San Juan 15:11 - Bible in Tzeltal de Oxchuc y Tenejapa

¹¹ “La calbeyex awaiyic in to, swenta yu'un ya me awich'bonic te sbujts' co'tane, jich me ts'acal ya ataic te sbujts' awo'tanique.

Nuevo Testamento Tzeltal de Amatenango

¹¹ “Jich ya kalbeyex to yuꞌun jich me ben jun awoꞌtanik ta jtojol a, y jmel nax me ya awichꞌik te bujtsꞌan kꞌinal ya awaꞌiyike.

Bible in Tzeltal Bachajón

¹¹ Ha la jcalbeyex ini scuenta yu'un hich yac awich'bonic te yutsil co'tan, soc ts'acal ya xc'oht a te yutsil awo'tanic.

San Juan 15:11 ပူးပေါင်းရင်းမြစ်များ

Isaías 53:11

Te c'alal c'axix yu'un a te bayal swocole, ya me yil te saquil q'uinale, soc bin nax me yo'tan yu'un. Te tojil abat yu'un Cajwaltic, bayal mach'atic ya yac' ta libre, melel ja' ya scuchbey smulic stuquel.

Isaías 62:4

Ma ba ya yich' alel xan ac'oplal: “Pijt'em”, ma xiuquix, “Jinem”, ma xiuc sc'oplal te aq'uinale; ja'uc me to, te abiil ya xc'ote: “Cu'unat, quinamat”, xi' me ac'oplal. Melel smulanejat te Cajwaltique, soc ja' me mamlalil c'oem te aq'uinale.

Jeremías 32:41

Bin nax me co'tan ta yaq'uel yutsilalic. Ta spisil co'tan soc ta smelelil, ya cac' ainuc li' ta q'uinal to —xi' te Cajwaltique.

Jeremías 33:9

Te Jerusalén ya me yac'bon yutsil co'tan, ya me yac'on ta ich'el ta muc' soc cutsilal, ta stojol spisil nacionetic ta balumilal. C'alal ya yaiyic stojol ta alel spisil yutsilal te ya cac'bey tel yajwal Jerusalén, soc spisil te ya cac' esmajuque, ya me xnijc' yo'tanic yu'un xiwel —xi'.

Sofonías 3:17

Te Cajwaltic te Dios awu'une, ay me ta awolilic; ay yu'el stuquel soc ya scoltayat. Te Cajwaltic bin nax me yo'tan awu'un. Ta swenta xc'uxul yo'tan ya yac'bat yach'il acuxlejal; ya me xbujts'naj awo'tan ta c'ayoj

San Lucas 15:23

Soc ic'aic tel te jujp'en tat wacaxe, milaic jti'tic, yu'un ya me jpastic q'uin.

San Lucas 15:32

Ja'uc me to, snujp' te ya jpastic q'uine, yu'un ay sbujts' co'tantic. Melel te awijts'ine lajemix, ja'uc me to, cha'cuxemix. Jc'axel ch'ayem ta jc'op, ja'uc me to, la jtaix”, xi' te state —xi' ta yalel te Jesuse.

San Lucas 15:5

Te c'alal ya stae, bin nax yo'tan ya scajan tel ta snuc'.

San Lucas 15:9

Te c'alal la staix ta leele, ya stsob tel te sjo'tac ta antsile soc te spat-xujq'ue. Jich ya yalbey yaiyic: “Binuc nax me awo'tanic cu'un, melel la jtaix te jun dracma-taq'uin te ch'ayem cu'une”, xi' me ta stojolic.

San Juan 16:24

Ma to ayuc bila ac'anojic ta jwenta. C'anaic, jich me ya yac'beyex, swenta yu'un jich me ya xbujts'naj ta lec awo'tanic yu'un.

San Juan 16:33

La calbeyex spisil in to, swenta yu'un jich me lamal q'uinal ya awaiyic ta jwenta. Yan ta bay te balumilale ya me xc'ax awocolic, ja'uc me to, ayuc me smuc'ul awo'tanic ta jwenta, melel tsalbilix cu'un te balumilale —xi' te Jesuse.

San Juan 17:13

“Ta ora to ya xtalonix ta atojol. La calix jilel ta balumilal spisil in to, swenta yu'un ya me xbujts'naj yo'tanic ta jc'axel yu'un.

San Juan 3:29

Jich bit'il te nujbinele. Te mach'a ya xnujbin soc te ach'ixe, ja'ix te smamlale. Yan te mach'a sjoy nax sba soque, ja' nax ya xbujts'naj yo'tan yu'un te ya yaiybey te sc'ope. Jich c'oemon ta stojol te Jesuse. Bayal ya xbujts'naj co'tan ta swenta.

Romanos 15:13

Te Diose, ja' yac'oj smuc'ul co'tantic ta smaliyel, ac'a snojesbeyex bayal sbujts' awo'tanic soc lamaluc me q'uinal awaiyic ta stojol ta swenta te bit'il ach'uunejique. Jich me jelawen to xan ay smuc'ul awo'tanic ta smaliyel ta swenta yu'el te Ch'ul Espiritue.

2 Corintios 1:24

Ma yu'unuc ya jc'an jsujtiquex te bila ya sc'an ach'uunic te ja'exe, melel ayix yip te xch'uunjel awo'tanique. Ja' xanix te ya jcoltayex ta at'el te ja'exe, swenta yu'un jich me ya ata sbujts' awo'tanic.

Efesios 5:18

Ma me xyacubex yu'un te vinoe, te melel swenta abolteselic stuquel. Ja'uc me nojeluc ta awo'tanic te Ch'ul Espiritue.

Filipenses 1:25

Jich xch'uunej co'tan, soc jich jna'oj stojol te ya to joinex xan ta q'uinale. Jich me ya xtal joinex xan ta apisilic, swenta yu'un jich me ya yich' xan yip te xch'uunjel awo'tanique, soc jich me ya x'esmaj xan sbujts' awo'tanic yu'un.

1 Tesalonicenses 5:16

Ayuc me sbujts' awo'tanic spisil ora.

1 Pedro 1:8

Te ja'exe c'ux ta awo'tanic te Jesucristoe, manchuc teme ma ba awilojbeyic sit. Soc manchuc teme ma ba ya awilic ta asitic ta ora to, ja'uc me to, jun nax awo'tan ach'uunejic. Jich jelawen nax yutsil sbujts' awo'tanic ya awaiyic yu'un ta c'axem to xan te ma xju' ta alel sc'oplale.

1 Juan 1:4

Jich la jts'ibubeyex spisil in to swenta yu'un ts'acal ya xbujts'naj awo'tanic ta lec yu'un.

2 Juan 1:12

Ay bayal te bila c'an jts'ibubeyexe, ja'uc me to, ma jc'an ya jts'ibubeyex xan ta jun soc ta tinta. Yu'un jnopoj te ya xtal quilexe. Jich me ya x'ayanotic soc ya quilbey jba jsitic, swenta yu'un jich me pajal ya xbujts'naj co'tantic ta melel a.