San Juan 16:2 - Bible in Tzeltal de Oxchuc y Tenejapa

² Ya me stenex loq'uel ta sinagogaetic, soc ya me sta yorail te mach'auc ya smilexe, yu'un scuyojic te ja' yat'el Dios te ya spasique.

Nuevo Testamento Tzeltal de Amatenango

² Ya me stenelex lokꞌel ta sinagoga, y ya me sta yorail te machꞌauk ya smilexe, yuꞌun skuyojik te jaꞌ yaꞌtel Dios te ya spasike.

Bible in Tzeltal Bachajón

² Ya me stenex loq'uel ta sinagogahetic; soc ya me sta yorahil te ya scuyic te yac spasbelic ya'tel Dios te mach'atic ya smilex.

San Juan 16:2 ပူးပေါင်းရင်းမြစ်များ

Isaías 65:5

La yalic: “Ainan tey a, ma me xnoptsajat tel; c'axem to xan ch'ulajemon, ma me xnoptsajat ta jtojol”, xiic. Te ants-winiquetic jich c'oemic te bit'il c'ajc' te ya xtil sjunal c'aal; jich ya yuts'inonic te bit'il ch'ail ta jni'tic.

Isaías 66:5

Aiybeya awaiyic stojol sc'op te Cajwaltique, ja'ex te awich'ojbeyic ta muc' te sc'ope: —Te ja'exe ay alumalic nix te ya slab-o'tantayex soc ya yuts'inex, melel ya atabonic ta alel te jbiile. Jich ya yalic: “Ac'a yac' ta ilel yutsilal ta atojolic te Cajwaltique; ya jc'antic te binuc nax awo'tanic ya quiltique”, xiic. Ja'uc me to, ya xq'uexawic jilel.

Daniel 11:33

Te mach'atic ay sp'ijilic tey ta slumalic ya me sp'ijubtes tsobol ants-winiquetic, pero ora me ya yich'ic milel, ya me yich'ic chiq'uel, soc ya me x'elc'anbotic bael te biluc yu'une, ya x'ic'otic bael ta mosoil ta yantic lumetic. Ja' me in to ya me xjalaj jtebuc.

San Mateo 10:28

Ma me x'axi'ic te mach'atic ya smilbeyex abaq'uetalique, ja'uc me to, ma xju' yu'un ya smilbeyex stuquel te ach'ulelique. Ja' me x'axi'ic te Mach'a ya xju' yu'un ya yaq'uex ta lajel soc abaq'uetalic soc ach'ulelic ta bay infierno.

San Mateo 24:9

“Ya me x'ac'otex ta uts'inel, soc ay me ya xlajex ta milel. Ya me awich'ic ilayel yu'un spisil ants-winiquetic ta swenta jbiil.

San Lucas 6:22

“Bin nax me awutsilic ja'ex teme ayex ta ilayel yu'un te ants-winiquetique, soc teme ya stenex loq'uele, soc teme ya sbolc'optayexe, soc teme ya sp'ajex te bit'il amenex ta sc'opic ta scaj te Nich'anile.

San Juan 12:42

Ay tsobol jwolwanejetic te la xch'uunic te Jesuse, ja'uc me to, ma la yal sbaic scaj te la xi'ic te fariseoetique, yu'un ma sc'anic te ya yich'ic loq'uesel ta sinagogae.

San Juan 16:25

“Spisil in to la calbeyex tel ta puro seña-c'op, ja'uc me to, ya me sta yorail te ma'yuc bi ya calbeyex xan ta seña-c'op. Jamal me ya calbeyex bit'il ay sc'oplal te Jtate.

San Juan 16:32

Ya calbeyex te ya staix yorail soc ja' yorailix in to te ya xpujq'uex bael ta anel ta anaic juju-jtule, soc ya awijq'uitayonic jilel jtuquel. Ja'uc me to, ma jtuqueluc ya xjilon, melel sjoinejon te Jtate.

San Juan 4:21

Te Jesús jich la yalbey: —Ants, ch'uuna te bila ya calbate: Melel ya me sta yorail te ma ja'uc ta bay in wits to ni ta Jerusalén te ya alajin abaic ta stojol te Jtatic Diose.

San Juan 4:23

Ya me sta yorail, soc yorailix in to, te ay mach'atic soc yo'tanic ya slajin sbaic ta melel ta stojol te Jtatic Dios ta swenta te Espíritu yu'une. Melel ya sle te Jtatic Dios te mach'atic jich yo'tanic te ya slajin sbaic ta stojole.

San Juan 9:22

Jich la yal te sme'-state scaj te la xi'ic te judioetique. Melel chajbanbilix yu'unic te ya yich' loq'uesel ta sinagoga chican mach'a a te ya yal te ja' Cristo te Jesuse.

San Juan 9:34

La yalbeyic: —Mero jmulawilat ja' to c'alal ayinate. ¿Ja' bal c'an ap'ijubtesotic? —la yutic. Jich la sloq'uesic ta sinagoga.

Hechos 5:33

Te c'alal la yaiyic stojole, la smich' sba yo'tanic yu'un. C'an smilic.

Hechos 7:56

Jich la yal te Estebane: —Ilawilic, jamal ya quil te ch'ulchane. Tey teq'uel ta bay swa'el Dios ya quil te Nich'anile —xi'.

1 Corintios 4:13

Ya sbolc'optayotic, ja'uc me to, lec ya jsujt'esbeytic sc'opic. Jich c'oemotic ja' to c'alal ora to, te bit'il sts'ubil c'a'palotic yu'un te balumilale, te ma'yuc sc'oplal ta jc'axele.

Filipenses 3:6

Mero tulan sc'oplal ta co'tan te bila jnopoje, jich la jcontroin te jch'uunjeletique. Soc tojobenon ta jc'op ta swenta spasel te bi ya yal te mandalile. Ma'yuc falta cu'un tey a.

Apocalipsis 6:9

Te c'alal la sjam te yo'ebal sello te Alalchije, la quil te ay xch'ulelic ta bay yanil te xchic'jibal milbil smajt'an Dios te jayeb mach'atic la yich'ic milel ta scaj te sc'op Dios soc te jun yo'tan la yalic ta testigo te bila xch'uunejique.

Jueces 6:30

—Loq'uesa tel te anich'ane, ya jmiltic. Melel la sjinbey scajtijib ta chiq'uel smajt'an Baal, soc te sloc'omba Asera te ts'unul ta sts'eele —xiic.