San Juan 16:11 - Bible in Tzeltal de Oxchuc y Tenejapa

¹¹ Te castigo yu'un mulil, ja' te ya yich' castigo te ajwalil yu'un te balumilale.

Nuevo Testamento Tzeltal de Amatenango

¹¹ Sok ya me yaꞌbe snaꞌ te Dios ya xꞌilbot yaꞌtelilk yuꞌune, yuꞌun ya yichꞌix kastigo te machꞌa ya xmantale liꞌ ba balmilal to.

Bible in Tzeltal Bachajón

¹¹ soc ya ya'be sna'ic bin ut'il ay sc'oblal schahpanel mulil, como chahpambilix te principal yu'un te bahlumilale.

San Juan 16:11 ပူးပေါင်းရင်းမြစ်များ

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

Salmos 68:18

Dios cu'un, moat bael, ta mero toyol la awic' bael ta chuquel te jchuqueletique; la awich'bey spatan te ants-winiquetique, soc te mach'atic stoyoj sbaic la yac' sbaic ta atojol, Cajwal.

San Mateo 12:18

“Li' ay to te cabat, te tsabil cu'une. C'ux ya caiy ta co'tan soc bin nax co'tan yu'un. Ya me cac'bey ta yo'tan te Espíritu cu'un. Jich me ya spuc ta alel ta stojol jyanlumetic te bila toj ta pasele.

San Mateo 12:36

Soc ya calbeyex awaiyic, spisil ta jp'al c'op te ma'yuc swentail ya yal loq'uel ta ye te ants-winiquetique, ya me x'ich'bot sc'opic yu'un Dios ta slajibal c'aal.

San Lucas 10:18

La yal te Jesuse: —Jich na'ax, melel yacon ta yilel te ch'ay coel tel ta ch'ulchan te Satanase. Jich la quil te bit'il xlememet ya xco tel te chawuque.

San Juan 12:31

Melel la staix yorail te ya x'ich'bot sc'op yu'un smulic te mach'atic ayic ta balumilale. Soc la staix yorail te ya xch'ojotix loq'uel uuc te ajwalil yu'un te balumilale.

San Juan 14:30

“Ma spasix te bayal bi ya calbeyex xane, melel jtalelix te ajwalil yu'un in balumilal to. Ma'yuc bi xju' yu'un te ya spasbon ta jtojole.

San Juan 16:12

“Ay to bayal xan te bila c'an calbeyexe, ja'uc me to, ma to xju' awu'unic sna'el stojol ta ora to.

Hechos 10:42

Soc la spasotic ta mandal te ya calbeytic sc'oplal ta stojol te lume, soc te ya cac' jbatic ta testigo te bit'il Dios la yac'beyix yat'el ta juez ta stojol te mach'atic cuxulique soc te mach'atic lajemique.

Hechos 24:25

Te Pablo la yaanbey yaiy te bit'il ya sc'an te toj ya x'ainotic ta q'uinale, soc te bit'il ya sc'an ya jna'tic scomel jbatic ta jtuqueltique, soc te bit'il ya sta yorail te ya yilbotic cat'eltic juju-jtulotic te Diose. Tey nax caj ta xiwel yu'un a te Felixe. Jich la yalbey: —Lec ay, baanix. Ya me jticunat xan ta iq'uel te bi ora ya xjojch'ajone —la yut bael.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

Romanos 16:20

Te Dios yu'un lamal q'uinal, nopolix te ya yac'beyex apech'ic ta teq'uel te Satanase. Te yutsil yo'tan cu'untic te Cajwaltic Jesucristoe, ac'a me sjoinex ta apisilic.

Romanos 2:16

Jich yu'un ya me sta sc'aalelal yu'un Dios te ya x'ich'bot sc'opic ta swenta te Jesucristo yu'un spisil te bila muquen la spasic te ants-winique, jich nix te bit'il ya yal te lec yach'il c'op te yacon ta spuquele.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

2 Corintios 4:4

Melel te dios yu'un in balumilal to, sc'atp'unej ta ma'sit te mach'atic ma ba xch'uunejic te Diose. Jich ma xju' ya sna'ic stojol xujt'uc. Swenta yu'un jich ma xyilbeyic xojobil yutsilal te lec yach'il c'op yu'un te Cristoe, melel te Cristoe pajal yilel soc te Diose.

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

Colosenses 2:15

C'alal laj ta cruz te Cristoe, tey la slajinbey yat'elic a te mach'atic ich'bilic ta muq'ue soc te mach'atic ay yu'elique. Soc la yac' ta ilel ta comonsitil te bit'il peq'uel a jilic ta spisilic te c'alal la yaiy tsalaw te Cristoe.

Hebreos 2:14

Te bit'il ch'ich'-baq'uet ayic te “alnich'anetic” te xie, jich nix ch'ich'-baq'uet c'ot uuc te Jesuse, swenta yu'un jich ju' yu'un tsalaw a te bit'il laje. Jich ju' yu'un te la slajinbey yip yu'el te lajele, ja' bi ja' te pucuje.

Hebreos 6:2

soc snopel sc'oplal te ich'ja'e, soc snopel te ya yich' cajanel c'abal ta joltique, soc te bit'il ya xcha'cux tel te animaetique, soc te bit'il ay castigo ya yich' sbajt'el q'uinal te mach'a ay smule.

Hebreos 9:27

Jich bit'il jun nax buelta te ya xlajotique, soc patil ay ich'el ta c'op,

2 Pedro 3:7

Yan ta ora to, te ch'ulchan balumilal te chicane, quechelic ta lajel ta c'ajq'uel. Ya me xlaj ta c'ajq'uel te bi ora ya x'ich'otic ta c'op te mach'atic ma la xch'uunic te Diose, te jich ya x'ac'otic bael ta lajele.

1 Juan 3:8

Yan te mach'a yat'elinej sleel te smule, ja' yu'un te pucuje. Melel te pucuje stalel yat'elinej sleel smul ta xjajch'ibal to tel. Melel ja' swentail te xtaluc ta balumilal te Snich'an Diose, yu'un tal slajinbey sc'oplal te bila yat'elinej spasel te pucuje.

Apocalipsis 1:7

¡Ilawilic! ¡Te Cristoe, ya me xtal ta tocal! Spisil ants-winiquetic ya me yilic ta sitic, soc uuc te mach'atic la slowique. Spisil ta jchajp lumetic ta balumilal ya me yoq'uetay sbaic yu'un, te c'alal ya yilique. Jichuc, ac'a c'otuc ta pasel.