San Juan 17:10 - Bible in Tzeltal de Oxchuc y Tenejapa

¹⁰ Spisil te bila ay cu'une, ja'at awu'un uuc. Te bila ay awu'une, ja' cu'un uuc. Soc te cutsilale ac'ot ta ilel ta swentaic.

Nuevo Testamento Tzeltal de Amatenango

¹⁰ Spisil te tut ay kuꞌune jaꞌat awuꞌun euk, y te tut ay awuꞌune kuꞌun euk. Sok te jlekilale akꞌot ta ilel ta skuentaik.

Bible in Tzeltal Bachajón

¹⁰ Spisil te bintic ay cu'un, ha'at nix awu'un, soc spisil te bintic ay awu'un, ho'on nix cu'un; soc ac'ot ta ilel cutsilal ta scuentahic.

San Juan 17:10 ပူးပေါင်းရင်းမြစ်များ

San Juan 10:30

Te jo'one soc te Jtate jun nax ayon soc —xi'.

San Juan 11:4

C'alal la yaiy stojol te Jesuse, jich la yal: —Ja' in chamel to ma swentauc lajel. Swenta yu'un ya x'ac'ot ta ilel yutsilal a te Diose, soc swenta yu'un ya x'ac'ot ta ilel yutsilal uuc te Snich'ane —xi' te Jesuse.

San Juan 12:23

Te Jesús la yalbey yaiyic: —C'otix yorail te ya x'ac'ot ta ilel yutsilal te Nich'anile.

San Juan 5:23

swenta yu'un ya me yich'ic ta muc' te Nich'anile, jich nix te bit'il ay ta ich'el ta muc' te Tatile. Te mach'a ma xyich' ta muc' te Nich'anile, ja' ma xyich' ta muc' uuc te Tatil te ticunwan tele.

Hechos 19:17

Pujc' sc'oplal ta spamal lum Efeso, la yaiyic stojol te judioetic soc te griegoetique. Ta spisilic bayal xiwic yu'un, soc mero muc' sc'oplal c'ot yu'unic ta stojolic te sbiil te Cajwaltic Jesuse.

Gálatas 1:24

Jich la yalbeyic bayal wocol Dios yu'un te bit'il jch'uunejixe.

Filipenses 1:20

Ja' nax bayal sc'oplal ta co'tan te manchuc ayuc bila ya jta q'uexlal yu'un, soc te jamaluc co'tan ya xc'opojon jich nix te bit'il ayon tel spisil orae. Jich me c'axem to xan ya x'ich'ot ta muc' ta jwenta te Cristoe. Chican teme ya to xcuxinone, o teme tey ya xlajonix ae.

Colosenses 2:9

Melel te Cristoe ts'acal yich'ojbey stalel te Diose.

2 Tesalonicenses 1:10

Te c'alal ya xtale, ya me x'ich'ot ta muc' ta yolil te mach'atic ch'ul lum yu'un te Diose, soc jelawen yutsilal sc'oplal ya xbajt' yu'un ta spisilic te jch'uunjeletic yu'une. Jich te ja'exe, tey me ayex uuc a, te melel la ach'uunbotic te c'op te tal caltic awaiyique.

2 Tesalonicenses 1:12

Jich me ya x'ich'ot ta muc' sbiil a te Cajwaltic Jesucristoe. Soc jich me ay bayal yutsil ac'oplalic yu'un uuc ta swenta yutsil yo'tan te Dios cu'untique soc uuc te Cajwaltic Jesucristoe.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.