San Juan 16:17 - Bible in Tzeltal de Oxchuc y Tenejapa

¹⁷ Jich yu'un ay la yalbey sbaic te jnopojeletic yu'une: —¿Bit'il ay a te la yalbotic te ma ba ya quilbeytiquix site soc li' xan ta ajc' ya quilbeytic xan te site, soc te la yal te ya xbajt' ta bay te State?

Nuevo Testamento Tzeltal de Amatenango

¹⁷ Jich a lijk sjojkꞌobe sbaik te jnopojeletik yuꞌune: —¿Tut xyal tsꞌin to te ya yalbotik te liꞌ xanix ta jtsꞌin te makꞌ kilbetikix site, sok te ta patil ya kilbetik xan site, sok te la yal te ya xbajt te ba ay te jTatile?

Bible in Tzeltal Bachajón

¹⁷ Ha yu'un cha'oxtuhl te jnopojeletic yu'un talel c'axel la sjoc'obe sbahic: ¿Bin yu'un te hich ya yalbotic: Li' ta jts'ihn ma ba yac awilonic, pero jts'ihn xan ta patil yac awilonic, te xchihe, soc te ya yal: Yu'un ya xbohon ta stojol te Tatile? xchihic.

San Juan 16:17 ပူးပေါင်းရင်းမြစ်များ

San Marcos 9:10

Jich te jnopojeletique la nax yac' ta yo'tanic te bila la yilique. Ja' nax jajch' sjojc'obey sbaic te bit'il ay a te ya xcha'cux tel ta bay animaetic te la yale.

San Marcos 9:32

Ja'uc me to, te jnopojeletique ma la sna'ic stojol te bila la yale, soc la xi'ic te ya sjojc'obeyic xane.

San Lucas 18:34

Ja'uc me to, xujt' ma la sna'ic stojol te bila la yale, yu'un ma chicanuc la yaiyic te bit'il c'oem swentaile. Jich ma ba c'ot ta yo'tanic.

San Lucas 9:45

Te jnopojeletique ma c'ot ta yo'tanic te bila la yale, Dios ma ba ac'bot sna'ic stojol yu'un. Soc la xi'ic te ya sjojc'obeyic xan te Jesuse.

San Juan 12:16

Ta xjajch'ibal te jnopojeletique ma ba la sna'beyic swentail te bila la yilic te c'ot ta pasele. Ja'uc me to, te c'alal ac'otix ta ilel yutsilal te Jesuse, jul ta yo'tanic te jich nix ts'ibubil jilel sc'oplale soc te jich nix c'ot ta pasel ta stojole.

San Juan 14:22

Te Judas (ma ja'uc te Iscariotee) la sjojc'obey: —Cajwal, ¿bit'il ay a te ya awac' aba ta ilel ta jtojoltic te ma ja'uc ya awac' aba ta ilel ta stojol te mach'atic ayic ta balumilale? —xi'.

San Juan 14:5

La yal te Tomase: —Cajwal, ma jna'tic te banti ya xbaate. ¿Bit'il c'an jna'tic te bee? —xi'.

San Juan 16:1

La yal xan te Jesuse: —La me calbeyex awaiyic in to, swenta yu'un ma xchebaj awo'tanic.

San Juan 16:16

“Li' ta ajc' ma ba ya awilbonic te jsite. Li' xan ta ajc' ya awilbonic xan jsit —xi' te Jesuse.

San Juan 16:18

¿Bila ya sc'an ya yal a te ajc' xanix, te xie? Ma xc'ot ta co'tantic te bila ya yale —xiic.

San Juan 16:19

Jesús la sna' stojol te ya sc'an yo'tanic te ya sjojc'obeyique. Jich caj yalbey yu'un: —La calbeyex te li' ta ajc' ma ba ya awilbonic te jsite; soc li' xan ta ajc' ya awilbonic xan te jsite. ¿Ja' bal yacalex ta yaanel?

San Juan 16:5

Ta ora to ya xba joinix te Mach'a la sticunon tele. Ja'uc me to, ma'yuc bay ya ajojc'obonic te bay ya xboone.