoe, bajt'ic ta bay Wits Olivailtic.

San Marcos 14:32

C'otic ta bay ch'in q'uinal te Getsemaní sbiile. Jesús la yalbey yaiyic te jnopojeletic yu'une: —Naclanic li'to ja' to teme laj co'tan ta sc'oponel te Diose —xi'.

San Marcos 14:42

Jajch'anic, ya xbootiquix. Talix te mach'a ya yac'on ta c'abale —xi' te Jesuse.

San Juan 14:31

Swenta yu'un ya me sna'ic te mach'atic ayic ta balumilal te c'ux ta co'tan te Jtate, ya jpas te bila yalojbon ta mandale. Jajch'anic, ya xbootiquix —xi' te Jesuse.

San Juan 18:26

Jojc'bot yu'un uuc jtul yabat te muc' sacerdote te xchapomal sba soc te mach'a bojbil loq'uel xchiquin yu'un te Pedroe, jich la yalbey: —¿Ma bal ja'ucat te la quil te ajoinej te winic ta bay awal-ts'unubile? —xi'.

Hechos 21:11

Tal yilotic ta banti ayotique. La stsacbey xchujq'uil xch'ujt' te Pabloe, la xchuc ta sc'ab soc ta yacan. Jich la yal: —Jich la yal te Ch'ul Espiritue: “Te yajwal in chujq'uil ch'ujt'ul to, jich me ya xc'o yich' chuquel ta Jerusalén yu'un te judioetique, soc ya me yac'beyic ta sc'ab te jyanlumetique”, xi' te Ch'ul Espiritue —xi' te Agaboe.