San Juan 16:20 - Bible in Tzeltal de Oxchuc y Tenejapa

²⁰ Jamal ya calbeyex, ya me x'oq'uex cu'un soc bayal me ya amel awo'tanic. Yan te mach'atic te ayic ta swenta te balumilale, ya xbujts'naj yo'tanic yu'un, ja'uc me to, te mel-o'tan ya awaiyique, ya me xc'atp'uj ta sbujts' awo'tanic.

Nuevo Testamento Tzeltal de Amatenango

²⁰ Jamal ya kalbeyex: Te jaꞌexe ya me xꞌokꞌex sok bayal me yajtal-awoꞌtanik. Yan te genteetik te ayik ta skuenta balmilale ben sniꞌ xyaꞌiyik yuꞌun. Pero te yajtal-awoꞌtanike ya me sujt ta bujtsꞌan kꞌinal.

Bible in Tzeltal Bachajón

²⁰ Jamal ya calbeyex, ya me x'oq'uex soc yac amel awo'tanic, yan te mach'atic ayic ta scuenta bahlumilal tse'el yo'tanic; pero aunque ayex ta mel-o'tan, ta patil ya me sutp'ij ta tse'el-o'tanil.

San Juan 16:20 ပူးပေါင်းရင်းမြစ်များ

Job 20:5

te yutsil q'uinal yaiy te j'amen-o'tane ma ba ya xjalaj bayal c'aal; te yutsil yo'tan ma ba najt'.

Salmos 30:11

Te oq'uel la ajelbonix ta ajc'ot; la aloq'uesbonix te ch'ixal pac' jlapoj, ja' la awac'bonix jlap te pac' swenta q'uin.

Salmos 30:5

Melel buelta nax stuquel te yilimbae, yan te c'uxtayel yu'une sbajt'el q'uinal ay stuquel. Teme ya x'oc'otic ta ajc'ubal, ja'uc me to, ayix yutsil q'uinal ya caiytic ta sacubel q'uinal.

Salmos 97:11

Te luz ya xtil ta stojol te mach'a lec yo'tan; te sbujts'-o'tanil, ay ta swenta te mach'atic toj yo'tane.

Isaías 12:1

Te bi c'aalil ya xc'ot ta pasele, jich me ya awal: —Ya calbat wocol, Cajwal; manchuc me ilinat cu'une, te awilimbae c'axix bael, la awac' sujt'uquix lamal q'uinal ta jtojol.

Isaías 61:3

te mach'atic ay swocolic ta Sión tal cac'bey scorona swenta sjelol te c'ajc'al tane, tal cac'bey yutsil q'uinal yaiyic te mach'atic smeloj yo'tanique, tal jc'atp'unbey ta yutsilal c'ayoj te woclajel ya yaiy ta yo'tanique. Ya me x'ac'bot sbiilic: “C'antulan swenta toj-o'tanil”, te ja' nix sts'unoj te Cajwaltic swenta yu'un ya yac' ta ilel a te yutsilale.

Isaías 66:5

Aiybeya awaiyic stojol sc'op te Cajwaltique, ja'ex te awich'ojbeyic ta muc' te sc'ope: —Te ja'exe ay alumalic nix te ya slab-o'tantayex soc ya yuts'inex, melel ya atabonic ta alel te jbiile. Jich ya yalic: “Ac'a yac' ta ilel yutsilal ta atojolic te Cajwaltique; ya jc'antic te binuc nax awo'tanic ya quiltique”, xiic. Ja'uc me to, ya xq'uexawic jilel.

Jeremías 31:25

Ya me cac'bey bayal swe'el yuch'elic te mach'atic lubenic soc te ma'yuquix yipique —xi'.

San Mateo 21:38

“Yan te j'at'eletique, la yilic te ja' snich'an yajwal q'uinal te taleme, soc la sna'ic te ja' ya xjil ta swenta te q'uinale. Jich yu'un la yalbey sbaic: “Ja' lec jmiltic, yu'un jo'otic me ya xjil ta jwentatic te q'uinale”, xiic.

San Mateo 5:4

“Bin nax me yutsil te mach'atic ayic ta oq'uel, te melel ya me xmuc'tesbot q'uinal yaiyic yu'un te Diose.

San Marcos 14:72

Lajel to yo'tan ta c'op a te oc' ta xchebal buelta te mute. Jul ta yo'tan te Pedroe te bila albot yu'un ta neelal te Jesuse: “Ma to x'oc' cheb buelta a te mute te ya amucon ta awo'tan oxeb buelta”, te xie. C'alal la sna' ta yo'tan, jajch' yoq'uetay sba yu'un.

San Marcos 16:10

Jich te Mariae ba yalbey yaiyic te mach'atic la sjoinic ta beel te Jesuse, yu'un bayal ayic ta mel-o'tan soc ta oq'uel.

San Lucas 22:45

Te bit'il laj yo'tan ta sc'oponel te Diose, tejc'aj jajch'el. Tal ta bay te jnopojeletic yu'une. Wayajtiquix yu'un mel-o'tan la sta.

