San Juan 15:2 - Bible in Tzeltal de Oxchuc y Tenejapa

² Spisil te sc'abc'ab te bay ma xyac' site, ya me sloq'ues. Spisil te banti ya yac' site, ya yutstes xan stuquel swenta yu'un ya yac' xan bayal sit ta lec a.

Nuevo Testamento Tzeltal de Amatenango

² Ya slokꞌes spisil te skꞌab yakꞌil te ma xyakꞌ site. Te skꞌab yakꞌil te ya yakꞌ site ya septalan y ya sjojchotes yuꞌun ya sitin lek a.

Bible in Tzeltal Bachajón

² Spisil sc'ab te ay ta jtojol te ma ba ya yac' sit, ya set' loq'uel; spisil te ya yac'ticlan sit, ya spasticlan ta lec scuenta yu'un c'ax to xan hich ya sitin a.

San Juan 15:2 ပူးပေါင်းရင်းမြစ်များ

Job 17:9

Ya yaq'uic puersa ta yalel te toj yo'tanic stuquelic, soc te ma'yuc smul te sc'abique.

Salmos 92:14

Ya to sitin c'oem teme mamalix ae; puersa tulanic ta jyalel soc stalel yaxic.

Proverbios 4:18

Te be yu'unic te mach'atic toj yo'tanique, jich c'oem te bit'il saquil q'uinal te c'alal ya sacub tel q'uinal ta jujun sabe, yac ta sacubel tel te q'uinale, asta ya sacub ta lec.

Isaías 27:9

Ja'uc me to, ya spasbey perdón yu'un smul te Jacob, ya yich' ch'ayel faltaetic yu'un teme ya spas in to: Ac'a swuy ta spisil te scajtijib smajt'an te lotil diose, jich bit'il tan ya xbajt' ta loq'uel; soc ma me ayuc sloc'omba Asera ya xjil tey a, ni scajtijib xchic'jibal pom te yich'jibal ta muc' te lotil diosetic yu'unique.

Isaías 29:19

Te mach'atic peq'uelic ya me xcha'bujts'naj bael yo'tanic ta stojol te Cajwaltique; te mach'atic me'baetic ya me xbujts'naj yo'tanic ta swenta te Ch'ul Dios yu'un Israel.

Daniel 11:35

Soc ay me ya yich'ic uts'inel te jp'ijubteswanejetic yu'un te lume. Melel ta swenta prueba ya yich' xan lecubtesel soc ya xtojobic xan ta mero lec, ja' to teme c'ot te yorail albilixe.

Oseas 6:3

Ya me jpastic tulan ta sna'beyel sba te Cajwaltique. Te Cajwaltic ya xtal ta jtojoltic, ta smelelil, jich bit'il ya xloc' tel te c'aale, ta smelelil, jich bit'il ja'al ya yajch'es te lumq'uinal ta yorail otoño soc ta primavera.

Malaquías 3:3

Te Cajwaltic ya me slecubtes te sacerdoteetic, ja' te mach'atic sts'umbal Leví, jich bit'il mach'a ya slecubtes plata soc oro ta c'ajc'. Ta patil jich me ya xju' ya yaq'uic majt'anil ta stojol te Cajwaltique, jich te bit'il ya sc'an ya spasique.

San Mateo 13:12

Melel te mach'a ay bila ay yu'une, ya x'ac'bot xan sjoy. Jich me ay bayal bila ay yu'un ya xc'ot. Yan te mach'a ma'yuc bi ay yu'une, ya xpojbot te bila yich'oj jtebuque.

San Mateo 13:33

Ay yan seña-c'op te la yal te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te levadura te la scap ta wots'el soc oxp'is harina te antse, ja' to te pujc' yip ta sc'olol —xi' te Jesuse.

San Mateo 15:13

La yal te Jesuse: —Spisil awal-ts'unubil teme ma ja'uc la sts'un te Jtat te ay ta ch'ulchane, ya me yich' bulel loq'uel.

San Mateo 21:19

La yil pejt' higo-te' ta ti' be. Jich noptsaj bael tey a, ja'uc me to, ma'yuc sit c'o stabey. Puro yabenal nax ay. Te Jesús jich la yalbey te higo-te': —Ma'yuc bi ora ya awac' xan asit —la yut. Ora nax taquej te higo-te'e.

San Mateo 25:29

Melel te mach'a ay bila yich'oje, ya me x'ac'bot xan. Jich me c'ax bayal bila yich'oj ya xc'ot. Yan te mach'a ma x'at'ej soque, ya me xpojbot te bila yich'oj jtebuque.

San Mateo 3:10

Pajal c'oemex soc te'etic te chapalix yechejul ta ts'etel c'alal ta yisim. Melel spisil ta pejt' te' te ma xyac' site, ya me yich' ts'etel soc ya me yich' ch'ojel ochel ta c'ajc'.

San Mateo 3:12

Te mach'a ya xtale, jich c'oem te bit'il mach'a stsacojix ta sc'ab te sajp'ujibal sulil te strigoe. Patil ya me stsob ochel ta bay sq'uejibal te sbaq'ue. Yan te sulile ya me xchic' ta c'ajc' te ma xtup' sbajt'el q'uinal —xi' te Juane.

