San Juan 14:6 - Bible in Tzeltal de Oxchuc y Tenejapa

⁶ Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

Nuevo Testamento Tzeltal de Amatenango

⁶ Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

Bible in Tzeltal Bachajón

⁶ La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

San Juan 14:6 ပူးပေါင်းရင်းမြစ်များ

San Mateo 11:27

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna'bey sba te Nich'anile; ja' nax ya sna'bey sba te Tatile. Soc ma'yuc mach'a ya sna'bey sba te Tatile; ja' nax stuquel te Nich'anile, soc uuc te mach'a jayeb ya yac'bey sna'bey sbae.

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

San Juan 1:17

Melel ta swenta Moisés ac'bototic te mandalile. Yan te yutsil-o'tanile soc te bila melele, ja' chicnaj ta swenta stuquel te Jesucristoe.

San Juan 1:4

Ja' ya yac' cuxlejal stuquel. In te cuxlejale, ja' te ay saquil q'uinal ta stojolic te ants-winiquetique.

San Juan 10:28

Jo'on ya cac'bey xcuxlejal sbajt'el q'uinal, soc xujt' ma xch'ayic sbajt'el q'uinal. Ma'yuc mach'a ya spojbon loq'uel ta jc'ab.

San Juan 10:7

Jich yu'un te Jesús la xcha'yalbey yaiyic xan: —Jamal ya calbeyex, jo'on ti'corralon yu'un te chijetique.

San Juan 10:9

Jo'on ti'corralon. Te mach'a ya x'och bael ta jwenta, ya me xcol. Jun yo'tan ya x'och soc jun yo'tan ya xloc' ta corral, soc ya me sta swe'el tey a.

San Juan 14:19

Jteb sc'an xch'ayon ta sitic te mach'atic ayic ta balumilale. Yan te ja'exe, ya to awilon xan atuquelic. Melel cuxulon te jo'one, jich me ya xcuxinex uuc te ja'exe.

San Juan 15:1

Soc la yal xan te Jesuse: —Jo'on mero smuc'ul yac'ulon te ts'usube. Te Jtate ja' jcanan-ts'usubiltic stuquel.

San Juan 18:37

La yal te Pilatoe: —¿Melel bal jiche te muc' ajwalilate? —xi'. La sjac' te Jesuse: —Jichon te bit'il ya awale. Ja' swentail te ayinone soc te talon ta balumilale, yu'un tal cal ta jamal te smelelil c'ope. Ya yaiybonic stojol jc'op spisil te mach'atic yich'ojic ta muc' te bila melele —xi'.

San Juan 5:21

Melel te Jtatic Diose ya me xcuxes te animaetique, soc ya yac'bey xcuxlejal. Ja' nanix jich uuc te Nich'anile ya me yac' cuxinuc uuc te mach'atic ya sc'an yo'tan te ya yac' cuxinuque.

San Juan 6:33

Melel te waj yu'un Dios, ja' te coix tel ta ch'ulchan te ya yac' cuxlejal ta balumilale —xi' te Jesuse.

San Juan 6:51

Jo'on te waj te cuxule te coemon tel ta ch'ulchane. Te mach'a ya swe' in waj to, ya me xcuxin sbajt'el q'uinal. Te waj te ya caq'ue, ja' te jbaq'uetale, ya me cac' ta lajel swenta yu'un jich me ay xcuxlejalic ta balumilal —xi' te Jesuse.

San Juan 6:57

Jich bit'il cuxul te Jtat te la sticunon tele, soc ja' cuxulon ta swenta te Jtate, jich nix me ya xcuxinic ta jwenta uuc spisil mach'a ya swe'bon te jbaq'uetale.

San Juan 6:68

Te Simón Pedro la yal: —Cajwal, ¿mach'a yan ya xbootic ta stojol? Melel ja'at nax atuquel te ay cuxinel sbajt'el q'uinal ta swenta te ac'ope.

