San Juan 17:6 - Bible in Tzeltal de Oxchuc y Tenejapa

⁶ “La caq'uix sna'bat aba te jayeb mach'atic tsabil awu'un ta balumilal te la awac'bon ta jc'abe. Ja'at awu'un ta neelal, ja'uc me to, la awac'bonix ta jc'ab soc ayix ta yo'tanic te ac'ope.

Nuevo Testamento Tzeltal de Amatenango

⁶ “La kakꞌix snaꞌbeyat aba te jayeb machꞌatik tsabil awuꞌun ta balmilal te la awaꞌbon ta jkꞌabe. Jaꞌat awuꞌun, pero la awaꞌbonix ta jkꞌab, sok ayix ta yoꞌtanik te akꞌope.

Bible in Tzeltal Bachajón

⁶ La jca'be sna'bat aba te mach'atic li' ayic ta bahlumilal te la awa'bon ta jcuenta; ha'ic awu'un ta nahil, ha'at la awa'bon ta jcuenta, soc scanantayejic te ac'ope.

San Juan 17:6 ပူးပေါင်းရင်းမြစ်များ

Salmos 119:11

Cac'oj ta co'tan te ac'ope swenta yu'un ma jta jmul ta atojol a.

Salmos 22:22

Ya me calbat ac'oplal ta stojol te quermanotac; ya me calbat yutsil ac'oplal ta bay te tsoblej yu'unique.

Éxodo 9:16

Ja'uc me to, la cac' xcuxinat xan, swenta yu'un ya me awilbon te cu'ele, soc swenta yu'un ya me yich' alel jc'oplal ta spamal te q'uinale.

Proverbios 2:10

melel ta ajol ya me awich' te ap'ijile, ya me awaiybey xchi'il ta awo'tan c'oem.

Proverbios 23:23

Mana me soc ma me xachon te bila smelelile soc te p'ijil c'ope, te p'ijubtesel soc te sp'ijil ajole.

San Juan 1:18

Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

San Juan 12:28

Jich yu'un, Jtat, ac'a me ta ich'el ta muc' te abiile —xi' te Jesuse. Ay mach'a c'opoj tel ta ch'ulchan. Jich la yal: —La cac'atix ta ich'el ta muc' soc ya me cac'at xan ta ich'el ta muc' —xi'.

San Juan 15:19

Te junuc awo'tanic soc te mach'atic ayic ta swenta te balumilale, c'ux ya yaiyex te jichuque te bit'il jun ayex soque. Ja'uc me to, la jtsaex loq'uel tel ta yolilic. Ja' swentail te ya sp'ajex te mach'atic ayic ta swenta te balumilale.

San Juan 15:3

Te ja'exe utstesbilexix ta swenta te jc'op la calbeyexe.

San Juan 15:7

“Teme jc'axel ya x'ainex ta jtojole, soc teme jc'axel ya awac' ta awo'tanic te jc'ope, c'anaic te bila ya sc'an awo'tanique, ya me x'ac'botex.

San Juan 17:12

Te c'alal joinej to ta balumilal a, la jcanantay ta swenta awu'el te mach'atic la awac'bon ta jwentae. Spisil la jcanantay, jtul ma ch'ay cu'un. Ja' nax ch'ay stuquel te mach'a ay nanix ta swenta te ch'ayele, swenta yu'un jich ya xc'ot ta pasel te bila ts'ibubil jilele.

San Juan 17:14

Te jo'one la calbey yaiyic te ac'ope. Pero te mach'atic ayic ta swenta te balumilale la yilayic, yu'un ma swentauc te balumilale, jich bit'il ma yu'unucon balumilal te jo'one.

San Juan 17:16

Ma yu'unuquic te balumilale, jich bit'il ma yu'unucon balumilal te jo'one.

San Juan 17:2

Melel la awac'beyix yich' tulan yat'el ta stojol spisil ants-winiquetic swenta yu'un jich me ya yac' xcuxinuc sbajt'el q'uinal spisil te mach'a jayeb awac'ojbey ta sc'abe.

San Juan 17:24

“Jtat, te mach'atic awac'ojbone ya jc'an join ta bay ya x'ainon, swenta yu'un ya me yilbon te cutsilal awac'ojbon te bit'il c'uxon ta awo'tan te c'alal ma to xchicnaj a te balumilale.

San Juan 17:26

La cac'beyix sna'bat aba, soc ya to me cac'at xan ta na'el, swenta yu'un jich me ay xc'uxul yo'tanic ya xc'otic jich bit'il te xc'uxul awo'tan ta jtojole. Soc ya me x'ainon ta yo'tanic uuc —xi' ta sc'oponel Dios te Jesús.

San Juan 17:7

Ta ora to, sna'ojiquix stojol te ja'at awu'un spisil te bila awac'ojbone.

