San Juan 15:20 - Bible in Tzeltal de Oxchuc y Tenejapa

²⁰ Juluc me ta awo'tanic bila la calbeyexe: “Ni jtuluc abat te cajal ya xc'ot ta stojol te yajwale”, te xoone. Teme la yuts'inon te jo'one, ya me yuts'inex uuc. Teme la yich'bonic ta muc' te jc'ope, jich nix ya yich'beyex ta muc' uuc te bila ya awalic te ja'exe.

Nuevo Testamento Tzeltal de Amatenango

²⁰ Naꞌik me te tuti kalbeyexe: “Ni jtuluk aj-aꞌtelil te mas mukꞌ yuꞌun te yajwale”, xchon me. Teme ya stenikon te joꞌone, jich euk te jaꞌexe ya me stenelex. Y teme la yakꞌik ta jkuenta te jkꞌope, jich euk te jaꞌexe ya me yakꞌik ta jkuenta te tut ya awalike.

Bible in Tzeltal Bachajón

²⁰ Na'ahic me te bin la jcalbeyex: Te a'bat ma ha'uc toyol xan ay te bin ut'il te yajwal, te xchihone. Teme ho'on la yuts'inonic, ha nix hich ya me yuts'inex ec. Teme la yich'bonic ta cuenta te jc'ope, ha nix hich ya yich'beyex ta cuenta te ac'opique.

San Juan 15:20 ပူးပေါင်းရင်းမြစ်များ

Ezequiel 3:7

Yan te lum Israele, ma ba ya sc'an ya yich'bat ta muc' ac'op, melel ma sc'an ya yich'onic ta muc' jo'on. Ta spisil te lum Israel mero tulan yo'tanic soc mero tulan te sjolique.

San Mateo 10:24

“Ni jtuluc jnopojel te cajal ay yu'un te yajmaestroe, soc ma'yuc jtuluc abat te cajal ay yu'un te yajwale.

San Marcos 10:39

La yalic: —Yac, ya xju' cu'untic uuc —xiic. La yal te Jesuse: —Melel nix a te ya x'ac'botex uuc te woclajele, soc te ya awich'ic uts'inel uuc, jich te bit'il ya quich' te jo'one.

San Lucas 2:34

Te Simeón la sc'anbey bendición ta stojolic, soc la yalbey te María te sme' te alale: —Aiya awaiy stojol, ja' in alal to, ay me tsobol te israeletic te ya xjinic yu'un soc ay me tsobol ya xtoy sc'oplalic yu'un. Te alale ja' seña yac'oj Dios te tsobol ya scontroinique.

San Lucas 6:40

Soc ni jtuluc jnopojel te cajal ay yu'un te yajmaestroe. Ja' to pajal ya xc'ot soc teme ju' yu'un snopel ta lec te p'ijubtesele.

San Juan 10:31

Jich yu'un te judioetique la xcha'leic ton xch'ojic a te Jesuse.

San Juan 11:57

Te fariseoetique soc te jwolwanej-sacerdoteetic yalojiquix mandal te ya me yalic teme ay mach'a ya sna' ta banti ay te Jesuse, swenta yu'un ya me xba stsaquic tel.

San Juan 13:16

Jamal ya calbeyex, te abate ma ja'uc cajal ya xc'ot ta stojol te yajwale. Soc te mach'a ticunbil tel, ja' peq'uel sc'oplal ya xc'ot ta stojol te mach'a ticunwanej.

San Juan 5:16

Ja' swentail te la scontroinic Jesús te judioetic. Yo'tanuc smilic ta scaj te ja' ta sc'aalelal cux-o'tan te jich la spase.

San Juan 7:32

Te fariseoetique la yaiyic stojol te jich yacalic ta smuquen-ayanel Jesús te lume. Jich te jwolwanej-sacerdoteetic soc te fariseoetic la sticunic policiaetic ta tsaquel te Jesuse.

San Juan 8:51

Jamal ya calbeyex, te mach'a ya yich' ta muc' te bila ya cale sbajt'el q'uinal ma xyil te lajele —xi'.

San Juan 8:52

La yalic te judioetique: —Ta ora to chican ta lec te ay pucuj ta awo'tane. Te Abrahame soc te j'alwanejetic yu'un te Diose spisil lajic. Te ja'ate ya awal: “Te mach'a ya yich' ta muc' te bi ya cale, sbajt'el q'uinal ma xlaj”, te xaate.

San Juan 8:59

Jich yu'un la stsaquic ton xch'ojic a te Jesuse, ja'uc me to, la snac' sba. Loc' ta templo. C'ax ta yolilic. Jich bajt'.

Hechos 14:22

Te banti c'axique, la yac'bey yip yo'tanic te jnopojeletique, soc la yalbey yaiyic te jc'axel ac'a yac' xch'uunjel yo'tanic. Soc la yalbeyic te puersa me ya xc'ax jwocoltic ta jpisiltic te ya x'ochotic ta banti ay ta ajwalinel te Diose.

1 Corintios 4:12

Soc lubenotiquix ta at'el ta jc'abtic. Ayotic ta bolc'optayel, ja'uc me to, ya jc'anbeytic bendición ta stojolic. Bayal jwocoltic ta uts'inel yu'unic, ja'uc me to, cujch'em cu'untic.

2 Corintios 4:9

Soc manchuc teme bayal ayotic ta uts'inel, ja'uc me to, ma ba pijt'esbilotic. Soc manchuc teme ya xlajotic yilel, ja'uc me to, ma jc'axeluc ya sjinotic.

1 Tesalonicenses 2:15

Ja' nix te judioetic te la smilic te Cajwaltic Jesuse, jich te bit'il la smilic te j'alwanejetic yu'un te Diose, soc la snutsotiquix loq'uel uuc te jo'otique. Ma lecuc yo'tan Dios yu'unic, soc scontroinejic spisil te ants-winiquetique.

2 Timoteo 3:12

Ja' nanix jich ya me xc'ax swocolic ta uts'inel spisil te mach'atic yat'elinejic xch'uunel te Cristo Jesuse.

1 Samuel 8:7

Pero jich albot yu'un te Cajwaltic: —Spisil te bi ya sc'anbat te lume, pasbeya; melel ma ja'ucat te ma sc'anat, jo'on te ma sc'anonique. Ja' ma sc'anic te ya x'at'ejon ta ajwalil ta stojolic.