San Juan 17:21 - Bible in Tzeltal de Oxchuc y Tenejapa

²¹ Jun nax me ac'a c'otuc ta spisilic, Jtat, jich te bit'il jun ayotique. Soc jun nax me ac'a c'otuc ta jwentatic, swenta yu'un ya me xc'ot ta yo'tanic te mach'atic ayic ta balumilal te ja'at la aticunon tele.

Nuevo Testamento Tzeltal de Amatenango

²¹ JTat, ya jkꞌambeyat te junuk nax ayik ta spisilike, sok te junuk nax ayotik soke, jich tutꞌil te jun nax ayotik te joꞌotike, jich benuk jun yoꞌtanik euk. Para ke jich te machꞌatik ayik ta skuenta te balmilale ya me xchꞌuunik te jaꞌat la atikonon tale.

Bible in Tzeltal Bachajón

²¹ scuenta yu'un junax ya xc'ohtic spisilic a; hich te bin ut'il jun ayotic, Jtat, ha'uc nix hich jun ya x'ayinic ta jtojoltic, scuenta yu'un hich me ya sch'uhunic te mach'atic ayic ta bahlumilal te ha'at la aticonon tale.

San Juan 17:21 ပူးပေါင်းရင်းမြစ်များ

Jeremías 32:39

Ya me cac' te ayuc yutsil yo'tanic ta jtojol, soc te jc'axel ya yich'onic ta muc' ta spisil xcuxlejal, ta swenta slequilal soc te sts'umbalique.

Sofonías 3:9

“C'alal ya xc'ot ta pasel, ya jlecubtesbey sc'op te lumetique, swenta yu'un spisilic me ya sc'opononic, swenta yu'un ta spisilic ya me yac' sbaic ta abatinel cu'un.

Zacarías 14:9

Te c'alal ya sta sc'aalelal ja' me ya x'ochix ta muc' ajwalil a te Cajwaltic ta spamal balumilal. Te Cajwaltic ja' xanix ajwalil stuquel, soc ja' xanix ya yich' alel sbiil stuquel.

San Marcos 3:24

Jich bit'il te mach'atic jtul nax muc' ajwalil ay yu'unique. Teme ya xat sbaique soc teme ya xjajch' scontroin sbaique, ma ba ya xjalajic ta q'uinal yu'un.

San Juan 10:16

Ay yantic chijetic cu'un te ma to ochemuc ta bay in corral to. Puersa me ya quic' tel. Jich me ya yaiybonic stojol te jc'ope. Jich jtsojp nax chij ya xc'otic ta spisilic soc jtul nax jcanan-chij ya xc'ot yu'unic.

San Juan 10:30

Te jo'one soc te Jtate jun nax ayon soc —xi'.

San Juan 10:38

O teme ja' nix yacon ta spasele, manchuc teme ma xach'uunbonic te bila la cale, ja' me x'awich'ic ta muc' te at'eliletic ya jpase, swenta yu'un tey me ya ana'ic ta jc'axel a te jun ayon soc te Jtate —xi' te Jesuse.

San Juan 11:42

Jna'oj stojol te spisil ora ya awaiybon stojol te jc'ope. Ja'uc me to, ya cal ta scaj te bayal mach'atic sepoj sbaic li'to, yu'un jich me ya xch'uunic te ja'at la aticunon tele —xi'.

San Juan 13:32

Teme ja' ta swenta te ya x'ac'ot ta ilel yutsilal te Diose, ja' nanix jich Dios ya yac' ta ilel yutsilal te Nich'anile. Ya me xc'ot ta pasel ta ora.

San Juan 13:35

Teme c'ux ya awaiy abaique, tey me ya sna'ic stojol spisil te mach'atic ayic ta balumilal te bit'il jnopojelex cu'un ta melele —xi' te Jesuse.

San Juan 17:11

“Te jo'one ma ba ya x'ainonix ta balumilal. Te ja'ique ya xjilic ta balumilal stuquelic. Yan te jo'one ya xtalonix ta atojol. Ch'ul Jtat, te mach'atic awac'ojbone, canantaybon me ta awu'el swenta yu'un jun nax me ya xc'otic ta spisilic, jich te bit'il jun nax ayotique.

