San Juan 17:8 - Bible in Tzeltal de Oxchuc y Tenejapa

⁸ Melel la calbeyix yaiyic te bila awalojbone. La yich'iquix ta muc', soc c'otix ta yo'tanic te talemon ta atojol ta melele. La xch'uunix yo'tanic te ja'at la aticunon tele.

Nuevo Testamento Tzeltal de Amatenango

⁸ yuꞌun la kalbeyix te akꞌop te la awalbone y la xchꞌuunikix. Sok kꞌotix ta yoꞌtanik te batsꞌi jich te talemon ta atojole, y la xchꞌuunikix te jaꞌat la atikonon tale.

Bible in Tzeltal Bachajón

⁸ como la jca'be te ac'op te la awa'bone; la yich'ic ta cuenta, soc sna'ojiquix ta lec te talemon ta atojol, soc sch'uhunejiquix te ha'at aticonejon tale.

San Juan 17:8 ပူးပေါင်းရင်းမြစ်များ

Proverbios 1:23

Aiybon awaiyic te tojtesel cu'une, jo'on me ya calbeyex lequil consejo; ya me cac'beyex ana'ic te bila ya yal te co'tane.

Proverbios 1:3

te ya jtatic p'ijubtesel, soc te ya jtsajtay jbajtic, soc te ya jpastic bila stojil, soc te ya jtatic toj-o'tanil, soc te ma xjowejotic ta c'op;

Proverbios 2:1

Jnich'an, u'uninbon me te c'opetic cu'une; q'ueja me ta ajol, q'ueja me ta awo'tan te mandaliletic cu'une.

Proverbios 4:10

Ich'bon ta muc' te jc'ope, jnich'an; u'unina, jich me ya xnajt'aj xan a te jayeb ja'wil ya xcuxinate.

Proverbios 8:10

Ma me ja'uc x'ac'anic te t'ujbil plata, soc ma me ja'uc x'ac'anic te t'ujbil oro; ja' me x'ac'anic te tojtesel soc te p'ijubtesele”, xi' te p'ijil-o'tanile.

San Mateo 13:11

Te Jesús la yalbey yaiyic: —Te ja'exe Dios ya yac'beyex ana'ic stojol te bit'il ay ta ajwalinel te Dios te ay ta ch'ulchan te ma'yuc ta na'el ta neelal toe. Yan te yantique, ma x'ac'bot sna'ic stojol stuquelic.

San Juan 12:49

Yu'un ma jo'ocon jc'op te ya cale, ja' sc'op te Jtat te la sticunon tele. Ja' la yac'bon te mandalil te bila ya cale soc te bila ya cac' ta nopele.

San Juan 14:10

¿Yu'un bal ma xc'ot ta awo'tan te jun ayon soc te Jtate? Ma jo'ocon jc'op jtuquel te bila ya calbeyexe. Te Jtat te jun ayon soque, ja' ya spas stuquel te yat'ele.

San Juan 15:15

Ma ba ya jp'isex xan ta abat, melel te mach'a abate ma sna' te bila ya spas te yajwale. Yan te ja'exe, jun co'tan jbatic, melel spisil cac'ojbeyex ana'ic stojol te bila yalojbon te Jtate.

San Juan 16:27

melel te Jtate c'ux ya yaiyex ta yo'tan. Ja' c'ux ya yaiyex ta yo'tan yu'un te bit'il c'uxon ta awo'tanique soc te bit'il xch'uunej awo'tanic te talemon ta stojol te Diose.

San Juan 16:30

Ta ora to la jna'tiquix te spisil ay ta awo'tan. Jich ma puersauquix te ay mach'a ya sjojc'obat xane. C'otix ta co'tantic te talemat ta stojol te Diose —xiic.

San Juan 17:14

Te jo'one la calbey yaiyic te ac'ope. Pero te mach'atic ayic ta swenta te balumilale la yilayic, yu'un ma swentauc te balumilale, jich bit'il ma yu'unucon balumilal te jo'one.

San Juan 17:18

Jich te bit'il la aticunon tel ta balumilale, ja' nanix jich te mach'atic cu'une ya jticun bael uuc.

