San Juan 17:18 - Bible in Tzeltal de Oxchuc y Tenejapa

¹⁸ Jich te bit'il la aticunon tel ta balumilale, ja' nanix jich te mach'atic cu'une ya jticun bael uuc.

Nuevo Testamento Tzeltal de Amatenango

¹⁸ Jich te tutꞌil la atikonon tal ta stojol te machꞌatik ayik ta skuenta te balmilale, jich euk te joꞌone ya jtikonlan bael ta stojol te machꞌatik ayik ta skuenta te balmilale.

Bible in Tzeltal Bachajón

¹⁸ Hich te bin ut'il la aticonon tal ta bahlumilal, ha nix hich la jticonlan bahel ta bahlumilal.

San Juan 17:18 ပူးပေါင်းရင်းမြစ်များ

San Mateo 10:5

Te Jesús la sticun bael te lajchaytulique, soc la spas bael ta mandal: —Ma me xbaex ta banti ainemic te jyanlumetique, soc ma me x'ochex ta banti lumlumtic yu'un te samariaetique.

San Mateo 23:34

Jich yu'un ya me jticunbeyex tel te j'alwanejetic soc te mach'atic ay sp'ijilique soc te jp'ijubteswanejetique. Ja'uc me to, ay jtul te ya amilic ta cruz, soc ay yan ya amajic ta sinagogaetic, soc te ya anutsic loq'uel ta alumalique.

San Juan 17:21

Jun nax me ac'a c'otuc ta spisilic, Jtat, jich te bit'il jun ayotique. Soc jun nax me ac'a c'otuc ta jwentatic, swenta yu'un ya me xc'ot ta yo'tanic te mach'atic ayic ta balumilal te ja'at la aticunon tele.

San Juan 17:23

Te jo'one ainemon ta yo'tanic. In te ja'ate ja' ainemat ta co'tan uuc, swenta yu'un jc'axel me jun ya xc'otic. Tey me ya sna'ic stojol a te mach'atic ayic ta balumilal te ja'at la aticunon tele, soc te c'ux ya awaiy ta awo'tan te mach'atic xch'uunejonixe, jich bit'il te c'ux ya awaiyon ta awo'tane.

San Juan 17:25

Jtat, te toj awo'tane, ma sna'bat aba te mach'atic ayic ta swenta te balumilale. Yan te jo'one ya jna'bat aba jtuquel. Te mach'atic xch'uunejonixe sna'ojiquix te ja'at la aticunon tele.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

San Juan 17:8

Melel la calbeyix yaiyic te bila awalojbone. La yich'iquix ta muc', soc c'otix ta yo'tanic te talemon ta atojol ta melele. La xch'uunix yo'tanic te ja'at la aticunon tele.

San Juan 20:21

Jesús la yal xan: —Muc'ubenuc me q'uinal ya awaiyic. Jich te bit'il la sticunon tel te Jtate, ja' nanix jich ta jticunex uuc te ja'exe —xi'.

San Juan 3:17

Ma ja'uc la sticun tel Snich'an ta balumilal yu'un te ya yac' ta lajel yu'un smulic te ants-winiquetique. Ja' la sticun tel yu'un te ya scoltaye.

San Juan 4:38

Te ja'exe ya jticunex ta sc'ajel ta bay ma ja'uquex at'ejex ta sts'unele. Yan mach'a at'ejemic tey a. Ja' ochex tey a ta bay te yat'elique —xi' te Jesuse.

2 Corintios 5:20

Jich yu'un teq'uelotic ta c'op ta atojolic ta swenta te Cristoe. Jich c'oem te bit'il ja' ya yal wocol Dios ta atojolic ta jwentatic te jo'otique. Ya calbeyex wocol ta atojolic ta swenta sbiil te Cristoe te ac'a junajuc awo'tanic ta stojol te Diose.

Efesios 3:7

Ja' swentail te ayon ta abatinel yu'un yalel in c'op to. Ja' jmajt'an yu'un Dios ta swenta yutsil yo'tan cu'un te bit'il yac ta at'el ta jtojol te yu'ele.