San Juan 16:8 - Bible in Tzeltal de Oxchuc y Tenejapa

⁸ Soc teme tale, ja' me ya yac'bey c'otuc ta yo'tanic ants-winiquetic te bila a te mulile, soc te toj-o'tanile, soc te bit'il ay castigo yu'un te mulile.

Nuevo Testamento Tzeltal de Amatenango

⁸ Te kꞌalal ya xtale, jaꞌ me ya yakꞌ kꞌotuk ta yoꞌtanik te genteetik ta balmilal te tut a te mulile, sok te tut lek ta pasele, sok te Dios ya xꞌilbot yaꞌtelik yuꞌune.

Bible in Tzeltal Bachajón

⁸ Te c'alal ya xtal, ya me ya'be sna'ic bin ut'il ay sc'oblal mulil te mach'atic ayic ta bahlumilal, soc bin ut'il ay sc'oblal toj-o'tanil soc schahpanel mulil.

San Juan 16:8 ပူးပေါင်းရင်းမြစ်များ

Levítico 13:12

“Teme ora nax ya xpujc' bael te c'a'el-chamele, teme ya sc'an ya xpotsbot jajch'el ta yacan c'alal ta sjol te mach'a ay ta chamele,

Zacarías 12:10

“Ya me jnojesbey ta yo'tanic yutsil-o'tanil ta sc'oponel Dios, te patil alnich'anetic yu'un David soc te mach'atic nainemic ta Jerusalén. Jich me ora ya yilic te mach'a la slowique. Ya me smel yo'tanic yu'un, ya me x'oq'uic yu'un, jich me ta yo'tanic te bit'il laj te jip jtul snich'an, o teme ja' te ba alale.

San Juan 16:7

Ja'uc me to, ya me calbeyex ta melel te ja' lec te ya xboone, yu'un teme ma xboone, ma xtal ta atojolic te Jmuc'tesej-q'uinal awu'unique. Yan teme ya xboone, ya me jticunbeyex tel.

San Juan 16:9

Te mulile ja' te ma sc'an xch'uunonique.

San Juan 8:46

¿Ay bal jtuluc ja'ex ya atabonic te jmule? Teme smelelil te bi ya cale, ¿bistuc ma xach'uunbonic jiche?

San Juan 8:9

C'alal la yaiyic stojol te jich la yale, bayal caj sna'ulay ta yo'tanic te bit'il ay smulic ta spisilique. Jich juju-jtul loq'uic bael. Ja' sbabial loc' bael te mach'a mamalixe. Jich bajt'ic ta spisilic. Stuquel xanix jil te Jesuse soc te antse.

Hechos 2:37

Te c'alal la yaiyic stojol in to, bayal la smel yo'tanic yu'un, soc la yalbeyic te Pedroe soc te yantic jpuc-c'opetique: —Quermanotac, ¿bi ya sc'an ya jpastic te jo'otique? —xiic.

1 Corintios 14:24

Yan teme apisilic ya awaiyic j'alwaneje, teme ya x'och tel ta awolilic te mach'atic ma p'ijubtesbiluque soc te mach'atic ma to bay xch'uunejic te Diose, jich me ya sna'ic stojol te bit'il jmulawiletique, soc jich me ya xjajch' sujt'es yo'tanic yu'un te smulique te bit'il yacalic ta yaiyel stojol te bila ya awalique.

Judas 1:15

Tal yalbey ta jamal te bi yilel yat'el ta spisilic te ants-winiquetique, soc tal yac'bey castigo spisil te mach'atic la spasic te bila amene, soc spisil te jmulawiletic te la yalic bol c'op ta stojol te Diose”, te xie.