San Juan 16:13 - Bible in Tzeltal de Oxchuc y Tenejapa

¹³ Yan te c'alal ya xtal te Espiritue, ja' ya yac' ta na'el te bila melele, ja' me ya yac'beyex ana'ic stojol spisil te bila smelelile. Melel ma stuquel yo'tanuc te bila ya yale. Ja' me ya xtal yalbeyex spisil te bila yaiyoj stojole, soc ja' me ya yac'beyex ana'ic te bila quechel ya xtale.

Nuevo Testamento Tzeltal de Amatenango

¹³ Yan te kꞌalal ya xtal te Espíritu te ya yakꞌ ta naꞌel sluwar te tut batsꞌi jiche, jaꞌ me ya yaꞌbeyex anaꞌbeyik sluwar. Porke ma stukeluk yuꞌun te tut ya yale. Jaꞌ me ya xtal yalbeyex spisil te tut yaꞌiyeje, y jaꞌ me ya yalbeyex te tut ya xkꞌot ta pasele.

Bible in Tzeltal Bachajón

¹³ Pero te c'alal ya xtal te Espíritu yu'un te bin smelelil, ha me ya stojobtesex ta sna'el spisil te bin smelelil, como ma stuquel-o'tanuc ya xc'opoj, ha ya yal spisil te bin ya ya'iy soc ya ya'beyex ana'ic te bin ya xc'oht ta pasele.

San Juan 16:13 ပူးပေါင်းရင်းမြစ်များ

Isaías 11:2

Te Espíritu yu'un Dios spisil me ora ay ta stojol. Ya me yac'bey sp'ijil yo'tan, soc sp'ijil sjol, swenta ya yaiy tojteswanej soc yip yu'el. Ya me sna'bey sba te Cajwaltic soc ya me yich' ta muc'.

Joel 2:28

Jich ya yal te Cajwaltic: —C'alal ya xc'ax ta spisil te bitic la cale, spisil te ants-winiquetic ya me jmalbey ta stojolic te espíritu cu'une. Te aquerem-nich'nabic, te awantsil-nich'nabic ay me bi ya yalic ta jwenta, te mamaletic ay me bila ya swaichinic, te queremetic ay bitic ya x'ac'bot yilic ya yaiyic.

San Juan 12:49

Yu'un ma jo'ocon jc'op te ya cale, ja' sc'op te Jtat te la sticunon tele. Ja' la yac'bon te mandalil te bila ya cale soc te bila ya cac' ta nopele.

San Juan 14:17

ja' bi, ja' te Espíritu te ya yac' ta na'el te smelelil c'ope. Jich yu'un te mach'atic ayic ta swenta te balumilale, ma xju' ya yic' ta yo'tanic, yu'un ma chicanuc ya yilic soc ma sna'beyic sba. Yan te ja'exe ya ana'beyic sba, yu'un ya sjoinex soc ya me x'ain ta awo'tanic spisil ora.

San Juan 14:26

Te Jmuc'tesej-q'uinal awu'unique, ja' te Ch'ul Espíritu te ya sticunbeyex tel ta jwenta te Jtate. Ja' me ya yac'beyex anopic spisil stuquel, soc ja' me ya yac'beyex ana'ic stojol ta spisil te bi la calixe.

San Juan 14:6

Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

San Juan 15:26

“C'alal ya xtal te Jmuc'tesej-q'uinal awu'unic te ya jticunbeyex tel ta swenta te Jtate, ja' me ya yalbon jc'oplal stuquel. Ja' te Espíritu yu'un te bila melele te talem ta stojol te Jtate.

San Juan 16:12

“Ay to bayal xan te bila c'an calbeyexe, ja'uc me to, ma to xju' awu'unic sna'el stojol ta ora to.

San Juan 3:32

Te bila la yile soc te bila yaiyoj stojole, ja' ya xcholbey sc'oplal. Ja'uc me to, ma'yuc mach'a ya xch'uun te bi ya yale.

San Juan 8:38

Ja' ya cal te bila yac'ojbon quil te Jtate. Yan te ja'exe, ja' ya apasic te bila yalojbeyex te atatique —xi'.