San Juan 17:21

Jun nax me ac'a c'otuc ta spisilic, Jtat, jich te bit'il jun ayotique. Soc jun nax me ac'a c'otuc ta jwentatic, swenta yu'un ya me xc'ot ta yo'tanic te mach'atic ayic ta balumilal te ja'at la aticunon tele.

San Juan 17:23

Te jo'one ainemon ta yo'tanic. In te ja'ate ja' ainemat ta co'tan uuc, swenta yu'un jc'axel me jun ya xc'otic. Tey me ya sna'ic stojol a te mach'atic ayic ta balumilal te ja'at la aticunon tele, soc te c'ux ya awaiy ta awo'tan te mach'atic xch'uunejonixe, jich bit'il te c'ux ya awaiyon ta awo'tane.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

San Juan 3:17

Ma ja'uc la sticun tel Snich'an ta balumilal yu'un te ya yac' ta lajel yu'un smulic te ants-winiquetique. Ja' la sticun tel yu'un te ya scoltaye.

San Juan 3:33

Yan teme ay mach'a ya xch'uune, ya yac' ta na'el te bit'il melel te bila ya yal te Diose.

San Juan 6:68

Te Simón Pedro la yal: —Cajwal, ¿mach'a yan ya xbootic ta stojol? Melel ja'at nax atuquel te ay cuxinel sbajt'el q'uinal ta swenta te ac'ope.

San Juan 8:42

Te Jesús jich la yalbey yaiyic: —Te meleluc te ja' atatic te Diose, c'ux ya awaiyonic te jichuque, melel te jo'one talemon ta stojol te Diose te bit'il li' ayon to. Ma jtuquel-o'tanuc te talone. Ja' la sticunon tel te Diose.

1 Corintios 11:23

Yu'un te jo'one, la cac'beyex anopic te bila la yalbon te Cajwaltique. Ja' bi, ja'ix ta ajc'ubal a te ya x'ac'ot ta c'abal te Cajwaltic Jesuse, la stsac ta sc'ab te waje.

1 Corintios 15:1

Ta ora to, quermanotac, ya calbeyex xan ta jamal te lec yach'il c'op te la jcholbeyex awaiyique. La awich'ic ta muc' te c'alal la awaiyic stojole soc jun awo'tanic ach'uunejic ta ora to.

Deuteronomio 18:18

Jo'on me ya cac' chicnajuc ta yolilic j'alwanej yu'unic, jich bit'il te ja'ate. Te ya cac' chicnajuque, ja' ni me jtul te slumalique. Ya me x'albotic yu'un te bila ya calbey. Ja' me ya sc'asesbey yaiyic te bila ya calbeye.

1 Tesalonicenses 2:13

Jich yu'un, spisil ora ya calbey wocol Dios ta awentaic yu'un te bit'il la awich'ic ta muc' te c'op te la calbeyex awaiyique. La ach'uunic te ja' sc'op te Diose, ma la acuyic ta sc'op nax ants-winiquetic. Melel nix a te ja' sc'op Dios te la cale, te yaquix ta at'el ta awo'tanic ja'ex te ach'uunejique.

1 Tesalonicenses 4:1

Jich yu'un quermanotac, ya calbeyex wocol soc ya jtac'uyex ta swenta te Cajwaltic Jesuse. Jich bit'il la cac'beyex anopic te toj ya awac' abaic ta q'uinale, swenta yu'un jich me lec yo'tan awu'unic te Diose, jich c'axem to xan toj me xawac' abaic spisil ora.

1 Juan 4:14

Jo'on testigoon soc te jo'taque, la quilbeytic sit te Jesucristo te ticunbil tel yu'un te Tatile, ja' te Snich'an Dios te Jcoltaywanej yu'un spisil te ants-winiquetique.

Apocalipsis 1:1

Jich ay te bila la yac' ta na'el Dios ta swenta te Jesucristoe, swenta yu'un jich me ya yac'bey sna' te abatetic yu'une, ja' te bila ya xc'ot ta pasel ta ora naxe. Ta swenta te ch'ul abat yu'un te Jesucristoe, la yac'bey sna' stojol te Juan te ay ta abatinel yu'une.