San Juan 8:32

Jich me ya ana'ic te bila melele. In te bila melele, ja' ya yaq'uex ta libre —xi'.

San Juan 8:51

Jamal ya calbeyex, te mach'a ya yich' ta muc' te bila ya cale sbajt'el q'uinal ma xyil te lajele —xi'.

Hechos 3:15

Jich la amilic te mach'a J'ac'cuxlejale, ja'uc me to, Dios la xcha'cuxes tel ta bay te animaetique. In te jo'otique, ja' testigootic yu'un.

Hechos 4:12

Ma'yuc yan te mach'a ay colel ta swenta, melel ma'yuc yan ta spamal balumilal te yac'ojbotic sbiil te Diose te ya xju' ya xcolotic ta swentae —xi' te Pedroe.

Hechos 9:2

La sc'anbey carta te ya xc'o yac'bey te mach'atic swentainejic te sinagogaetic ta bay lum Damasco, swenta yu'un jich me ya sle te mach'atic xch'uunejic te yach'il nopjibale, chican teme winiquetic o antsetic, te jich me chucul ya yic' tel ta Jerusalén.

Romanos 15:16

Yabaton te Jesucristo ta stojol te jyanlumetique, jich yacon ta spuquel te lec yach'il c'op yu'un te Diose. Jich me smajt'an Dios ya xc'otic te lec yo'tan Dios yu'une soc te ch'ultesbil yu'un te Ch'ul Espiritue.

Romanos 5:2

Ja' ta swenta Cristo te quich'ojtic c'uxtayel yu'un te Diose, ta swenta te xch'uunjel co'tantique. Jich ay yip co'tantic yu'une, soc jich toyol co'tantic ta smaliyel te yutsilal te Diose.

Romanos 5:21

Jich bit'il ay yu'el ta yaq'uel lajel te mulile, ja' nanix jich te yutsil yo'tan te Diose ay yu'el ta yaq'uel ta libre yu'un mulil soc ta yaq'uel cuxinel sbajt'el q'uinal ta swenta te Cajwaltic Jesucristoe.

1 Corintios 15:45

Jich bit'il ts'ibubil jilel ta Sjun te Diose: “Te sbabial winique, ja' te Adane, ac'bot xcuxlejal soc te sbaq'uetale”, te xie. Yan te slajibal Adane, J'ac'cuxlejal ta swenta te Espíritu stuquel.

Efesios 2:18

Melel ta swenta Cristo, jcha'chajbaltic ya xju' ya x'ochotic ta stojol te Jtatic Dios ta swenta jun nax Espíritu.

Colosenses 2:17

Spisil in to, squeawil to nax te bila ya xtale, yan te smelelile ja'ix te Cristoe.

Colosenses 2:9

Melel te Cristoe ts'acal yich'ojbey stalel te Diose.

Colosenses 3:4

Ja' acuxlejalic te Cristoe. Jich te c'alal ya xchicnaj tele, tey me ya xchicnajex soc a. Jich me ya ajoinic tey a ta bay nojel te yutsilale.

Hebreos 7:25

Jich ya xju' ya scoltay sbajt'el q'uinal te mach'atic ya xnoptsajic ta stojol Dios ta swentae, melel ya xju' ya xc'opoj yu'unic spisil ora stuquel te bit'il cuxul ay sbajt'el q'uinal.

Hebreos 9:8

Jich ya yac'botic jna'tic stojol te Ch'ul Espiritue te bit'il ma to jamaluc sbelal te Mero Ch'ul Awilale, te jayeb c'aal yac to ta tuunel ta yich'el ta muc' Dios te sbabial nailpac' temploe.

1 Pedro 1:21

Ja' ta swenta Cristo te ach'uunejiquix te Diose, te la yich' cha'cuxesel ta bay animaetic, soc te ac'ot ta ich'el ta muq'ue. Ja' swentail te awac'oj xch'uunjel awo'tanic soc smuc'ul awo'tanic ta stojol te Diose.

