San Juan 14:16 - Bible in Tzeltal de Oxchuc y Tenejapa

¹⁶ Ya me jc'anbey te Jtate te ya sticunbeyex tel yan Joinwanej te ya sjoinex spisil ora stuquele,

Nuevo Testamento Tzeltal de Amatenango

¹⁶ Y joꞌon ya jkꞌanbe te jTate te ya stikonbeyex tal yan Joyinwanej te sil tiempo ya sjoyinex stukele,

Bible in Tzeltal Bachajón

¹⁶ Ho'on ya jc'ambe te Tatil, hich ya ya'beyex yan Joquinwanej awu'unic te sbahtel q'uinal ya sjoquinex,

San Juan 14:16 ပူးပေါင်းရင်းမြစ်များ

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

San Juan 14:14

Te bila ya ac'anic ta jwentae, ya me jpasbeyex.

San Juan 14:18

Ma ba ya xjilex ta me'bal cu'un. Ya xtal joinex.

San Juan 14:26

Te Jmuc'tesej-q'uinal awu'unique, ja' te Ch'ul Espíritu te ya sticunbeyex tel ta jwenta te Jtate. Ja' me ya yac'beyex anopic spisil stuquel, soc ja' me ya yac'beyex ana'ic stojol ta spisil te bi la calixe.

San Juan 15:26

“C'alal ya xtal te Jmuc'tesej-q'uinal awu'unic te ya jticunbeyex tel ta swenta te Jtate, ja' me ya yalbon jc'oplal stuquel. Ja' te Espíritu yu'un te bila melele te talem ta stojol te Jtate.

San Juan 16:22

Ja' nanix jich te ja'exe, ayex ta mel-o'tan ta ora to. Ja'uc me to, ya me quilbeyex xan asitic soc ya me xbujts'naj ta lec awo'tanic yu'un. Te sbujts' awo'tanique ma xju' ta pojel.

San Juan 17:15

Ma ja'uc ya calbat wocol yu'un te ya aloq'uesbon ta balumilale; ja' ya jc'anbat te ma xawac' a te bila amene.

San Juan 17:20

“Ma ja'uc nax ya calbat wocol yu'un te mach'atic xch'uunejone, ja' ya calbat wocol yu'un uuc te mach'atic patil ya xch'uunonic ta swenta bi ya xcholic te mach'atic xch'uunejonixe.

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

San Juan 7:39

Te bit'il jich la yale, ja' la yalbey sc'oplal te Ch'ul Espíritu te ya x'ac'botic te mach'atic ya xch'uunic te Jesuse. Melel ma to xtal a te Ch'ul Espiritue, yu'un ma to x'ac'ot ta ilel yutsilal te Jesuse.

Hechos 1:4

Te c'alal sjoinej to te jnopojeletic yu'une, la yalbey mandal te ma ba ya yijq'uitayic te lum Jerusalene. Jich la yalbey yaiyic: —Ya me amaliyic te bila yaloj te Jtate, te la calbeyex awaiyique.

Hechos 13:52

Yan te jnopojeletique, bayal sbujts' yo'tanic yu'un te xch'uunejiquixe soc nojel ta yo'tanic te Ch'ul Espiritue.

Hechos 9:31

Jich yu'un, lamal nax q'uinal la yaiyic spisil te jch'uunjeletic ta spamal sq'uinal Judea soc ta sq'uinal Galilea soc ta sq'uinal Samaria. Jich la sta yip yo'tanic ta lec soc la xi'ic spisil ora te Cajwaltique, soc esmajic xan ta swenta bit'il la yich'ic coltayel yu'un te Ch'ul Espiritue.

Romanos 14:17

Melel te bit'il ay ta ajwalinel te Diose, ma ja'uc ta swenta jwe'el-cuch'eltic. Ja' nax ta swenta te bila toje, te lamal q'uinale soc te ay sbujts' co'tantic ta swenta te Ch'ul Espiritue.

Romanos 15:13

Te Diose, ja' yac'oj smuc'ul co'tantic ta smaliyel, ac'a snojesbeyex bayal sbujts' awo'tanic soc lamaluc me q'uinal awaiyic ta stojol ta swenta te bit'il ach'uunejique. Jich me jelawen to xan ay smuc'ul awo'tanic ta smaliyel ta swenta yu'el te Ch'ul Espiritue.

Romanos 5:5

Soc smuc'ul co'tantic ya me jmaliytic te cutsilaltic, melel te xc'uxul yo'tan te Diose, malbilix ta co'tantic ta swenta te Ch'ul Espíritu te ac'bilotiquix yu'une.

Romanos 8:34

¿Ay bal mach'a ya xju' yu'un te ya x'ac'awan ta lajele? Ma'yuquix. Melel ja' la stojix te Cristo te c'alal laje. Soc ma jipuc a te laje, cha'cux tel, soc ayix ta swa'el sc'ab Dios te banti yac ta c'op cu'untique.

Gálatas 5:22

Yan te sit stuquel te Espiritue, ja' te xc'uxul-o'tanil, sbujts'-o'tanil, lamal q'uinal, sts'iquel, yutsil-o'tanil, lequil-o'tanil, xch'uunjel-o'tanil,

Filipenses 2:1

Jich yu'un teme muc'uben q'uinal ya awaiyic yu'un te Cristoe, soc teme muc'uben q'uinal ya awaiyic yu'un te bit'il c'uxex ta yo'tane, soc teme sjoinejex te Espíritu yu'une, soc teme bayal c'ux ya awaiy abaique,

2 Tesalonicenses 2:16

Ja' nix te Cajwaltic Jesucristoe soc te Jtatic Diose te c'uxotic ta yo'tane soc te yac'ojbotic smuc'ul co'tantic sbajt'el q'uinale, soc te ay bi ya jmaliytic ta swenta yutsil yo'tan cu'untique,

Hebreos 7:25

Jich ya xju' ya scoltay sbajt'el q'uinal te mach'atic ya xnoptsajic ta stojol Dios ta swentae, melel ya xju' ya xc'opoj yu'unic spisil ora stuquel te bit'il cuxul ay sbajt'el q'uinal.

1 Juan 2:1

Cal-jnich'nab, la jts'ibubeyex spisil in to swenta yu'un jich ma ba ya ale xan amulic. Ja'uc me to, teme ay mach'a ya sta smule, ay mach'a ya scoltayotic te ya xc'opoj cu'untic ta stojol te Tatile, ja' bi, ja' te Jesucristo te toj yo'tan stuquele.

1 Juan 2:27

Ja'uc me to, te ja'exe malbilix ta awo'tanic te Ch'ul Espíritu te la yac'beyex te Jesucristoe, jich me jc'axel ya x'ain ta awo'tanic. Jich ma puersauc te ay mach'a ya sp'ijubtesexe. Ja' nix ya yac'beyex ana'ic stojol spisil te Espiritue. Yu'un melel spisil te bila ya yac'beyex anopic stuquele; ma lotil c'opuc te bila ya yale. Te bit'il p'ijubtesbilex yu'un te Espiritue, jich me jc'axel jun ya x'ainex soc te Cristoe.

2 Juan 1:2

C'uxex ta co'tan ta scaj te smelelil c'op te jc'axel ayix ta co'tantic spisil orae.