San Juan 15:7 - Bible in Tzeltal de Oxchuc y Tenejapa

⁷ “Teme jc'axel ya x'ainex ta jtojole, soc teme jc'axel ya awac' ta awo'tanic te jc'ope, c'anaic te bila ya sc'an awo'tanique, ya me x'ac'botex.

Nuevo Testamento Tzeltal de Amatenango

⁷ “Teme jmel nax awakꞌoj abaik ta jtojol te jaꞌexe y sok teme jmel nax jun awoꞌtanik ta xchꞌuunel te tuti jnopesex ae, kꞌanaik te tut ya akꞌanike y ya me yaꞌbelex.

Bible in Tzeltal Bachajón

⁷ Teme jc'axel yac awac' abahic ta jtojol soc teme ya x'ayin ta awo'tanic te jc'ope, c'anahic spisil bin ya sc'an awo'tanic, ya me x'a'botex.

San Juan 15:7 ပူးပေါင်းရင်းမြစ်များ

1 Reyes 3:5

Ay jun ajc'ubal ta Gabaón, te Salomón ta swaich chicnaj ta sit te Cajwaltique. Jich albot yu'un: —C'anbon te bi ya ac'ane, ya me cac'bat —xi' sc'oplal.

Job 22:26

Ja' me yutsilal awo'tan spisil ora, soc ay me smuc'ul awo'tan ta stojol.

Job 23:12

Spisil ora ja' ya jch'uunbey te sc'ope, ma ja'uc ya jpas te bila ya sc'an co'tan ta jtuquel naxe.

Salmos 119:11

Cac'oj ta co'tan te ac'ope swenta yu'un ma jta jmul ta atojol a.

Salmos 37:4

C'uxuc me ta awo'tan te Cajwaltique, ja' me ya yac'bat te bila ya sc'an awo'tane.

Proverbios 10:24

Te mach'a amen yo'tane, ya me xc'ot ta swenta te bila ya xi'e; yan te mach'a toj yo'tane, ja' ya x'ac'bot te bila ya sc'an yo'tane.

Proverbios 4:4

soc te jtate la sp'ijubteson, jich la yalbon: “Ac'a me ta ajol, ac'a me ta awo'tan te c'opetic cu'une; pasa te bila ya cac'bat apase, jich me ya xcuxinat.

Isaías 58:8

Jich yu'un ya sacub q'uinal awu'un ta stojol yantic, jich bit'il ya sacub tel te q'uinale. Te awejch'enique, ora nax ya xcolic. Te atojile ya xneelaj bael ta atojol, yan te xojobil cutsilale, ta apat ya sjoinat bael.

Jeremías 15:16

C'alal la ac'oponon, la jwe'elinbat te ac'ope; jamal q'uinal la caiy yu'un soc bin nax co'tan yu'un, melel jo'on awu'uninejon, Cajwal, te Diosat te Spisil ya xju' awu'une.

San Mateo 7:7

“C'anbeya te Diose, jich me ya yac'bat. Lea te bila ya ac'ane, jich me ya ata ta leel. C'opojan ta ti'nail, jich me ya sjambat te Diose.

San Juan 14:13

Spisil te bila ya ac'anbeyic te Tatil ta jwenta, ya me jpasbeyex. Jich me ya x'ac'ot ta ilel yutsilal te Tatile ta swenta te Snich'ane.

San Juan 15:16

Te ja'exe ma ja'uc la atsaonic, jo'on la jtsaex jtuquel. Ja' la jtsaex yu'un te ya xbeenexe soc te ya sitinexe. Te asit ya awaq'uique ma xlaj sbajt'el q'uinal. Swenta yu'un spisil te bila ya ac'anbeyic te Jtat ta jwentae, ya me yac'beyex.

San Juan 16:23

“Te bi c'aalil ya xc'ot ta pasele, ma me ayuc bi ya ajojc'obonic xan. Jamal ya calbeyex, spisil te bila ya ac'anbey ta jwenta te Jtate, ya me yac'beyex.

San Juan 8:31

Jich yu'un te Jesuse la yalbey te judioetic te xch'uunejiquixe: —Teme jc'axel ya awac' ta awo'tanic te jc'op la calbeyexe, jich me jnopojelex cu'un ta melel abi.

San Juan 8:37

Jna'oj stojol te ja' sts'umbalex te Abrahame. Ja'uc me to, ya ac'an amilonic, yu'un ma xawac' ta awo'tan te jc'ope.

Gálatas 4:2

Ja'uc me to, ay ta wentainel yu'un te yantique, ja' to teme la sta yorail te bi ora yaloj jilel te state.

Gálatas 5:16

Jo'on ya calbeyex xan in to: Ac'a me swentainex spisil ora te Espiritue. Jich ma ba ya apasic te bila ya smulan spasel te abaq'uetalique.

Deuteronomio 6:6

“Ac'a me ta ajol, ac'a ta awo'tan spisil te bitic la calbat awaiy ta ora in to.

Colosenses 3:16

Ja'uc me nojel ta awo'tanic spisil ora te sc'op te Cristoe. Ayuc me sp'ijil awo'tanic te ya ap'ijubtes abaic soc te ya atac'uy abaique. C'ajintayaic soc awo'tanic ta yalel wocol Dios ta salmoetic, c'ayojetic yu'un te Diose, soc c'ayojetic ta swenta Espíritu.

1 Juan 2:14

Ja'ex te me'il-tatilexe, jich la jts'ibubeyex in to, yu'un na'bilix sba awu'unic te Mach'a stalel ay ta xjajch'ibale. Ja'ex te jch'iel ants-winiquexe, jich la jts'ibubeyex in to, yu'un ay yip awo'tanic soc jc'axel ay ta awo'tanic te sc'op Diose. Jich tsalbilix awu'unic te pucuje.

1 Juan 2:27

Ja'uc me to, te ja'exe malbilix ta awo'tanic te Ch'ul Espíritu te la yac'beyex te Jesucristoe, jich me jc'axel ya x'ain ta awo'tanic. Jich ma puersauc te ay mach'a ya sp'ijubtesexe. Ja' nix ya yac'beyex ana'ic stojol spisil te Espiritue. Yu'un melel spisil te bila ya yac'beyex anopic stuquele; ma lotil c'opuc te bila ya yale. Te bit'il p'ijubtesbilex yu'un te Espiritue, jich me jc'axel jun ya x'ainex soc te Cristoe.

1 Juan 3:22

Spisil te bila ya ac'anbeyique, ya me yac'beyex, yu'un cat'elinejtic xch'uunel te smandale, soc cat'elinejtic spasel te bila lec yo'tan yu'un stuquele.

1 Juan 5:14

Jich ay smuc'ul co'tantic ta stojol te Diose. Teme ay bila ya jc'anbeytic ta swenta te sc'anjel yo'tane, ya me yaiybotic stojol.