San Juan 17:5 - Bible in Tzeltal de Oxchuc y Tenejapa

⁵ Ta ora to, Jtat, ac'bon quich' xan cutsilal ta atojol jich te bit'il pajal ay cutsilaltic a te c'alal ma to xchicnaj te balumilale.

Nuevo Testamento Tzeltal de Amatenango

⁵ Te ora to, jTat, aꞌbon xan kichꞌ jlekilal ta atojol jich tutꞌil te pajal ay jlekilaltik te kꞌalal ma to xchiknaj a te balmilale.

Bible in Tzeltal Bachajón

⁵ Yo'tic, Jtat, a'bon quich' xan cutsilal ta atojol, ha te utsilal ay cu'untic te c'alal ma to ayuc a te bahlumilale.

San Juan 17:5 ပူးပေါင်းရင်းမြစ်များ

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.

San Juan 1:18

Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

San Juan 10:30

Te jo'one soc te Jtate jun nax ayon soc —xi'.

San Juan 14:9

Jesús la yalbey: —Felipe, bayalix c'aal te joinejexe. ¿Ma to bal x'ana'bon jba? Te mach'a yilojonixe, ja' yilojix uuc te Jtate. ¿Bistuc te jich la awale: “Ac'botic quiltic te Tatile”, te xaate?

San Juan 17:1

C'alal laj yo'tan ta yalel in to te Jesuse, la stoy moel sit ta ch'ulchan soc jich la yal: —Jtat, c'otix yorail te ya awac' ta ilel yutsilal te Anich'ane, swenta yu'un ya me yac' ta ilel uuc te awutsilale.

San Juan 17:24

“Jtat, te mach'atic awac'ojbone ya jc'an join ta bay ya x'ainon, swenta yu'un ya me yilbon te cutsilal awac'ojbon te bit'il c'uxon ta awo'tan te c'alal ma to xchicnaj a te balumilale.

San Juan 3:13

“Ma'yuc mach'a moem bael ta ch'ulchan. Ja' nax stuquel te mach'a coem tel ta ch'ulchane, ja' te Nich'anil te talem ta ch'ulchane.

San Juan 8:58

La yal te Jesuse: —Jamal ya calbeyex, te c'alal ma to xchicnaj a te Abrahame, jtalel nanix ayon jtuquel a —xi'.

Filipenses 2:6

Te bit'il stalel Dios stuquel, ja'uc me to, ma ja'uc tulan sc'oplal bajt' ta yo'tan te bit'il pajal ay soc te Diose.

Hebreos 1:10

Soc jich la yal xan: “Cajwal, ja'at la awac'bey yiptajib ta xjajch'ibal te balumilale, soc ja' yat'el ac'ab te ch'ulchane.

Hebreos 1:3

Ja' chican a te yutsil xojobil te Diose, soc ja' chican a te bi yilel ay soc yo'tan te Diose. Spisil te bitic aye ja' ipajemic a te yu'el sc'ope. Te c'alal ju'ix yu'un spoquel loq'uel a te jmultique, la snajc'an sba ta ch'ulchan ta swa'el sc'ab te Muc' Diose.

1 Pedro 1:20

Chapalix yu'un Dios a te c'alal ma to pasbiluc a te ch'ulchan balumilale. Ja'uc me to, slajibal to ora chicnaj tel, swenta yu'un jich me ya awich'ic coltayel yu'un ta apisilic.

1 Pedro 1:21

Ja' ta swenta Cristo te ach'uunejiquix te Diose, te la yich' cha'cuxesel ta bay animaetic, soc te ac'ot ta ich'el ta muq'ue. Ja' swentail te awac'oj xch'uunjel awo'tanic soc smuc'ul awo'tanic ta stojol te Diose.

1 Juan 1:2

Ac'ot ta ilel te cuxinele. Te jo'on soc te jo'taque la quiltic. Ja' testigo c'oemon yu'un soc te jo'taque. Ja' ya calbeyex awaiyic sc'oplal te cuxinel sbajt'el q'uinale, te sjoinej sba soc te Tatil te chicnajix ta jtojoltique.

Apocalipsis 13:8

Spisil te mach'atic nainemic ta balumilale la slajin sbaic ta stojol te muc'ul chambalame, ja' te mach'atic ma nacaluc sbiilic ta lista swenta cuxinel te yich'oj te Alalchij te laje, te la yich' ts'ibuyel c'alal to te bi ora pastaj te ch'ulchan balumilale.

Apocalipsis 3:21

Te mach'atic ya xju' yu'unic tsalawe, ya me sjoinon ta naclej ta banti te muc'ul nactijibal cu'une, jich nix te bit'il caiyoj tsalaw te jo'one soc te joinejix ta naclej ta bay smuc'ul nactijib te Jtate.