San Juan 13:8 - Bible in Tzeltal de Oxchuc y Tenejapa

⁸ La yal te Pedroe: —¡Ma'yuc bi ora ya cac'bat apocbon cacan! —xi'. Jesús la yalbey: —Teme ma jpocbat awacane, ma xju' te cu'un ya xc'oate —xi'.

Nuevo Testamento Tzeltal de Amatenango

⁸ Te jPedroe la yal: —Te joꞌone ma xkaꞌbeyat apokbon te koke —xchi. La yal te Jesuse: —Teme makꞌ jpokbeyate, ma spas te jun nax ya xkꞌootike —xchi.

Bible in Tzeltal Bachajón

⁸ La yal te Pedro: Mayuc bin ora yac apocbon coc, xchi. Teme ma ba ya jpocat, yu'un nix ma cu'unucat a, xchi te Jesús.

San Juan 13:8 ပူးပေါင်းရင်းမြစ်များ

Génesis 42:38

Ja'uc me to, la yal te state: —Ma xcac'bat bael te jnich'ane. Lajemix te sbanquile, stuquel xanix. Teme repente ay falta ya sta ta be ta bay ya xbaex soque, ya me xlajon ta mel-o'tan awu'unic —xi'.

2 Samuel 20:1

Tey ta Gilgal ay jtul winic amen yo'tan, sts'umbal Benjamín, Seba sbiil, te patil alnich'an yu'un Bicri. Te Seba la stsob jajch'el ta guerra te israeletic, jich la yalbey: —¡Ma'yucotic ta swenta te David! ¡Ma'yuc bi quechel ya yac'botic te snich'an Isaí! ¡Conic ta jnatic ta jpisiltic, israeletic! —xi'.

1 Reyes 12:16

Te c'alal la yilic ta spisilic te lum israeletic te ma ba ich'otic ta wenta yu'un te muc' ajwalile, jich la yalbeyic: —¡Ma'yucotic ta swenta te David! ¡Ma'yuc bi quechel ya yac'botic te snich'an Isaí! ¡Conic ta jnatic ta jpisiltic, israeletic! ¡Te David ac'a scanantay te mach'atic ay ta swenta! —xiic. Jich ora bajt'ic ta snaic spisilic te israeletique.

Salmos 51:2

Pocbon loq'uel te bila amen jpasoje; pasbon ta sac te co'tane.

Salmos 51:7

Lecubtesawon soc hisopo, te jich me pocbil ya xc'oon; pocawon, jich me sac ya xc'oon te bit'il buen sac te toibe.

Isaías 4:4

C'alal ya yal mandal Cajwaltic te ya x'ochic ta castigo, soc te c'alal ya xc'ot ta pasele, ya me spocbey loq'uel sbolil ta Jerusalén a te bit'il la smal ch'ich', soc ya spocbey loq'uel smul te ants-winiquetic te wentainbilic yu'un Jerusalén.

Ezequiel 36:25

Ya me jpoquex ta mero lequil ja', ya me jpocbeyex spisil te bila bolobenex yu'une; ya me jlecubtesex te bit'il bolobenex yu'un te yich'el ta muc' te lotil diosetic awu'unique.

Zacarías 13:1

“Te c'alal ya sta sc'aalelal ya me yich' jamel sloq'uibja' c'oem, swenta yu'un tey me ya xju' ya spoc a te smulic soc te sbolil yo'tanic te patil alnich'anetic yu'un David soc te mach'atic nainemic ta Jerusalén.

San Mateo 16:22

Jich te Pedroe la yic' bael ta q'uejel te Jesuse, soc la yalbey: —Cajwal, ma me jichuc ya sc'an te Diose. Ma me jichuc ya xc'ot ta pasel ta awenta —la yut.

San Mateo 21:29

La yal te snich'ane, “Ma jc'an”, xi'. Ja'uc me to, patil la sujt'es yo'tan yu'un te bila la yalbey te state. Jich bajt' ta at'el.

San Mateo 26:33

Te Pedro jich la yal: —Manchuc teme spisilic ya xpejc'aj yo'tanic ta atojol, yan te jo'one ma ba ya xpejc'aj co'tan jtuquel —xi'.

San Mateo 26:35

La yal te Pedroe: —Ma ba ya jmucat ta co'tan. Ya xju' ya joinat ta lajel —xi'. Jich nix la yalic ta spisilic uuc te yantique.

San Juan 13:6

Te c'alal c'ot ta bay te Simón Pedroe, jich la yal te Pedroe: —Cajwal, ¿ja'at bal ya apocbon te cacane? —la yut.

San Juan 13:9

Te Simón Pedro la yal: —Cajwal, ma me ja'uc nax ya apocbon te cacane, ya me apocbon jc'ab soc jol —xi'.

San Juan 3:5

Te Jesús jich la yal: —Jamal ya calbat, ja' te mach'a ma x'ayin ta swenta ja' soc ta swenta Espíritu, ma xju' ya x'och tey a ta banti ay ta ajwalinel te Diose.

Hechos 22:16

Ta ora to, ¿bila ya amaliy xan? Jajch'an, ac'a aba ta ich'ja'. Jich me ya spocbat loq'uel amul te bit'il ya awalbey wocol te Cajwaltique”, la yuton te Ananiase.

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

Efesios 5:26

Jich la spas swenta yu'un ya xch'ultes soc ya spoc ta ja' ta swenta te sc'ope.

Deuteronomio 12:12

Ya me apasbeyic q'uin ta stojol te Cajwaltic te Dios cu'untique. Ya me atsob abaic soc awal-anich'nabic soc abatetic awu'unic, soc nix te levitaetic nainemic ta banti ayexe, melel ma'yuc ac'bot yich' sq'uinalic ta awolilic stuquelic.

Colosenses 2:18

Ma me xawaq'uic ta pojel te amajt'anic yu'un te mach'atic te jowil nax peq'uel ya yac' sbaic ta c'axem to xan, soc te ya slajin sbaic ta stojol te ch'ul abatetique. Scuyoj sbaic te ay bila ac'botix yil ta swaichic ta sc'opique. Muc' yac'oj sbaic yu'un te bila snopojic ta swenta nax te sbaq'uetalique.

Colosenses 2:23

Jich yaiyel te ya xp'ijubotic yu'un te p'ijil c'op ya yalique. Soc ya sujawanic ta xch'uunel Dios yilel te bit'il mero peq'uel ya yac' sbaic a, soc te ya yac' c'axuc swocol ta sbaq'uetalique. Ja'uc me to, tojol nax, ma xju' yu'unic scomel te bila ya smulan te jbaq'uetaltique.

Tito 3:5

Melel te jo'otique, ma ta swentauc cat'eltic te la scoltayotique; ta swenta nax xc'uxul yo'tan te la quich'tic atintesel yu'un, la yac' cha'ayinucotic xan, soc la yac'botic quich'tic yach'il cuxlejal ta swenta te Ch'ul Espiritue.

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.

Apocalipsis 1:5

soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,

Apocalipsis 7:14

La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.