San Juan 17:18

Jich te bit'il la aticunon tel ta balumilale, ja' nanix jich te mach'atic cu'une ya jticun bael uuc.

San Juan 17:20

“Ma ja'uc nax ya calbat wocol yu'un te mach'atic xch'uunejone, ja' ya calbat wocol yu'un uuc te mach'atic patil ya xch'uunonic ta swenta bi ya xcholic te mach'atic xch'uunejonixe.

San Juan 17:25

Jtat, te toj awo'tane, ma sna'bat aba te mach'atic ayic ta swenta te balumilale. Yan te jo'one ya jna'bat aba jtuquel. Te mach'atic xch'uunejonixe sna'ojiquix te ja'at la aticunon tele.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

San Juan 17:8

Melel la calbeyix yaiyic te bila awalojbone. La yich'iquix ta muc', soc c'otix ta yo'tanic te talemon ta atojol ta melele. La xch'uunix yo'tanic te ja'at la aticunon tele.

San Juan 3:17

Ma ja'uc la sticun tel Snich'an ta balumilal yu'un te ya yac' ta lajel yu'un smulic te ants-winiquetique. Ja' la sticun tel yu'un te ya scoltaye.

San Juan 5:23

swenta yu'un ya me yich'ic ta muc' te Nich'anile, jich nix te bit'il ay ta ich'el ta muc' te Tatile. Te mach'a ma xyich' ta muc' te Nich'anile, ja' ma xyich' ta muc' uuc te Tatil te ticunwan tele.

Hechos 2:46

Jujun c'aal jun nax yo'tan la stsob sbaic ta templo, soc la sjoin sbaic ta swe'el waj ta bay te snaique. Bayal sbujts' yo'tanic ta we'el, soc jun yo'tan sbaic.

Hechos 4:32

Te jich yipal xch'uunejiquix te Jesuse, jun nax yo'tanic soc jun nax xch'ulelic ta spisilic. Ma'yuc mach'a la yal te stuquel yu'un te sbiluque. Comon tuun yu'unic te bila ay yu'unique.

Romanos 12:5

Ja' nanix jich te jo'otique. Manchuc teme tsobolotic ta jtule, ja'uc me to, jun nax jbaq'uetaltic ta stojol te Cristoe, jich bit'il jun nax ay te bitic ay ta jbaq'uetaltique.

1 Corintios 1:10

Quermanotac, ya calbeyex wocol ta swenta sbiil te Cajwaltic Jesucristoe, pajaluc me ac'opic ta apisilic, soc ma me ayuc xatomba awu'unic. Jun nax me xawac' abaic, soc junuc nax me te bila ya anopique, soc pajaluc nax me awilelic.

1 Corintios 12:12

Jun nax ay te jbaq'uetaltique, ja'uc me to, bayal ta jchajp te bila ay tey a. Manchuc teme bayal ta jchajbe, ja'uc me to, jun nax ay ta scojt'ol. Ja' nix jich te Cristoe.

1 Corintios 6:17

Yan te mach'a jun ya yac' sba ta swenta te Cajwaltique, jich jun nax ya xc'ot soc ta swenta te Espiritue.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

Filipenses 1:27

Ja' bayal sc'oplal te toj ya x'ainex ta q'uinal, jich bit'il te ya yac'botic jnoptic te lec yach'il c'op yu'un te Cristoe. Chican ts'iin teme ya xtal quilexe, o teme q'uejel ayone, ja'uc me to, jich me ya caiy stojol te bit'il jc'axel jun awo'tan abaic soc jun awo'tan awac'ojic puersa ta xch'uunel te lec yach'il c'ope.

1 Juan 1:3

Ja' ya calbeyex awaiyic te bila quilojtic soc te bila caiyojtic stojole, swenta yu'un jich me jun nax ya xc'ootic ta jpisiltic, jich nix te bit'il jun nax ayotic soc te Dios Tatile soc uuc te Snich'ane, ja' te Jesucristoe.

1 Juan 5:7

Ay oxeb testigoetic yu'un ta bay ch'ulchan: Ja' te Tatile, soc te C'opile, soc te Ch'ul Espiritue. Jun nax ay ta yoxebalic.