San Juan 18:9

Jich c'ot ta pasel te bila la yal te Jesuse: “Te mach'atic la awac'bon ta jwentae, jtul ma ch'ay cu'un”, te xie.

San Juan 6:37

Spisil mach'a ya yac'bon te Jtate ya xtal ta jtojol. Te mach'a ya xtal ta jtojole ma ba jch'oj loq'uel.

San Juan 6:39

Te bila ya sc'an yo'tan te Jtat te la sticunon tele, ja' te ma ba ya xch'ay cu'un jtuluc te jayeb mach'a yac'ojbonix ta jwentae, soc ya me jcha'cuxes tel ta slajibal c'aal.

San Juan 8:51

Jamal ya calbeyex, te mach'a ya yich' ta muc' te bila ya cale sbajt'el q'uinal ma xyil te lajele —xi'.

San Juan 8:52

La yalic te judioetique: —Ta ora to chican ta lec te ay pucuj ta awo'tane. Te Abrahame soc te j'alwanejetic yu'un te Diose spisil lajic. Te ja'ate ya awal: “Te mach'a ya yich' ta muc' te bi ya cale, sbajt'el q'uinal ma xlaj”, te xaate.

Hechos 13:48

Te c'alal la yaiyic stojol in to te jyanlumetique, bin nax yo'tanic yu'un soc jajch' yalic te bin nax yutsil sc'op te Cajwaltique. Spisil la xch'uunic te mach'a jayeb tsabilic yu'un te ya xcuxinic sbajt'el q'uinale.

Romanos 11:2

Ma ba yijq'uitayej ta yo'tan te lum yu'un te Diose, melel namey tsabil yu'un. ¿Yu'un bal ma xana'ic te bila la yal te Elías te ts'ibubil jilel sc'oplal ta Sjun Dios te c'alal la yalbey ta jamal smulic te israeletic ta stojol te Diose? Te jich la yale:

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

Colosenses 3:16

Ja'uc me nojel ta awo'tanic spisil ora te sc'op te Cristoe. Ayuc me sp'ijil awo'tanic te ya ap'ijubtes abaic soc te ya atac'uy abaique. C'ajintayaic soc awo'tanic ta yalel wocol Dios ta salmoetic, c'ayojetic yu'un te Diose, soc c'ayojetic ta swenta Espíritu.

2 Timoteo 1:13

Ma me xawac' ch'ayuc ta awo'tan te lequil c'op te awaiyoj stojol cu'une. Jujun c'aal ayuc me xch'uunjel awo'tan soc xc'uxul awo'tan ta swenta te Cristo Jesuse.

Hebreos 2:12

Jich te bit'il la yale: “Ya me cac'at ta ich'el ta muc' ta stojol te quermanotaque. Ya me jc'ajintayat ta bay yolil te mach'atic stsoboj sbaique”, xi' te Snich'an Diose.

Hebreos 3:6

Yan te Cristo te ja' Snich'an te Diose, jun nax yo'tan swentainej te snae, ja' bi ja' te jo'otic teme jc'axel jun co'tantic ta stojol c'alal ta slajibal c'aal, soc teme bin nax co'tantic ta smaliyel te jcoleltique.

1 Pedro 1:1

Jo'on Pedroon te ayon ta jpuc-c'op yu'un te Jesucristoe. Ya jpatbeyex awo'tanic ja'ex te q'uejel pujq'uemex ta bay chajbalchajp lum te ma'yuquex ta alumalique, ja' bi te ayex ta sq'uinal Ponto, ta sq'uinal Galacia, ta sq'uinal Capadocia, ta sq'uinal Asia, soc ta sq'uinal Bitinia.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

Apocalipsis 2:13

Jo'on quilojbat te awat'ele, soc ya jna' te banti nainemate soc ta banti ay smuc'ul nactijib te Satanase. Ja'uc me to, jun awo'tan awich'ojbon ta muc' te jbiile, ma ba amucojon ta awo'tan te bit'il ay xch'uunjel awo'tan cu'une, ni ja'uc te bi ora ac'ot ta lajel ta awolilic te Antipase, te jun yo'tan ta jtojol te la xch'uun milel tey a ta banti nainem te Satanase.

Apocalipsis 3:10

Scaj te ach'uunejbon te bila la calbat te jun me awo'tan ya ats'ic awocole, jo'on me ya jcanantayat te c'alal ya xtal prueba ta spamal balumilal, swenta yu'un ya me x'ilbot yo'tanic spisil te mach'atic ainemic ta balumilale.

Apocalipsis 3:8

Jo'on quilojbat spisil te awat'ele. Soc ta ora to jamojbatix ti'nail ta atojol te ma'yuc mach'a ya xju' yu'un te ya smaque. Manchuc teme jteb nax te awipe, ja'uc me to, awat'elinej spasel te bila la cale, soc ma ba amucoj ta awo'tan te jbiile.