San Juan 16:3 - Bible in Tzeltal de Oxchuc y Tenejapa

³ Jich ya spasic yu'un xujt' ma sna'beyic sba te Jtate, soc ma sna'bonic jba uuc.

Nuevo Testamento Tzeltal de Amatenango

³ Jich ya spasik yuꞌun ni ma snaꞌbeyik sba te jTate sok ma snaꞌbikon jba euk.

Bible in Tzeltal Bachajón

³ Hich ya spasic ta scaj te ma sna'beyic sba te Tatil soc ma sna'bonic jba.

San Juan 16:3 ပူးပေါင်းရင်းမြစ်များ

San Lucas 10:22

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna' stojol te mach'a a te Nich'anile. Ja' nax ya sna' stojol te Tatile. Soc ma'yuc mach'a ya sna' stojol te mach'a a te Tatile. Ja' nax ya sna' stuquel te Nich'anile, soc uuc te jayeb mach'a ya yac'bey sna'bey sbae —xi' te Jesuse.

San Juan 15:21

Spisil in to ya spasbeyex ta jo'on jwenta, melel ma sna'beyic sba te Mach'a la sticunon tele.

San Juan 15:23

Te mach'a ya yilayone, ja' la yilayix uuc te Jtate.

San Juan 17:25

Jtat, te toj awo'tane, ma sna'bat aba te mach'atic ayic ta swenta te balumilale. Yan te jo'one ya jna'bat aba jtuquel. Te mach'atic xch'uunejonixe sna'ojiquix te ja'at la aticunon tele.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

San Juan 8:19

Jich yu'un la yalbeyic: —¿Banti ay te atate? —xiic. La yal te Jesuse: —Te ja'exe ma x'ana'bonic jba soc ja' nanix jich ma x'ana'beyic sba uuc te Jtate. Teme ya ana'bonic jbae, ja' nix jich ya ana'beyic sba uuc te Jtate —xi'.

San Juan 8:55

Ja'uc me to, ma x'ana'beyic sba. Yan te jo'one, ya jna'bey sba. Te yacuc cal te ma jna'bey sbae pajal jpas-lototic ta jpisiltic te jichuque. Ja'uc me to, ya jna'bey sba ta mero melel. Soc ja' ya quich' ta muc' te bila ya yale.

Hechos 3:17

“Quermanotac, jna'oj stojol te yu'un ma la ana'ic stojol te bila la apasique soc ma la sna'ic stojol uuc te jwolwanejetic cu'untique.

1 Corintios 2:8

Te ajwaliletic swenta in balumilal to, ma la sna'beyic swentail. Te yu'unuc la sna'ique, ma la smilic ta cruz te Ajwalil yu'un utsilal te jichuque.

2 Tesalonicenses 1:8

Jich me ya xtal yac'bey castigo te mach'atic ma la sna'beyic sba te Diose soc te ma la sc'an xch'uunic te lec yach'il c'op yu'un te Cajwaltic Jesucristoe.

1 Timoteo 1:13

manchuc teme sna'oj te la jtoybac'optay ta neelal, soc la cuts'in, soc te la quixtac'optaye. Ja'uc me to, la xc'uxtayon te Diose ta scaj te ma la jna' te bila la jpase soc te ma to jch'uunejuc a te Jesuse.

1 Juan 2:23

Spisil mach'a ma sc'an yich'ic ta muc' te Nich'anile, yu'un nanix ma ba yich'ojic ta muc' uuc te Tatile. Yan te mach'a jamal ya yal te ja' xch'uunej te Nich'anile, ja' xch'uunej ta melel uuc te Tatile.

1 Juan 3:1

Awaiy bit'il bayal c'uxotic ta yo'tan te Jtatic Diose, swenta yu'un ja' jbiiltic ya xc'ot te yal-snich'anotic te Diose. Ja' swentail te ma sna'botic jbatic te mach'atic ayic ta swenta te balumilale, te melel ma sna'beyic sba te Diose.

1 Juan 4:8

Yan te mach'a ma'yuc xc'uxul yo'tane, yu'un nanix ma sna'bey sba te Diose, te melel ja' Jc'uxul-o'tanil stuquel te Diose.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.