San Juan 17:26 - Bible in Tzeltal de Oxchuc y Tenejapa

²⁶ La cac'beyix sna'bat aba, soc ya to me cac'at xan ta na'el, swenta yu'un jich me ay xc'uxul yo'tanic ya xc'otic jich bit'il te xc'uxul awo'tan ta jtojole. Soc ya me x'ainon ta yo'tanic uuc —xi' ta sc'oponel Dios te Jesús.

Nuevo Testamento Tzeltal de Amatenango

²⁶ La kakꞌix snaꞌbeyat aba y ya to me kakꞌ xan snaꞌbeyat aba. Jich tutꞌil te kꞌuxon ta awoꞌtane, jichuk me kꞌux ta awoꞌtan euk. Sok ya me xꞌanon ta yoꞌtanik —xchi ta skꞌoponel Dios te Jesuse.

Bible in Tzeltal Bachajón

²⁶ La jca'beyix sna'ic te abihile, soc ya to ca'be xan sna'ic, scuenta yu'un te sc'uxul awo'tan te ay ta jtojol ha nix hich ay ta stojolic, soc te junuc ayon soque, xchi ta sc'oponel Dios te Jesús.

San Juan 17:26 ပူးပေါင်းရင်းမြစ်များ

Salmos 22:22

Ya me calbat ac'oplal ta stojol te quermanotac; ya me calbat yutsil ac'oplal ta bay te tsoblej yu'unique.

San Juan 14:20

Te bi c'aalil te ya xc'ot ta pasele, ya me ana'ic te ayon ta stojol te Jtate, soc te ja'exe, ayex ta jtojol, soc ayon ta atojolic uuc.

San Juan 14:23

La yal te Jesuse: —Te mach'a c'uxon ta yo'tane, ya xch'uunbon te jc'ope soc c'ux ya x'aiyot yu'un te Jtate. Soc ya me xtal join spisil ora soc te Jtate.

San Juan 15:15

Ma ba ya jp'isex xan ta abat, melel te mach'a abate ma sna' te bila ya spas te yajwale. Yan te ja'exe, jun co'tan jbatic, melel spisil cac'ojbeyex ana'ic stojol te bila yalojbon te Jtate.

San Juan 15:4

Jc'axel ainanic me ta jtojol. Ja' nix jich te jo'one jc'axel me ya x'ainon ta atojol. Jich te bit'il sc'abc'ab ts'usub te ma xju' ya yac' sit ta stuquel teme ma snitojuc sba soc te mero smuc'ul yac'ule, ja' nanix jich te ja'exe, ma xju' ya sitinex teme ma jc'axeluc ya x'ainex ta jtojole.

San Juan 15:9

Te bit'il c'uxon ta yo'tan te Jtate, ja' nanix jich c'uxex ta co'tan uuc te ja'exe. Jich yu'un jc'axel ainanic tey a ta bay te xc'uxul co'tane.

San Juan 17:23

Te jo'one ainemon ta yo'tanic. In te ja'ate ja' ainemat ta co'tan uuc, swenta yu'un jc'axel me jun ya xc'otic. Tey me ya sna'ic stojol a te mach'atic ayic ta balumilal te ja'at la aticunon tele, soc te c'ux ya awaiy ta awo'tan te mach'atic xch'uunejonixe, jich bit'il te c'ux ya awaiyon ta awo'tane.

San Juan 17:6

“La caq'uix sna'bat aba te jayeb mach'atic tsabil awu'un ta balumilal te la awac'bon ta jc'abe. Ja'at awu'un ta neelal, ja'uc me to, la awac'bonix ta jc'ab soc ayix ta yo'tanic te ac'ope.

San Juan 17:8

Melel la calbeyix yaiyic te bila awalojbone. La yich'iquix ta muc', soc c'otix ta yo'tanic te talemon ta atojol ta melele. La xch'uunix yo'tanic te ja'at la aticunon tele.

San Juan 6:56

Te mach'a ya swe'bon te jbaq'uetale soc te ya yuch'bon te jch'ich'ele, jc'axel ayix ta jtojol soc jc'axel ayonix ta yo'tan uuc.

