San Juan 14:2 - Bible in Tzeltal de Oxchuc y Tenejapa

² Ta sna te Jtate, ay bayal ta jtsal ta bay ya x'ainexe. Te manchuc jichuque, ma ba la calbeyex te jichuque. Ya xba jchajbanbeyex awawilic tey a.

Nuevo Testamento Tzeltal de Amatenango

² Te ba sna te jTate ay bayal luwar te ba ya xꞌanexe. Te jichuk ma jichuke, makꞌ ya kalbeyex te ya xba jchap jun luwar awuꞌunike.

Bible in Tzeltal Bachajón

² Ta banti sna te Jtate ay bayel ta jtsahl banti ya xnahinex; te yu'unuc ma hichuc aye, la jcalbeyex te hichuque. Ha yu'un ya xbaht jchahpambeyex awawilic tey a.

San Juan 14:2 ပူးပေါင်းရင်းမြစ်များ

San Lucas 14:22

Patil tal yal te abate: “Cajwal, la jpasix te bit'il la awalbon mandale, ja'uc me to, ay to jochol te nactijibale”, xi'.

San Juan 13:33

Cal-jnich'nab, ma ba jalix c'aal te ya joinexe. Ya aleonic, ja'uc me to, jich nix ya calbeyex te bit'il la calbey te judioetique, ma xju' ya xbaex tey a ta bay ya xboone.

San Juan 13:36

Te Simón Pedro la sjojc'obey te Jesuse: —Cajwal, ¿banti ya xbaat? —xi'. La yal te Jesuse: —Te bay ya xboon ta ora to, ma xju' ya ats'aclinon bael tey a, ja'uc me to, ya me ats'aclinon bael ta patil —xi'.

San Juan 14:28

Awaiyojiquix stojol cu'un te ya xboone soc te ya xtal joinex xane. Teme c'uxon ta awo'tanic ta melele, bujts'najemix awo'tanic te jichuque, melel la calix te ya xboon ta bay te Jtate, yu'un ja' cajal cu'un stuquel.

San Juan 16:4

La me calbeyex awaiyic in to, swenta yu'un te c'alal ya xc'ot yorail, jich me ya ana'ic te jich nix la calbeyex awaiyique. “Ta neelal to ma la calbeyex spisil in to yu'un joinejex to a.

San Juan 17:24

“Jtat, te mach'atic awac'ojbone ya jc'an join ta bay ya x'ainon, swenta yu'un ya me yilbon te cutsilal awac'ojbon te bit'il c'uxon ta awo'tan te c'alal ma to xchicnaj a te balumilale.

Hechos 9:16

Jo'on ya me cac'bey sna' stojol spisil ta jchajp swocol te ya sta ta jwentae —xi'.

2 Corintios 5:1

Te jo'otique, jich c'oemotic te bit'il jwol na ta balumilal, soc jich c'oemotic te bit'il nail pac' te ma xjalaje. Jna'ojtic te ya xjin te bila jnainejtique, melel Dios spasojbotiquix yan te ya yac' jnaintic swenta sbajt'el q'uinal ta ch'ulchan, te ma ja'uc pasbil ta sc'ab te ants-winiquetique.

1 Tesalonicenses 5:9

Melel ma ja'uc la stsaotic Dios yu'un te ya yac'otic bael ta castigoe. Ja' la stsaotic yu'un te ya yac'botic jcoleltic sbajt'el q'uinal ta swenta te Cajwaltic Jesucristoe.

Tito 1:2

yu'un ya jmaliytic te jcuxlejaltic ta sbajt'el q'uinal. Te Dios te ma spas lote, jich yaloj ta jamal ta xjajch'ibal to tel.

Hebreos 11:10

Melel te Abrahame ja' la smaliy slumalin te muc'ul lum te ay tulan yiptajibe te ja' la xchajban stuquel te Diose soc te ja' nix la spase.

Hebreos 13:14

Melel te bit'il ayotic ta balumilale, ma'yuc muc'ul lum cu'untic li'to te sbajt'el q'uinal aye. Ja' yacotic ta sleel te muc'ul lum te ya xchicnaj ta patile.

Hebreos 6:20

Ja' te banti ochemix te Jesuse, swenta yu'un ya sjambotic te sbelale. Jich Muc' Sacerdote c'oemix sbajt'el q'uinal, te ja' la yich'bey yat'el te Melquisedeque.

Hebreos 9:8

Jich ya yac'botic jna'tic stojol te Ch'ul Espiritue te bit'il ma to jamaluc sbelal te Mero Ch'ul Awilale, te jayeb c'aal yac to ta tuunel ta yich'el ta muc' Dios te sbabial nailpac' temploe.

Apocalipsis 1:5

soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,

Apocalipsis 21:2

Jo'on Juanon la quil te ch'ul muc'ul lum te ja' te yach'il Jerusalén. La quil yac ta coel tel ta ch'ulchan te loc' tel ta stojol te Diose. Buen chapal jich te bit'il ya xch'al sba soc sc'u'-spac' te ach'ix ya xnujbine.

Apocalipsis 3:12

Te mach'atic ya xju' yu'unic tsalawe, ja' me yoyalic ya xc'ot cu'un ta templo yu'un te Dios cu'une. Xujt' ma xloq'uic sbajt'el q'uinal tey a. Soc ya me jts'ibubey ta bay spatic te sbiil te Dios cu'une soc te sbiil te muc'ul lum yu'un te Dios cu'une, ja' te yach'il Jerusalén te ya xcoj tel ta ch'ulchan ta bay stojol te Dios cu'une. Soc ya me jts'ibubey ta bay spatic uuc te yach'il jbiile.

Apocalipsis 3:21

Te mach'atic ya xju' yu'unic tsalawe, ya me sjoinon ta naclej ta banti te muc'ul nactijibal cu'une, jich nix te bit'il caiyoj tsalaw te jo'one soc te joinejix ta naclej ta bay smuc'ul nactijib te Jtate.