San Juan 16:10 - Bible in Tzeltal de Oxchuc y Tenejapa

¹⁰ Te mach'a a te toj yo'tane, ja' te jo'one, te ya xboon ta stojol te Tatile, soc ma ba ya awilbonic xan jsit.

Nuevo Testamento Tzeltal de Amatenango

¹⁰ Sok ya me yakꞌ kꞌotuk ta yoꞌtanik te tut lek ta pasele, yuꞌun ya xboonix te baꞌ ay te jTate, y te jaꞌexe makꞌ ya awilbikonix jsit.

Bible in Tzeltal Bachajón

¹⁰ ya ya'be sna'ic bin ut'il ay sc'oblal toj-o'tanil, como ya xbohon ta stojol te Tatil soc ma ba yac awiloniquix xan;

San Juan 16:10 ပူးပေါင်းရင်းမြစ်များ

Isaías 42:21

Te Cajwaltic, te bit'il Dios stuquel te ya xcoltaywane, la sc'an yo'tan ya spas muc' soc jelawen yutsil te p'ijubtesel yu'une.

Daniel 9:24

“Ya me xc'ax lajuneb xchanwinic (70) semana ta stojol te alumal soc te ch'ul lum awu'une, ja' to me ya sta yorail ya xlaj a te toybail soc te mulile, ja' to me ya sta yorail te perdón yu'un te bila amen yich'oj pasele. Sbajt'el me q'uinal ja' ya yich'ix pasel a te bila stojile, soc swenta yu'un jich ya xc'otix ta pasel a te bila chicnajem ta aiyele, soc nix te bila albil ta alwanej-c'ope, soc te ya yich' ch'ultesel xan te Mero Ch'ul Awilale.

San Juan 16:28

Loc'on tel ta stojol te Jtate, talon ta balumilal. Yan buelta ya quijq'uitayix te balumilale, ya sujt'onix bael ta stojol te Jtate —xi' te Jesuse.

San Juan 16:5

Ta ora to ya xba joinix te Mach'a la sticunon tele. Ja'uc me to, ma'yuc bay ya ajojc'obonic te bay ya xboone.

San Juan 3:14

Soc jich te bit'il la sjijp'an jti'awal chan ta bay jochol taquin q'uinal te Moisese, ja' nanix jich ya yich' jijp'anel uuc te Nich'anile,

San Juan 5:32

Ja'uc me to, ay yan te mach'a ya yalbon jc'oplal ta testigo-c'ope. Te mach'a ya cale jna'oj stojol te smelelil te ya yalbon jc'oplale.

San Juan 7:33

Jich la yal te Jesuse: —Ma ba jalix c'aal te ya joinexe. Jich me ya xboon ta stojol te mach'a la sticunon tele.

Hechos 17:31

Te Diose, chapalix yu'un jun c'aal te ya yich' ta c'op spisil ants-winiquetic ta balumilal, ta swenta te jtul Winic te tsabil yu'une, ja' chican te bi yilel te yat'elique. Spisilic ya me yac' xch'uunjel yo'tanic ta stojol te Mach'a cha'cux tel ta bay animaetique —xi' te Pabloe.

Hechos 2:32

Ja' bi ja' te Jesuse, te cha'cuxesot tel yu'un te Diose. In te jo'otique, jpisiltic testigootic yu'un te jich c'ot ta pasele.

Hechos 3:14

Ma la awaq'uic ta coltayel stuquel te mach'a lec ta winiquil te toj yo'tane. Ja' la awaq'uic ta coltayel bael te mach'a jmilawale.

Hechos 7:52

¿Ay bal jtuluc j'alwanej yu'un Dios te ma la scontroinique? La smilic te mach'atic la yalbeyic sc'oplal te ya xtal te Mach'a toj yo'tane. Ja'uc me to, te c'alal tale, ja'ex la awaq'uic ta c'abal soc la amilic.

Romanos 1:17

Melel ya yal te lec yach'il c'ope te ja' toj ya x'ilot yu'un Dios te mach'a ay xch'uunjel yo'tane. Jich nix te bit'il ts'ibubil jilele: “Te mach'a toj ya x'ilot yu'un Dios ta swenta xch'uunjel yo'tane, ja' me ya xcuxin yu'un”, te xie.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Gálatas 5:5

Yan te jo'otique ta swenta te Espíritu te ya cac' xch'uunjel co'tantic. Jich jun co'tantic ya jmaliytic te bit'il toj ya yilotic te Diose.

1 Timoteo 3:16

Jamal chican te bit'il muc' sc'oplal ta c'axem to xan te bila muquen jch'uunejtique, jich te bit'il ay ta alele: “Dios la yich' sbaq'uetal, chicnaj ta balumilal. Ac'ot ta na'el te toj yo'tan yu'un te Espiritue. Ilot yu'un te ch'ul abatetique. La yich' cholel sc'oplal ta stojol te nacionetique. La yich' ch'uunel ta balumilal. Ic'ot moel ta utsilal”, te xie.

1 Pedro 3:18

Melel jich nix uuc te Cristoe, jc'axel nax c'ax swocol ta lajel yu'un te jmultique. Jich ya xju' te ya yic'otic ta stojol te Diose. Te jo'otic te ma tojuc co'tantic, ja' jeloltic ta woclajel stuquel te Mach'a toj yo'tane. Ac'ot ta lajel soc te sbaq'uetale, ja'uc me to, cha'cuxesot tel soc te xch'ulele.