San Juan 17:23 - Bible in Tzeltal de Oxchuc y Tenejapa

²³ Te jo'one ainemon ta yo'tanic. In te ja'ate ja' ainemat ta co'tan uuc, swenta yu'un jc'axel me jun ya xc'otic. Tey me ya sna'ic stojol a te mach'atic ayic ta balumilal te ja'at la aticunon tele, soc te c'ux ya awaiy ta awo'tan te mach'atic xch'uunejonixe, jich bit'il te c'ux ya awaiyon ta awo'tane.

Nuevo Testamento Tzeltal de Amatenango

²³ Te joꞌone ayon ta yoꞌtanik, y te jaꞌate ayat me ta koꞌtan euk, yuꞌun jich me jun nax ya xkꞌotik. Jich te machꞌatik ayik ta skuenta te balmilale te me ya snaꞌbeyik sluwar a te jaꞌat la atikonon tale, sok te ben kꞌux ta awoꞌtan te machꞌatik xchꞌuunejonixe, jich tutꞌil te kꞌuxon ta awoꞌtane.

Bible in Tzeltal Bachajón

²³ Jun ayon soc, soc jun ayotic te ho'otic, scuenta yu'un jc'axel jun yo'tan sbahic, scuenta yu'un ya me sna'ic te mach'atic ayic ta bahlumilal te ha'at la aticonon tal, soc te c'uxic ta awo'tan hich te bin ut'il c'uxon ta awo'tan.

San Juan 17:23 ပူးပေါင်းရင်းမြစ်များ

San Juan 10:38

O teme ja' nix yacon ta spasele, manchuc teme ma xach'uunbonic te bila la cale, ja' me x'awich'ic ta muc' te at'eliletic ya jpase, swenta yu'un tey me ya ana'ic ta jc'axel a te jun ayon soc te Jtate —xi' te Jesuse.

San Juan 13:35

Teme c'ux ya awaiy abaique, tey me ya sna'ic stojol spisil te mach'atic ayic ta balumilal te bit'il jnopojelex cu'un ta melele —xi' te Jesuse.

San Juan 14:10

¿Yu'un bal ma xc'ot ta awo'tan te jun ayon soc te Jtate? Ma jo'ocon jc'op jtuquel te bila ya calbeyexe. Te Jtat te jun ayon soque, ja' ya spas stuquel te yat'ele.

San Juan 14:23

La yal te Jesuse: —Te mach'a c'uxon ta yo'tane, ya xch'uunbon te jc'ope soc c'ux ya x'aiyot yu'un te Jtate. Soc ya me xtal join spisil ora soc te Jtate.

San Juan 15:9

Te bit'il c'uxon ta yo'tan te Jtate, ja' nanix jich c'uxex ta co'tan uuc te ja'exe. Jich yu'un jc'axel ainanic tey a ta bay te xc'uxul co'tane.

San Juan 16:27

melel te Jtate c'ux ya yaiyex ta yo'tan. Ja' c'ux ya yaiyex ta yo'tan yu'un te bit'il c'uxon ta awo'tanique soc te bit'il xch'uunej awo'tanic te talemon ta stojol te Diose.

San Juan 17:11

“Te jo'one ma ba ya x'ainonix ta balumilal. Te ja'ique ya xjilic ta balumilal stuquelic. Yan te jo'one ya xtalonix ta atojol. Ch'ul Jtat, te mach'atic awac'ojbone, canantaybon me ta awu'el swenta yu'un jun nax me ya xc'otic ta spisilic, jich te bit'il jun nax ayotique.

San Juan 17:21

Jun nax me ac'a c'otuc ta spisilic, Jtat, jich te bit'il jun ayotique. Soc jun nax me ac'a c'otuc ta jwentatic, swenta yu'un ya me xc'ot ta yo'tanic te mach'atic ayic ta balumilal te ja'at la aticunon tele.

San Juan 17:24

“Jtat, te mach'atic awac'ojbone ya jc'an join ta bay ya x'ainon, swenta yu'un ya me yilbon te cutsilal awac'ojbon te bit'il c'uxon ta awo'tan te c'alal ma to xchicnaj a te balumilale.

