San Juan 17:13 - Bible in Tzeltal de Oxchuc y Tenejapa

¹³ “Ta ora to ya xtalonix ta atojol. La calix jilel ta balumilal spisil in to, swenta yu'un ya me xbujts'naj yo'tanic ta jc'axel yu'un.

Nuevo Testamento Tzeltal de Amatenango

¹³ “Te ora to ya xtalonix ta atojol. Pero la kalix jilel spisil to liꞌ ba balmilale, yuꞌun liꞌ to xan ayon to, yuꞌun jich me ya xjunub yoꞌtanik a, jich tutꞌil te joꞌon jun koꞌtane.

Bible in Tzeltal Bachajón

¹³ Ya xbohonix ta atojol; pero ya cal hilel li' ta bahlumilal ha'i c'op ini scuenta yu'un ts'acal ya yich'bonic te stse'elil co'tan.

San Juan 17:13 ပူးပေါင်းရင်းမြစ်များ

Nehemías 8:10

Soc jich la yalbey te Esdrase: —Baanic ta swe'el te bila mero bujts'anic ta we'ele, uch'aic chi'il vino, soc ticunbeya swe'el uuc te mach'atic ma'yuc bila xchajbanejic yu'un ya swe'ique. Melel in c'aal to q'uin ta stojol te Cajwaltique. Ma me xamel awo'tanic ta stojol, melel te yutsil q'uinal ya caiytic yu'un te Cajwaltique, ja' quiptic stuquel —la yut.

Salmos 126:5

Te mach'atic yacalic ta oq'uel a, la swajic te ts'unubile, yacalic meix ta aw yu'un yutsil q'uinal a te ya stulbeyic site.

Salmos 43:4

Dios cu'un, te c'alal ya xc'oon ta banti scajtijib ta chiq'uel amajt'an, ya me calbat yutsil ac'oplal soc arpa. Melel ja'at Diosat cu'un, ya awac'bon caiybey yutsilal te jcuxlejale.

San Juan 15:11

“La calbeyex awaiyic in to, swenta yu'un ya me awich'bonic te sbujts' co'tane, jich me ts'acal ya ataic te sbujts' awo'tanique.

San Juan 16:33

La calbeyex spisil in to, swenta yu'un jich me lamal q'uinal ya awaiyic ta jwenta. Yan ta bay te balumilale ya me xc'ax awocolic, ja'uc me to, ayuc me smuc'ul awo'tanic ta jwenta, melel tsalbilix cu'un te balumilale —xi' te Jesuse.

San Juan 17:11

“Te jo'one ma ba ya x'ainonix ta balumilal. Te ja'ique ya xjilic ta balumilal stuquelic. Yan te jo'one ya xtalonix ta atojol. Ch'ul Jtat, te mach'atic awac'ojbone, canantaybon me ta awu'el swenta yu'un jun nax me ya xc'otic ta spisilic, jich te bit'il jun nax ayotique.

San Juan 3:29

Jich bit'il te nujbinele. Te mach'a ya xnujbin soc te ach'ixe, ja'ix te smamlale. Yan te mach'a sjoy nax sba soque, ja' nax ya xbujts'naj yo'tan yu'un te ya yaiybey te sc'ope. Jich c'oemon ta stojol te Jesuse. Bayal ya xbujts'naj co'tan ta swenta.

San Juan 7:33

Jich la yal te Jesuse: —Ma ba jalix c'aal te ya joinexe. Jich me ya xboon ta stojol te mach'a la sticunon tele.

Hechos 13:52

Yan te jnopojeletique, bayal sbujts' yo'tanic yu'un te xch'uunejiquixe soc nojel ta yo'tanic te Ch'ul Espiritue.

Romanos 14:17

Melel te bit'il ay ta ajwalinel te Diose, ma ja'uc ta swenta jwe'el-cuch'eltic. Ja' nax ta swenta te bila toje, te lamal q'uinale soc te ay sbujts' co'tantic ta swenta te Ch'ul Espiritue.

Gálatas 5:22

Yan te sit stuquel te Espiritue, ja' te xc'uxul-o'tanil, sbujts'-o'tanil, lamal q'uinal, sts'iquel, yutsil-o'tanil, lequil-o'tanil, xch'uunjel-o'tanil,

Hebreos 12:2

Ja' me ya jtojlintic ta ilel te Jesuse te la yac'botiquix quiltic te bit'il ya sc'an ya cac' xch'uunjel co'tantic ta stojol te Diose, soc te ya yac' ju'uc cu'untique. Melel te Jesuse soc sbujts' yo'tan la sts'ic swocol ta milel ta cruz, soc ma'yuc sc'oplal ta yo'tan te sq'uexlal te lajel ta cruz. Yu'un sna'oj stojol teme c'ax swocole, ya me sta bayal sbujts' yo'tan yu'un ta patil, soc la snajc'anix sba ta swa'el smuc'ul nactijib te Diose.

1 Juan 1:4

Jich la jts'ibubeyex spisil in to swenta yu'un ts'acal ya xbujts'naj awo'tanic ta lec yu'un.

2 Juan 1:12

Ay bayal te bila c'an jts'ibubeyexe, ja'uc me to, ma jc'an ya jts'ibubeyex xan ta jun soc ta tinta. Yu'un jnopoj te ya xtal quilexe. Jich me ya x'ayanotic soc ya quilbey jba jsitic, swenta yu'un jich me pajal ya xbujts'naj co'tantic ta melel a.