San Juan 14:4 - Bible in Tzeltal de Oxchuc y Tenejapa

⁴ Ana'ojic te banti ya xboone soc ana'ojic te bee —xi' te Jesuse.

Nuevo Testamento Tzeltal de Amatenango

⁴ Te jaꞌexe ya anaꞌik te ba ya xboone y ya anaꞌik te bee —xchi te Jesuse.

Bible in Tzeltal Bachajón

⁴ Ana'ojic te banti ya xbohon soc ana'beyejic sbehlal, xchi.

San Juan 14:4 ပူးပေါင်းရင်းမြစ်များ

San Lucas 24:26

¿Ma bal jichuc la sc'an te puersa ya xc'ax swocol neeluc te Cristo te ma to x'och ta bay te utsilale? —xi'.

San Juan 10:9

Jo'on ti'corralon. Te mach'a ya x'och bael ta jwenta, ya me xcol. Jun yo'tan ya x'och soc jun yo'tan ya xloc' ta corral, soc ya me sta swe'el tey a.

San Juan 12:26

Teme ay mach'a ya sc'an ya yac' sba ta abat cu'une, ac'a me sts'aclinon bael. Melel te bay ya xc'oon te jo'one, tey me ya xc'ot uuc te cabate. Te mach'a ya yac' sba ta abatinel cu'une, ya me x'ac'bot yich' yutsilal yu'un te Jtate.

San Juan 14:2

Ta sna te Jtate, ay bayal ta jtsal ta bay ya x'ainexe. Te manchuc jichuque, ma ba la calbeyex te jichuque. Ya xba jchajbanbeyex awawilic tey a.

San Juan 14:28

Awaiyojiquix stojol cu'un te ya xboone soc te ya xtal joinex xane. Teme c'uxon ta awo'tanic ta melele, bujts'najemix awo'tanic te jichuque, melel la calix te ya xboon ta bay te Jtate, yu'un ja' cajal cu'un stuquel.

San Juan 14:3

Teme boone soc teme chajbaj awawilic cu'une, ya xcha'talon xan. Ya xtal quiq'uex bael tey a te banti ya xc'oone, tey me ya xc'oex a te ja'exe.

San Juan 14:5

La yal te Tomase: —Cajwal, ma jna'tic te banti ya xbaate. ¿Bit'il c'an jna'tic te bee? —xi'.

San Juan 16:28

Loc'on tel ta stojol te Jtate, talon ta balumilal. Yan buelta ya quijq'uitayix te balumilale, ya sujt'onix bael ta stojol te Jtate —xi' te Jesuse.

San Juan 3:36

Te mach'a ya xch'uun te Nich'anile, ya me xcuxin sbajt'el q'uinal. Te mach'a ma sc'an xch'uun te Nich'anile, ma xyil te cuxinele. Ja' nax quechel yilimba Dios ta stojolic.

San Juan 6:40

Melel ja' sc'anjel yo'tan te Jtate te ya yich' xcuxlejal sbajt'el q'uinal spisil te mach'a ya yil te Nich'anile. Soc te mach'a ya xch'uune, ya me xcha'cuxes tel ta slajibal c'aal —xi' te Jesuse.