San Juan 15:5 - Bible in Tzeltal de Oxchuc y Tenejapa

⁵ “Jo'on mero smuc'ul yac'ulon. Te ja'exe sc'abc'abex. Te mach'a jc'axel ainem ta jtojole soc teme ainemon ta stojole, jich me ya yac' sit ta lec stuquel. Xujt' ma'yuc bi ya xju' awu'unic spasel teme q'uejel ya awac' abaique.

Nuevo Testamento Tzeltal de Amatenango

⁵ “Te joꞌone jaꞌ smukꞌul yakꞌilon; yan te jaꞌexe jaꞌ jkꞌab-kꞌabex. Te machꞌa jmel nax ya yakꞌ sba ta jtojole y te joꞌone jun nax ayon sok, jich me ya sitin ta lek. Ni maꞌyuk tut xjuꞌ awuꞌunik teme parte ya awakꞌ abaike.

Bible in Tzeltal Bachajón

⁵ Ho'on te sch'oxalon ts'usub, ha'ex te sc'abex; te mach'a jc'axel ya yac' sba ta jtojol soc te ho'on jc'axel ya cac' jba ta stojol, ya me yac' bayel sit, yan teme parte yac awac' abahic, mayuc bin ya xhu' awu'unic spasel.

San Juan 15:5 ပူးပေါင်းရင်းမြစ်များ

Proverbios 11:30

Te toj-o'tanil ya yac' cuxlejal; yan te mach'a jach-c'ope, ya xpojbot xcuxlejal.

Oseas 4:8

Ya xcuxinic ta swenta smulic te lum cu'une; jich yu'un sc'anoj yo'tanic te yacuc sle smulic te ants-winiquetic cu'une.

San Mateo 13:21

Ja'uc me to, ma ismajemuc ta yo'tan te bila la yaiy stojole. Teme tal woclajel soc uts'inel ta stojol ta scaj te Sc'op Diose, ya xchebaj yo'tan ta ora yu'un.

San Juan 12:24

Jamal ya calbeyex, jich te bit'il jp'ij sit trigo, teme ma xlaj tey a ta bay la yich' wajel jilel ta slumile, stuquel nax ay ta q'uinal te jichuque. Yan teme ya xlaje, bayal ya yac' sit yu'un.

San Juan 15:16

Te ja'exe ma ja'uc la atsaonic, jo'on la jtsaex jtuquel. Ja' la jtsaex yu'un te ya xbeenexe soc te ya sitinexe. Te asit ya awaq'uique ma xlaj sbajt'el q'uinal. Swenta yu'un spisil te bila ya ac'anbeyic te Jtat ta jwentae, ya me yac'beyex.

San Juan 5:19

Te Jesús caj yalbey yaiyic: —Jamal ya calbeyex, te Nich'anile ma'yuc bila ya spas ta stuquel nax te bila ya sc'an te yo'tane. Ja' ya spas te bila ya yil te ya spas te Tatile, ja' nix ya spas uuc te Nich'anile.

San Juan 9:33

Te manchuc talemuc ta stojol Dios te winique xujt' ma'yuc bi ya xju' yu'un spasel te jichuque —xi'.

Hechos 4:12

Ma'yuc yan te mach'a ay colel ta swenta, melel ma'yuc yan ta spamal balumilal te yac'ojbotic sbiil te Diose te ya xju' ya xcolotic ta swentae —xi' te Pedroe.

Romanos 12:5

Ja' nanix jich te jo'otique. Manchuc teme tsobolotic ta jtule, ja'uc me to, jun nax jbaq'uetaltic ta stojol te Cristoe, jich bit'il jun nax ay te bitic ay ta jbaq'uetaltique.

Romanos 6:22

Yan ta ora to, colemex ta libre yu'un te mulile. Ja' ayexix ta abatinel yu'un te Diose. Ja' me sit ya ataic a te bit'il yanyanex ta lecubele, soc ta slajibal, ja' te cuxlejal sbajt'el q'uinale.

Romanos 7:4

Quermanotac, ja' nanix jich te ja'exe, te jun c'oemex soc sbaq'uetal te Cristoe, lajemexix yu'un te mandalile. Jich me ya yu'uninex te yane, ja' bi, ja' te Cristoe, te cha'cux tel ta bay te animaetique, swenta yu'un jich me ya xtuunex yu'un te Diose.