San Mateo 7:19

Spisil te' te ma lecuc site, ya yich' ts'etel. Ya me yich' chiq'uel ta c'ajc'.

San Marcos 4:20

Te awalil te c'ot ta lequil lume, ja'ic te mach'atic ya yaiyic te sc'op Diose soc te ya yac' ta yo'tanique. Ay ya sitin lajuneb xcha'winic (30), oxwinic (60) soc jo'winic (100) —xi' te Jesuse.

San Lucas 8:13

Te awalil te c'ot ta ba tontiquile, ja' sc'oplal te mach'atic bin nax yo'tanic yu'un te sc'op Diose, ja'uc me to, ma ba c'uben coel yisim c'oem. Ja' nax ya xch'uunic che'oxeb c'aal. Yu'un te c'alal ya xtal ta stojolic te yiljibal yo'tanique, ora ya xchebaj yo'tanic yu'un.

San Juan 15:1

Soc la yal xan te Jesuse: —Jo'on mero smuc'ul yac'ulon te ts'usube. Te Jtate ja' jcanan-ts'usubiltic stuquel.

San Juan 15:16

Te ja'exe ma ja'uc la atsaonic, jo'on la jtsaex jtuquel. Ja' la jtsaex yu'un te ya xbeenexe soc te ya sitinexe. Te asit ya awaq'uique ma xlaj sbajt'el q'uinal. Swenta yu'un spisil te bila ya ac'anbeyic te Jtat ta jwentae, ya me yac'beyex.

San Juan 15:3

Te ja'exe utstesbilexix ta swenta te jc'op la calbeyexe.

San Juan 15:6

Te mach'a ma x'ain ta jtojole ya me yich' ch'ojel loq'uel ta fuera; jich te bit'il sc'ab te ts'usube, teme taqueje, ya yich' tsobel soc ya yich' chiq'uel ta c'ajc'.

San Juan 15:8

Jich ya xchicnaj yutsilal te Jtate teme bayal ya sitinexe. Jich me jnopojelex cu'un ta melel abi.

San Juan 17:12

Te c'alal joinej to ta balumilal a, la jcanantay ta swenta awu'el te mach'atic la awac'bon ta jwentae. Spisil la jcanantay, jtul ma ch'ay cu'un. Ja' nax ch'ay stuquel te mach'a ay nanix ta swenta te ch'ayele, swenta yu'un jich ya xc'ot ta pasel te bila ts'ibubil jilele.

Romanos 11:17

Te judioetic ay jich c'oemic bit'il sc'ab te olivo-te' te la yich' bojel loq'uel sc'abe. Te banti la yich' loq'uesele, la yich' ts'aquel ta sc'ab ja'mal olivo-te'. Ja'ex te la awich'ic ts'aquele. Jich jun c'oexix soc te yisim olivo-te'e. Jich la awich'beyic xcuxlejal te ts'unbil olivo-te'e.

Romanos 11:22

Awaiy bit'il ay yutsil yo'tan soc te bit'il ya yac' castigo te Diose. Jich la yac'beyix tulan castigo te mach'atic yalique. Ja'uc me to, te ja'exe ay bayal yutsil yo'tan awu'unic teme jc'axel ya x'ainex ta stojole. Yan teme ma ba la awich'ic ta muq'ue, ya me awich'ic bojel loq'uel uuc te ja'exe.

Romanos 8:28

Jna'ojtic stojol te mach'atic c'ux ta yo'tanic te Diose, ya x'ac'botic yu'un spisil bila leque, ja'ic me te mach'atic ic'bilic yu'un Dios te bit'il jich la sc'an yo'tan stuquele.

1 Corintios 13:1

Manchuc teme bayal ta jchajp c'opiletic te ya xc'opojon ta sc'op ants-winiquetic o sc'op ch'ul abatetic, ja'uc me to, teme ma'yuc xc'uxul te co'tane, ja' jich c'oemon te bit'il xcananet nax campana soc te bit'il stsintson nax sc'op te platilloe.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

Hebreos 12:15

Tsajtaya me abaic, ma me ayuc jtuluquex te ma ba ya ataic te yutsil yo'tan te Diose. Ma me ayuc jtuluquex te ay bila ma lecuc ay ta awo'tanique. Melel teme muc'ube, ay me awocolic yu'un, soc jich me ay tsobol ya xbolob yo'tanic yu'un.

1 Juan 2:19

Ja' nix te mach'a loq'uic bael ta coliltique. Ja'uc me to, yu'un nanix ma junuc ayotic soc a. Te yu'unuc junuc ayucotic soque, jc'axel jun ayotic soc te jichuque. Ja'uc me to, te bit'il loq'uic baele, yu'un tey me ya xchicnaj ta jamal a te ma jpisilticuc te jun ayotique.

Apocalipsis 3:19

Te jo'one ya jp'ijubtes soc ya jtac'uy spisil te mach'a c'ux ya caiy ta co'tane. Junajuc me awo'tan ta jtojol, sujt'esa me awo'tan.