San Juan 15:19 - Bible in Tzeltal de Oxchuc y Tenejapa

¹⁹ Te junuc awo'tanic soc te mach'atic ayic ta swenta te balumilale, c'ux ya yaiyex te jichuque te bit'il jun ayex soque. Ja'uc me to, la jtsaex loq'uel tel ta yolilic. Ja' swentail te ya sp'ajex te mach'atic ayic ta swenta te balumilale.

Nuevo Testamento Tzeltal de Amatenango

¹⁹ Te jaꞌuk yuꞌunex te balmilale, te genteetik ta balmilale ben kꞌuxex ta yoꞌtan te jichuke, jich tutꞌil te kꞌux ya yaꞌi ta yoꞌtan te sjoꞌtake. Pero joꞌon a jtsaex tal lokꞌel ta yolilik te machꞌatik yuꞌun te balmilale. Jaꞌ sluwar te ya spꞌajexe, porke ma yuꞌunukexix te balmilale.

Bible in Tzeltal Bachajón

¹⁹ Te ha'uc yu'unex te bahlumilal, c'ux ya ya'iyex ta yo'tan te hichuque; pero te bin ut'il ma yu'unuquex te bahlumilal, como ho'on la jtsahex loq'uel tal ta yohlil te bahlumilal, ha scuentahil te ya sp'ajex te bahlumilale.

San Juan 15:19 ပူးပေါင်းရင်းမြစ်များ

San Mateo 10:22

Ya me awich'ic p'ajel ta apisilic ta swenta jbiil. Te mach'a ya xcujch' yu'un c'alal ta slajibale, ja' me ya xcol stuquel.

San Mateo 24:9

“Ya me x'ac'otex ta uts'inel, soc ay me ya xlajex ta milel. Ya me awich'ic ilayel yu'un spisil ants-winiquetic ta swenta jbiil.

San Lucas 6:32

“Teme jip nax c'ux ya awaiyic te mach'atic c'ux ya yaiyexe, ¿mach'a ya yalbeyex lec ac'oplalic yu'un? Melel jich ya spasbey sbaic uuc te jyanlumetique.

San Juan 13:18

“Ma apisiluc te jich ya calbeyexe, melel na'bilix cu'un te mach'atic jtsaoje. Ja'uc me to, puersa ya xc'ot ta pasel te bi ts'ibubil ta Sjun te Diose: “Te mach'a pajal ya xwe'on soque, c'atp'ujix ta jcontro”, te xie.

San Juan 15:16

Te ja'exe ma ja'uc la atsaonic, jo'on la jtsaex jtuquel. Ja' la jtsaex yu'un te ya xbeenexe soc te ya sitinexe. Te asit ya awaq'uique ma xlaj sbajt'el q'uinal. Swenta yu'un spisil te bila ya ac'anbeyic te Jtat ta jwentae, ya me yac'beyex.

San Juan 6:70

Jesús la yal: —Jo'on la jtsaex te lajchaytulexe, ja'uc me to, ta alajchaytululic ay jtul pucuj tey a —xi'.

Santiago 4:4

¡Jmulawil ants-winic! ¿Yu'un bal ma x'ana'ic te mach'atic jun yo'tan sba soc te balumilale ja' scontroinejic te Diose? Mach'auc a te jun yo'tan sba soc te balumilale, yu'un nanix ja' spasoj ta contro a te Diose.

1 Pedro 4:3

Tic' a te ch'ay bayal c'aal awu'unic ta neelal to ta spasel te bila mulanbil yu'un te mach'atic ma sna'beyic sba te Diose. Ja' bi ja' te chijubele, bic'tal-o'tanil, yacubel, q'uinwej, slajinel taq'uin te ma'yuc swentaile, soc xch'uunel lotil diosetic te ilaybil yu'un te Diose.

1 Juan 3:12

Ma me jichucotic te bit'il te Caine. Melel te bit'il u'uninot yu'un te pucuje, jich la smil te yijts'ine. ¿Bi yu'un te la smile? Yu'un lec yat'el la yil te yijts'ine. Yan stuquel, amen te yat'ele.

Apocalipsis 12:17

Jich te muc'ul chane c'axem to xan ilin yo'tan ta stojol te antse. Jich ba yaiy guerra soc te jich yipal te sts'umbal xane, ja' bi, ja' te mach'atic yat'elinejic xch'uunel smandal te Diose soc te jun yo'tan yich'ojic ta muc' te testigo-c'op yaloj te Jesucristoe.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.