San Juan 17:26

La cac'beyix sna'bat aba, soc ya to me cac'at xan ta na'el, swenta yu'un jich me ay xc'uxul yo'tanic ya xc'otic jich bit'il te xc'uxul awo'tan ta jtojole. Soc ya me x'ainon ta yo'tanic uuc —xi' ta sc'oponel Dios te Jesús.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

San Juan 17:8

Melel la calbeyix yaiyic te bila awalojbone. La yich'iquix ta muc', soc c'otix ta yo'tanic te talemon ta atojol ta melele. La xch'uunix yo'tanic te ja'at la aticunon tele.

San Juan 3:17

Ma ja'uc la sticun tel Snich'an ta balumilal yu'un te ya yac' ta lajel yu'un smulic te ants-winiquetique. Ja' la sticun tel yu'un te ya scoltaye.

San Juan 6:56

Te mach'a ya swe'bon te jbaq'uetale soc te ya yuch'bon te jch'ich'ele, jc'axel ayix ta jtojol soc jc'axel ayonix ta yo'tan uuc.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

Filipenses 3:15

Jich yu'un, te jayebotic te ayix xch'uunjel co'tantic ta stojol te Diose, jich me ac'a jna'tic ta jpisiltic. Teme ay to ma jichuc anopojic te ja'exe, ja' me ya yac'beyex ana'ic te Diose.

Colosenses 1:28

Te jo'otique ya jcholbeytic sc'oplal ta bayuc te Cristoe. Ya jtac'uytic soc ya jp'ijubtestic ta lec ta spisilic te ants-winiquetique, swenta jich me tojobenic ta stojol Cristo ya xc'otic.

Colosenses 2:2

Yu'un ya jc'an te ya yich' yip awo'tanic, soc te jc'axel jun awo'tan abaic ya xc'oex yu'un te c'ux ya awaiy abaique. Jich me ya ataic te smuc'ul awo'tanic te bit'il ts'acal ya ana'iquix te bit'il ay te muquen c'op yu'un te Jtatic Diose, te ja' nix te sc'oplal te Cristoe.

Colosenses 3:14

Ja' bayal sc'oplal te ya awaq'uic ta ilel te bit'il ac'u'inejic te xc'uxul awo'tanique, yu'un ja' syomoj spisil te bila lec ta pasele.

1 Pedro 5:10

Ja'uc me to, ay bayal yutsil yo'tan awu'unic te Diose. La yiq'uex swenta yu'un ya me ajoinic ta utsilal sbajt'el q'uinal te Jesucristoe. Jich yu'un teme ts'ijc' awu'unic jun chebuc c'aale, ja' nix Dios te ya stojtesexe. Ya me yac' junajuc awo'tanic, ya me yac'bat yip awo'tanic, soc ya me snactsanbeyex awo'tanic.

1 Juan 1:3

Ja' ya calbeyex awaiyic te bila quilojtic soc te bila caiyojtic stojole, swenta yu'un jich me jun nax ya xc'ootic ta jpisiltic, jich nix te bit'il jun nax ayotic soc te Dios Tatile soc uuc te Snich'ane, ja' te Jesucristoe.

1 Juan 3:1

Awaiy bit'il bayal c'uxotic ta yo'tan te Jtatic Diose, swenta yu'un ja' jbiiltic ya xc'ot te yal-snich'anotic te Diose. Ja' swentail te ma sna'botic jbatic te mach'atic ayic ta swenta te balumilale, te melel ma sna'beyic sba te Diose.

1 Juan 4:19

Te jo'otique c'ux ya caiy ta co'tantic te Diose, yu'un ja' neel c'ux la yaiyotic ta yo'tan te Diose.

Apocalipsis 3:9

Jich me ya cac' te ya xtal squejan sbaic ta atojol te mach'atic nainem ta yo'tanic te Satanase soc te mach'atic scuyoj sbaic ta judioe, ja'uc me to, ma ja'uquic, ja' nax jpas-lotetic. Jo'on me ya cac' taluc te ya squejan sbaic ta atojol, jich me ya sna'ic te bit'il c'uxat ta co'tane.