Hechos 11:28

Ay jtul la stejc'an sba jajch'el te Agabo sbiile, la yal ta swenta te Espíritu te ya xtal bayal wi'nal ta spamal balumilal. Ja' c'ot ta pasel a te c'alal ay ta muc' ajwalil te Claudioe.

Hechos 20:23

Jna'oj stojol te ya yalbon jc'oplal te Ch'ul Espíritu ta bay spisil te lumlumtic te yacon ta beel te ya smaliyon chuquel soc woclajel.

Hechos 27:24

Jich la yalbon: “Pablo, ma me xiwat. Puersa ya xc'o atejc'an aba ta stojol te muc' ajwalil César ta Roma, soc ja'at ta awenta te Dios ya yac' cuxinuc uuc spisil te mach'a ajoinej ta barco”, la yuton.

2 Tesalonicenses 2:12

swenta yu'un jich me ya x'ac'otic ta castigo spisilic te mach'atic ma la sc'an xch'uunic te smelelil c'ope, soc te ja' bin nax yo'tanic yu'un te bila ma stojiluque.

2 Tesalonicenses 2:3

Ma me ayuc mach'a ya awac' abaic ta lo'layel yu'un. Ma to xcha'tal te Cajwaltique. Ja' neel ya xc'ot ta pasel te ay tsobol ya xch'ay ta jc'axel te xch'uunjel yo'tanique, soc ya xchicnaj uuc te mach'a mero jmulawil winique te yu'un te ch'ayele.

Hebreos 1:1

Ta namey q'uinal Dios la sc'opon te namey q'uinal jme'-jtatic ta swenta te j'alwanejetic yu'une. Ma junuc nax buelta te la sc'opone, soc yanyan te bit'il la sc'opone.

1 Juan 2:20

Yan te ja'exe, malbilix ta awo'tanic te Ch'ul Espiritue, jich spisil ya ana'iquix te bitic aye.

1 Juan 2:27

Ja'uc me to, te ja'exe malbilix ta awo'tanic te Ch'ul Espíritu te la yac'beyex te Jesucristoe, jich me jc'axel ya x'ain ta awo'tanic. Jich ma puersauc te ay mach'a ya sp'ijubtesexe. Ja' nix ya yac'beyex ana'ic stojol spisil te Espiritue. Yu'un melel spisil te bila ya yac'beyex anopic stuquele; ma lotil c'opuc te bila ya yale. Te bit'il p'ijubtesbilex yu'un te Espiritue, jich me jc'axel jun ya x'ainex soc te Cristoe.

1 Juan 4:6

Yan te jo'otique, ja' yu'unotic te Diose. Jich te jayeb mach'a ya sna'beyic sba te Diose, ya yaiybotic stojol jc'optic. Yan te mach'a ma yu'unuc te Diose, ma xyaiybotic stojol jc'optic stuquelic. Tey ya jna'tic stojol a te mach'a yic'oj te Espíritu yu'un te smelelil c'ope, soc te espíritu yu'un te mach'a jlo'laywaneje.

1 Juan 5:6

Ja' xtaluc te Jesucristo te chicnaj ta swenta ja' soc ta swenta ch'ich'. Ma ja'uc nax chicnaj ta swenta te ich' ja'e, chicnaj xan ta swenta te la smal te xch'ich'ele. Te Espíritu ja' ya yal ta testigo, melel te Espiritue smelelil te bila ya yale.

Apocalipsis 1:1

Jich ay te bila la yac' ta na'el Dios ta swenta te Jesucristoe, swenta yu'un jich me ya yac'bey sna' te abatetic yu'une, ja' te bila ya xc'ot ta pasel ta ora naxe. Ta swenta te ch'ul abat yu'un te Jesucristoe, la yac'bey sna' stojol te Juan te ay ta abatinel yu'une.

Apocalipsis 1:19

Jich yu'un ts'ibuya spisil te bila la awilixe, soc te bila ay ta ora to, soc te bila ya xc'ot ta pasel ta patile.