San Juan 8:50

Ma yu'unuc ya jle ich'el ta muc', ja'uc me to, ay Mach'a yo'tan te ya yac'on ta ich'el ta muq'ue soc ja' ya xchajbanwan stuquel.

Romanos 8:10

Yan teme ay ta awo'tanic te Cristoe, manchuc teme lajem abaq'uetalic yu'un te mulile, ja'uc me to, cuxulex yu'un te espíritu ta swenta te bit'il toj ya yilex te Diose.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

1 Corintios 12:12

Jun nax ay te jbaq'uetaltique, ja'uc me to, bayal ta jchajp te bila ay tey a. Manchuc teme bayal ta jchajbe, ja'uc me to, jun nax ay ta scojt'ol. Ja' nix jich te Cristoe.

Gálatas 2:20

Jich pajal lajemon soc ta cruz te Cristoe. Cuxulon ts'iin, ja'uc me to, ma jo'oconix te cuxulone. Ja' cuxulix ta co'tan te Cristoe. In te bit'il cuxulon to ta q'uinal soc te jbaq'uetale, ja' cuxulon yu'un te xch'uunjel co'tan ta swenta te Snich'an Diose, ja' te mach'a c'ux la yaiyon ta yo'tan soc te la yac' sba ta lajel ta jwentae.

Efesios 1:6

Swenta yu'un ya jc'ajintaybeytic yutsilal te Diose, yac'ojbotic bayal bendición ta swenta te Snich'an te bayal c'ux ta yo'tane.

Efesios 3:17

soc te ya snainbeyex awo'tanic te Cristoe ta swenta te bit'il ay xch'uunjel awo'tanique. Soc te bit'il ismajemex ta lec soc te ay yip awo'tanic ta swenta te xc'uxul awo'tanique,

Efesios 5:30

melel ja' yoc-sc'abotic ta bay te sbaq'uetale. Mero sbaq'uetalotic soc sbaquelotic.

Efesios 5:32

Ja' in to, mero bayal sc'oplal te ma ba na'ot stojol ta neelale. Ja' sc'oplal Cristo soc te jch'uunjeletique.

Colosenses 1:27

Jich la sc'an yo'tan Dios te ya yac'botic jna'tic in c'op to te muquen aye, ja' te c'op te jelawen yutsil ta aiyel stojol yu'un spisil te jyanlumetique: Ja' te bit'il ya x'ain ta awo'tanic te Cristoe, swenta yu'un jun awo'tanic ta smaliyel te ya awich'ic ta patil te yutsilal te Diose.

Colosenses 2:10

Soc ts'acal awich'ojiquix acuxlejalic te bit'il jun ayex soc te Cristoe. In te Cristoe ja' jolol yu'un spisil te yantic te ay yat'elic soc te ay yu'elique.

Colosenses 3:11

Ma'yuquix sc'oplal teme jyanlum o judio, te mach'a yich'oj circuncisión o te mach'a ma ba yich'oj circuncisión, soc lajix sc'oplal teme jyanlum soc teme bol winic, soc teme abate o teme libre aye. Te melel ja' nax ay sc'oplal te Cristoe, te ja' yu'un ta spisil soc ay ta swenta spisil.

2 Tesalonicenses 2:16

Ja' nix te Cajwaltic Jesucristoe soc te Jtatic Diose te c'uxotic ta yo'tane soc te yac'ojbotic smuc'ul co'tantic sbajt'el q'uinale, soc te ay bi ya jmaliytic ta swenta yutsil yo'tan cu'untique,

Hebreos 2:12

Jich te bit'il la yale: “Ya me cac'at ta ich'el ta muc' ta stojol te quermanotaque. Ya me jc'ajintayat ta bay yolil te mach'atic stsoboj sbaique”, xi' te Snich'an Diose.

1 Juan 3:24

Spisil mach'a yat'elinej xch'uunel smandal te Diose, jich jc'axel ainemix ta yo'tan te Diose soc ainemix ta yo'tan uuc. Jna'ojtic stojol te jc'axel ainem ta co'tantic ta swenta te Espíritu te yac'ojbotique.