San Lucas 22:62

Jich loc' bael. Bayal la yoq'uetay sba yu'un.

San Lucas 23:27

Spisil te lume la sts'aclinic bael soc ay tsobol antsetic te tulan yacalic ta oq'uel soc mel-o'tan ta swenta te Jesuse.

San Lucas 24:17

Soc jojc'obotic yu'un: —¿Bila a te yacalex ta yaanel ta beele? ¿Bi yu'un te ayex ta mel-o'tane? —xi'.

San Lucas 24:21

Yan te jo'otique, la jcuytic te ja' ya yac'botic ta libre te jlumaltic Israele. Ja'uc me to, ayix ta yoxebal c'aal te ac'ot ta lajele.

San Lucas 6:21

“Bin nax me awutsilic ja'ex te ayex ta wi'nal ta ora to, te melel ya me xnoj ach'ujt'ic. “Bin nax me awutsilic ja'ex te yacalex ta oq'uele, te melel ya me stse'en awo'tanic.

San Juan 16:33

La calbeyex spisil in to, swenta yu'un jich me lamal q'uinal ya awaiyic ta jwenta. Yan ta bay te balumilale ya me xc'ax awocolic, ja'uc me to, ayuc me smuc'ul awo'tanic ta jwenta, melel tsalbilix cu'un te balumilale —xi' te Jesuse.

San Juan 16:6

Ja' nax baem ta awo'tanic te mel-o'tane, scaj te bit'il la calbeyexix awaiyic spisil in to.

San Juan 20:20

Soc la yac' ta ilel te sc'abe soc te smoche. Te jnopojeletique bujts'naj yo'tanic yu'un te la yilic te Cajwaltique.

Hechos 5:41

Te jpuc-c'opetic loq'uic tel ta stojol te Muc'ul Tsobleje. Bayal sbujts' yo'tanic yu'un te bit'il Dios la yac' c'otuc ta swentaic te ya xc'ax swocolic ta uts'inel ta swenta te Jesuse.

Romanos 5:11

Soc ma jipuc nax a. Ja' toyol co'tantic ta stojol Dios ta swenta te Cajwaltic Jesucristoe, te melel ja' ta swenta te junajix co'tan jbatic soc te Diose.

2 Corintios 6:10

Manchuc teme ay mel-o'tan ta co'tantique, ja'uc me to, ay sbujts' co'tantic spisil ora. Manchuc teme me'baotique, ja'uc me to, ay tsobol mach'atic jc'ulejetic ya xc'ot cu'untic. Manchuc teme ma'yuc bila ay cu'untique, ja'uc me to, spisil cu'uninejtic.

Gálatas 5:22

Yan te sit stuquel te Espiritue, ja' te xc'uxul-o'tanil, sbujts'-o'tanil, lamal q'uinal, sts'iquel, yutsil-o'tanil, lequil-o'tanil, xch'uunjel-o'tanil,

1 Tesalonicenses 1:6

Te ja'exe la anopbotic te co'tantic, soc la anopbeyic yo'tan uuc te Cajwaltique. La awich'ic ta muc' te Sc'op Diose, manchuc teme la ata bayal awocolic ta controinel yu'une, soc la ataic bayal sbujts' awo'tanic yu'un ta swenta te Ch'ul Espiritue.

Santiago 1:2

Quermanotac, ya sc'an te ay bayal sbujts' awo'tanic yu'un te c'alal ay bayal ta jchajp awocolic te ya xc'axex ta q'uinale.

Judas 1:24

Te jip jtul Dios te bayal sp'ijile, te Jcoltaywanej cu'untic, ay yu'el ta scanantaybelex te manchuc ya xyalex ta mulile, swenta yu'un ma me ayuc amulic te ya atejc'an abaic ta stojol ta bay te yutsilale. Jich me bayal ya xbujts'naj awo'tanic yu'un. Ay yutsilal stuquel, soc ay ta ich'el ta muc', soc ay yu'el, soc ya xmandalaj spisil ora ta swenta te Cajwaltic Jesucristo, ja' to ta xjajch'ibal, soc ta ora to, soc ta sbajt'el q'uinal. Jichuc.

Apocalipsis 11:10

Te mach'atic nainemic ta balumilale, ya xbujts'naj yo'tanic ta lec yu'un te lajemic ya yilique, soc ya spasic q'uin yu'un, soc ya yac'bey sbaic smajt'anic yu'un. Melel bayal c'ax swocolic ta swenta te cheb j'alwanejetic yu'un te Diose.

Apocalipsis 18:7

Te jich yipal la stoy sba soc te jich yipal la slajin sc'ulejal ta spasel te bila smulanej te sbaq'uetale, jich nix yipal ac'a c'axuc swocol ta uts'inel soc ta oq'uel. Melel jich ya yal ta yo'tan te muc'ul lume: ‘Jo'on muc' antsil-ajwalilon. Ma'yuc bi ora te ya xjilon ta me'ba antse. Ma xquil jwocol ta oq'uel jtuquel’, te xi' ta yo'tane.