1 Corintios 10:16

Te ch'ul vaso te ya calbeytic wocol Dios yu'une, ja' ya yac' ta na'el te bit'il jun nax c'oemotic ta swenta xch'ich'el te Cristoe. Soc te waj ya jxet'ique, ja' ya yac' ta na'el te bit'il jun nax c'oemotic ta swenta sbaq'uetal te Cristoe.

1 Corintios 12:12

Jun nax ay te jbaq'uetaltique, ja'uc me to, bayal ta jchajp te bila ay tey a. Manchuc teme bayal ta jchajbe, ja'uc me to, jun nax ay ta scojt'ol. Ja' nix jich te Cristoe.

1 Corintios 12:27

Jich te ja'exe ja' sbaq'uetalex te Cristoe. Juju-jtul jun nax c'oemex soc.

2 Corintios 13:8

Melel ma xju' ta controinel cu'untic te bila smelelile, ja' nax ya sc'an ya yich' pasel te bila smelelile.

2 Corintios 9:10

Dios ya yac'bey yawal te mach'a ya yaiy awale, soc ya yac'bey waj swe'. Ja' nanix jich ya me yac'beyex spisil te bila ya sc'an awel awu'unique, soc ya me yesmantesbeyex te sit awawal-ats'unubique, swenta yu'un jich me ya xju' awu'unic te bayal ya awaiy coltaywanej ta stojol te yantique.

Gálatas 5:22

Yan te sit stuquel te Espiritue, ja' te xc'uxul-o'tanil, sbujts'-o'tanil, lamal q'uinal, sts'iquel, yutsil-o'tanil, lequil-o'tanil, xch'uunjel-o'tanil,

Efesios 5:9

Melel te sit ya yac' te Espiritue ja' te yutsil co'tantique, soc te bila toje soc te bila melele.

Filipenses 1:11

Ta swenta me te Jesucristoe, te nojel sit te awat'elique. Jich me ya x'albot wocol ta awentaic te Diose, soc jich me lec sc'oplal ya xc'ot awu'unic ta bayuc te Diose.

Filipenses 4:13

Spisil ya xju' cu'un ta swenta Cristo te ya yac'bon yip co'tane.

Filipenses 4:17

Ma yu'unuc ja' nax ay sc'oplal ta co'tan te ya jta jmajt'ane. Ja' bayal sc'oplal ta co'tan te yacuc x'esmajuc sit ta atojolique.

Colosenses 1:10

Swenta yu'un jich ya xju' awu'unic te toj ya x'ainex ta q'uinal te bit'il yu'unex te Cajwaltique, soc te jich ya xju' awu'unic spasel spisil ora te bila lec yo'tan yu'une. Ac'a sitinuc awu'unic spisil ta jchajp te lequil at'elile, jich me ya x'esmaj xan te bit'il ya ana'beyic sba te Diose.

Colosenses 1:6

Ja' nix in c'op to te julemix ta atojolique, ta ora to pujq'uemix ta bayuc ta spamal te balumilale. Yaquix ta sit ta bayuc, jich te bit'il jajch' sitinuc ta awolilic uuc ja'ex te c'alal la awaiyic stojol te bit'il ay yutsil yo'tan cu'untic ta mero melel te Diose.

Santiago 1:17

Spisil bila lec te quich'ojtique soc spisil jmajt'antic te jelawen yutsile, coem tel ta cajal spisil, te ja' yac'ojbotic te Jtatic te la spas te c'aal, u, soc eq'uetique. Stalel ay stuquel, soc xujt' ma xyanaj te xojobile.

1 Pedro 2:4

Noptsajanic tel ta stojol te Cajwaltic te ja' cuxul ton stuquel. P'ajbil yu'unic te ants-winiquetique; yan te Diose, tsabil yu'un stuquel, soc bayal sc'oplal ta yo'tan.

2 Pedro 3:18

Ja'uc me to, na'beyaic xan sba ta lec te Cajwaltic Jesucristoe te Jcoltaywanej cu'untique. Ac'a esmajuc xan ta awo'tanic te xc'uxul yo'tane. Jelawen yutsilal sc'oplal stuquel te Cajwaltique ta ora to soc ta sbajt'el q'uinal. Jichuc.