San Juan 16:26 - Bible in Tzeltal de Oxchuc y Tenejapa

²⁶ Te bi c'aalil ya cale ay bila ya ac'anic ta jwenta. Ma xcal te ya xc'opojon awu'unic ta stojol te Jtate,

Nuevo Testamento Tzeltal de Amatenango

²⁶ Te tut kꞌaalil ya kale, te jaꞌexe ya akꞌanik ta joꞌon jkuenta. Y makꞌ ya kal te ya xkꞌopojon awuꞌunik ta stojol te Tatile,

Bible in Tzeltal Bachajón

²⁶ Ta hich ora ay bintic yac ac'ambeyic ta scuenta te jbihile, soc ma ba ya calbeyex te ho'on ya jc'ambe te Tatil ta acuentahic,

San Juan 16:26 ပူးပေါင်းရင်းမြစ်များ

San Juan 14:16

Ya me jc'anbey te Jtate te ya sticunbeyex tel yan Joinwanej te ya sjoinex spisil ora stuquele,

San Juan 14:20

Te bi c'aalil te ya xc'ot ta pasele, ya me ana'ic te ayon ta stojol te Jtate, soc te ja'exe, ayex ta jtojol, soc ayon ta atojolic uuc.

San Juan 16:19

Jesús la sna' stojol te ya sc'an yo'tanic te ya sjojc'obeyique. Jich caj yalbey yu'un: —La calbeyex te li' ta ajc' ma ba ya awilbonic te jsite; soc li' xan ta ajc' ya awilbonic xan te jsite. ¿Ja' bal yacalex ta yaanel?

San Juan 16:23

“Te bi c'aalil ya xc'ot ta pasele, ma me ayuc bi ya ajojc'obonic xan. Jamal ya calbeyex, spisil te bila ya ac'anbey ta jwenta te Jtate, ya me yac'beyex.

San Juan 16:30

Ta ora to la jna'tiquix te spisil ay ta awo'tan. Jich ma puersauquix te ay mach'a ya sjojc'obat xane. C'otix ta co'tantic te talemat ta stojol te Diose —xiic.

San Juan 17:19

Ta spasemal co'tan jc'axel ya cac' jba ta swentaic, swenta yu'un jich me ch'ultesbil yo'tanic yu'un te bila melele.

San Juan 17:24

“Jtat, te mach'atic awac'ojbone ya jc'an join ta bay ya x'ainon, swenta yu'un ya me yilbon te cutsilal awac'ojbon te bit'il c'uxon ta awo'tan te c'alal ma to xchicnaj a te balumilale.

San Juan 17:9

“Ya calbat wocol yu'unic. Ma ja'uc ya calbat wocol yu'un te mach'atic yu'un te balumilale, ja' nax stuquel te mach'atic la awac'bon ta jc'abe, melel ja' awu'un stuquelic.

Romanos 8:34

¿Ay bal mach'a ya xju' yu'un te ya x'ac'awan ta lajele? Ma'yuquix. Melel ja' la stojix te Cristo te c'alal laje. Soc ma jipuc a te laje, cha'cux tel, soc ayix ta swa'el sc'ab Dios te banti yac ta c'op cu'untique.