1 Pedro 2:4

Noptsajanic tel ta stojol te Cajwaltic te ja' cuxul ton stuquel. P'ajbil yu'unic te ants-winiquetique; yan te Diose, tsabil yu'un stuquel, soc bayal sc'oplal ta yo'tan.

1 Pedro 3:18

Melel jich nix uuc te Cristoe, jc'axel nax c'ax swocol ta lajel yu'un te jmultique. Jich ya xju' te ya yic'otic ta stojol te Diose. Te jo'otic te ma tojuc co'tantic, ja' jeloltic ta woclajel stuquel te Mach'a toj yo'tane. Ac'ot ta lajel soc te sbaq'uetale, ja'uc me to, cha'cuxesot tel soc te xch'ulele.

1 Juan 1:8

Teme ya caltic te ma'yuc jmultique, jtuqueltic nax yacotic lo'laybel jbajtic abi, yu'un ma'yucotic tey ta bay te bila melele.

1 Juan 2:23

Spisil mach'a ma sc'an yich'ic ta muc' te Nich'anile, yu'un nanix ma ba yich'ojic ta muc' uuc te Tatile. Yan te mach'a jamal ya yal te ja' xch'uunej te Nich'anile, ja' xch'uunej ta melel uuc te Tatile.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

1 Juan 5:6

Ja' xtaluc te Jesucristo te chicnaj ta swenta ja' soc ta swenta ch'ich'. Ma ja'uc nax chicnaj ta swenta te ich' ja'e, chicnaj xan ta swenta te la smal te xch'ich'ele. Te Espíritu ja' ya yal ta testigo, melel te Espiritue smelelil te bila ya yale.

2 Juan 1:9

Te mach'a ya xjowej baele, soc teme ya yijq'uitay te nopjibal yu'un te Cristoe, yu'un nanix ma ba xch'uunej Dios abi. Yan te mach'a ma xyijq'uitay te nopjibal yu'un te Cristoe, ja' xch'uunej te Jtatic Diose soc uuc te Snich'ane.

Apocalipsis 1:5

soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,

Apocalipsis 19:11

Soc la quil jamal te ch'ulchane. Chicnaj cojt' saquil caballo. Te mach'a cajal ta spate “Jun yo'tan”, soc “Smelelil”, xi' te sbiile. Yu'un toj ya yaiy chajbanwanej soc toj ya yaiy tsalaw.

Apocalipsis 20:15

Soc la yich' ch'ojel ochel ta bay muc' pamal c'ajc' spisilic te mach'atic ma ba ts'ibubil sbiilic ta bay lista yu'un te cuxinele.

Apocalipsis 22:1

Te ch'ul abate la yac'bon quil muc'ja' te ya yac' cuxinele. Xlemet nax jich bit'il cristal. Tey loc' tel ta bay smuc'ul nactijib te Diose soc te Alalchije,

Apocalipsis 22:17

Te Ch'ul Espíritu soc te yinam te Alalchije ya yalic: “La' me”, xiic. Te mach'a ya yaiy stojol, jich ac'a yal uuc: “La' me”, xiuc me uuc. Te mach'a taquin yo'tane, ac'a taluc teme ya sc'an yo'tane. Smajt'an ya x'ac'bot yuch' te ja' te ya yac' cuxinele.

Apocalipsis 3:14

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Laodicea: Te Mach'a Jichuc, te xie, te stalel ma'yuc lot ta yo'tane, jun nax yo'tan ya yal ta testigo te bila smelelile, te ja' ta swenta te chicnantesbil yu'un Dios spisil te bitic aye, jich la yal:

Apocalipsis 3:7

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Filadelfia: Jich me la yal te ch'ul Dios te ma'yuc lot ta yo'tane, ja' te Mach'a yich'oj te llave yu'un te muc' ajwalil Davide, ja' te Mach'a ya sjam te ma'yuc jtuluc ya xju' yu'un smaquele. Te bila ya smaque, ma'yuc jtuluc mach'a ya xju' yu'un sjamel.