San Juan 14:30 - Bible in Tzeltal de Oxchuc y Tenejapa

³⁰ “Ma spasix te bayal bi ya calbeyex xane, melel jtalelix te ajwalil yu'un in balumilal to. Ma'yuc bi xju' yu'un te ya spasbon ta jtojole.

Nuevo Testamento Tzeltal de Amatenango

³⁰ “Ma spasix te jal ya xꞌaꞌabiyanotike, porke talix te machꞌa ya spas mantal liꞌ ba balmilale. Maꞌyuk tut ya xjuꞌ te ya spasbon ta jtojole.

Bible in Tzeltal Bachajón

³⁰ Mayuquix bayel c'ahc'al ya jc'oponex, como yaquix ta talel te principal yu'un te bahlumilal. Mayuc bin yochelon a;

San Juan 14:30 ပူးပေါင်းရင်းမြစ်များ

San Lucas 1:35

Jich la yal te ch'ul abate: —Ya xjul ta awenta te Ch'ul Espiritue. Ya me yaxintesat ta yu'el te Ch'ul Dios te mero toyol aye. Jich te ch'ul alal ya x'ayin awu'une, Snich'an Dios ya xc'ot te sbiile.

San Lucas 22:53

Melel jujun c'aal la joinex ta templo. Ma ba yal ac'abic ta jtojol. Ja'uc me to, la staix yorail te ya xju' awu'unic soc yip te ijc' q'uinale —xi' te Jesuse.

San Juan 12:31

Melel la staix yorail te ya x'ich'bot sc'op yu'un smulic te mach'atic ayic ta balumilale. Soc la staix yorail te ya xch'ojotix loq'uel uuc te ajwalil yu'un te balumilale.

Hechos 1:3

Te bit'il c'axix tel yu'un te lajele, la yac' sba ta ilel ta stelemal ta stojolic cha'winic c'aal. Buen chican la yac' sba ta ilel te bit'il cha'cuxemixe soc la yalbey yaiyic te bit'il ay ta ajwalinel te Diose.

2 Corintios 4:4

Melel te dios yu'un in balumilal to, sc'atp'unej ta ma'sit te mach'atic ma ba xch'uunejic te Diose. Jich ma xju' ya sna'ic stojol xujt'uc. Swenta yu'un jich ma xyilbeyic xojobil yutsilal te lec yach'il c'op yu'un te Cristoe, melel te Cristoe pajal yilel soc te Diose.

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

Efesios 6:12

Yu'un ma ja'uc ya jtsal jbatic soc te mach'atic pajal jch'ich'-jbaq'uetaltic soque. Ja' ya jcontroin jbatic soc te pucujetic te ay yipique, soc te ay bayal yu'elique, soc te ajwaliletic yu'un te balumilal te ayic ta ijc' q'uinale, soc spisil te bila amen te ayic ta sjamalul te ch'ulchane.

Colosenses 1:13

Melel ta swenta yu'el Dios la scoltayotiquix loq'uel ta bay ainotic ta ijc' q'uinale, soc tey la yac'otiquix c'axel ta banti ay ta ajwalinel te Snich'an te bayal c'ux ta yo'tane.

Hebreos 4:15

Melel te Muc' Sacerdote cu'untique, ma yu'unuc ma sna'botic yo'bolil jbatic te bit'il ay jwocoltic yu'un te ma'yuc quiptique, melel la yaiy swocol yu'un spisil ta jchajp uuc te yiljibal yo'tane, jich nix te bit'il ya caiytic te jo'otique. Ja'uc me to, ma ba yal ta mulil yu'un.

Hebreos 7:26

Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.

1 Pedro 1:19

Ja' tojbil acolelic a te xch'ul xch'ich'el te Cristoe te milbil smajt'an Dios c'ot, jich bit'il alal chij te ma'yuc bila boloben soc ts'ilajem ta sbaq'uetale.

1 Pedro 2:22

Ma'yuc la sle smul stuquel te Cristoe soc ma ba lo'laywan ta c'op.

1 Juan 4:4

Cal-jnich'nab te ja' yu'unex te Diose, atsalojiquix te lotil j'alwanejetique, yu'un ja' cajal yip te mach'a jun ayex soque. Yan te mach'atic ayic ta swenta te balumilale, alan yip stuquel.

1 Juan 5:18

Jna'ojtic stojol te mach'a ayinemix ta swenta te Diose, ma ba ya sleulayix smul. Melel ja' canantaybil yu'un te Snich'an Diose. Jich ma xlo'layotix yu'un te pucuje.

1 Juan 5:19

Jna'ojtic stojol te yu'unotic te Diose. Yan te balumilale, spisil ay ta sc'ab te pucuje.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.